Nawala ang balita na tila isa lamang ‘yong panaginip. Ilang beses akong tumakas sa palasyo pero wala ng nag-uusap tungkol sa magaganap na digmaan. Namatay iyon nang ganoon lang?
Limang araw din ang lumipas bago ako nagdesisyon na hindi na bumalik sa pamilihan.
“Princess, may bisita ka ang prinsipe ng 4th palace.” Ayon kay Sonia.
“Siana,” dumungaw ang prinsipe Guild.
Tumayo ako para mag-royal bow.
“Napadalaw ka,” nginitian ko siya, wala kasi kaming pasok ngayon pero may pribado akong klase sa musika na katatapos lamang.
“May ipinapadala si lola sa ‘yo,” aniya sa hawak na aklat.
Nangiti ako, “Sa susunod gusto ko uli siyang dalawin,” kahit parang ang imposible na no’n ngayon.
Sa aklatan kami nagkasama at pansamantalang kumuha si Sonia nang mirienda.
“Naging mahigpit na ang palasyo n
