PABILING BILING si Catherine sa pagkakahiga sa kama. Ilang oras pa lang silang nakakauwi mula sa Baguio. Hindi mawala sa isip niya si Lance Pierro. Marami siyang natuklasan tungkol dito habang kasama nila ito. Marami itong ginawa na ni sa hinagap ay hindi niya naisip na magagawa nito. Iniisip niya ngayon kung mascara lang ba ang kayabangang ipinapakita nito at kung kikilalanin ito nang mabuti ay makikita agad ang ganda ng puso nito.
Napilit siya ng binata na sa kotse na nito sila sumakay. May pinapunta na lang itong tao para magmamaneho naman ng kotse niya. Bago sila tuluyang bumaba ng Baguio ay dinala muna sila ng binata sa isang strawberry farm na labis na ikinatuwa ni Justin.
Nakausap niya roon si Nana Cela, ang may-ari ng farm na dati palang yaya ng binata noong maliit pa ito. Ayon s
