الكذب و الايمان وجهان لا يلتقيان

شابتر ٤

في بيت عمر

عمر بهدوء : السلام عليكم

نيرة بفرح: و عليكم السلام يا حبيبي احضرلك العشا

عمر بضحك : ياريت يا ماما لاني بجد هموت من الجوع

نيرة بخضة : بعد الشر عنك يا حبيبي

عمر بابتسامة : امال فين بابا

نيرة بهدوء : في مشوار كده و زمانه جاي

عمر: تمام انا هاخد دوش بسرعة عقبال ما حضرتك تكوني حضرتيلي العشا لاني واقع من الجوع

نيرة: ماشي يا حبيبي

بعد حوالي نص ساعة في اوضة السفرة

نيرة بسؤال : عامل ايه في شغلك يا حبيبي

عمر بزهق : الحمد لله يا ماما

نيرة بقلق : مالك يا حبيبي

عمر بابتسامة: متقلقيش عليا يا ماما انا كويس

نيرة: يارب دائما تكون كويس يا حبيبي

قطع الكلام صوت موبايل عمر

عمر بهدوء : الو

خالد بسرعة : ازيك يا عمر

عمر بهزار : حماتك بتحبك

خالد بضحك : قول يارب يا خويا

عمر بسؤال : المهم انت عامل ايه

خالد بقلق : انا الحمد لله فينك يا بني

عمر باستغراب : انا في البيت اشمعنا

خالد بهدوء: كنت عايز اتكلم معاك شوية

عمر بسرعة : طب تعالي البيت

خالد بسرعة : لا تعالي نتقابل في اي كافيه

عمر بهدوء : طيب ساعة كده و اقابلك في الكافية اللي في الاخر الشارع

خالد بهدوء : ماشي سلام

عمر بهدوء : سلام

نيرة بسؤال : ماله صاحبك يا عمر

عمر بقلق : مش عارف يا ماما اهوه هنزل اقابله

نيرة بهدوء : ماشي يا حبيبي

بعد حوالي ساعة في الكافية

عمر بهدوء: ازيك يا خالد اسف اني اتاخرت عليك

خالد بابتسامة : و لا يهمك اقعد

عمر بقلق : مالك يا خالد صوتك مكنش مطمني

خالد بتوتر : بص انا هحكيلك لاني مش لاقي حد اتكلم معاه

عمر بقلق : انت كده قلقتني اوي في ايه

خالد بهدوء : بص انا اتعرفت علي واحدة من علي الفيسبوك

عمر بسرعة : تمام و بعدين

خالد بحزن : اتكلمت معاها بقالي ٦ شهور و اتعلقت بيها اوي بس للاسف

عمر بقلق : للاسف ايه

خالد بحزن : طلعت ارملة

عمر باستغراب: فين المشكلة

خالد بزهق : المشكلة انها كدبت عليا و قالتلي انها مش متجوزة

عمر بهزار : بس مقلتلكش انها عزباء

خالد بعصبية: انت بتهزر صح

عمر بهدوء: اول حاجة اهدي كده و انا مش بهزر و بعدين انت ايه مشكلتك انت زعلان عشان انها مقلتش و لا زعلان عشان ارملة

خالد بحزن : معرفش يا عمر انا متلخبط اوي مش عارف افكر

عمر بهدوء : ممكن تكون ظالمها

خالد باستغراب : ظالمها ازاي

عمر بهدوء : ممكن تكون خافت تقولك عشان متسبهاش

خالد بصدمة: معقول تكون بتفكر كده

عمر بهدوء : اكيد ممكن تكون خايفة من رد فعلك

خالد: .....

عمر بسؤال : انت بقالك قد ايه مش بتكلمها

خالد بسرعة : من حوالي اسبوع

عمر بهزار : اسبوع اسبوع يا جاحد

خالد بعصبية : انت بتضحك

عمر بصراحة: ايوه بضحك عندك مانع

خالد بصراحة: انت عارف انا بعزك ليه

عمر بانتباه: ليه

خالد بابتسامة : عشان انا محظوظ و ال ‏محظوظ اللي يقابل فى حياته شخص ناضج وعاقل، عارف امتى يقفش وامتى يزعل وامتي يتكلم وامتي يسكت وامتى يكون حنين ويعدي، يعرف امتى يهزر وامتى يكون جد وقد المسؤولية، يعرف ازاي يحتوي غضبك وزعلك، ويقدر أوقات تقلباتك المزاجية، يعرف امتى يغير من غير ما يخنقك، ويقدر ببساطة إنه يسعدك.

عمر بضحك : انا بحبك اوي يا صاحبي

خالد بهزار : انت بتضحك عليا و لا علي خيبتي مع البنت

عمر بضحك: ايوه بضحك يا ع**ط علي خيبتك قوم كلمها مش يمكن الغمة تنزاح و تتجوز بقي و اخلص منك

خالد بضحك: تخلص مني ليه هو انا قاعد علي قلبك

عمر بهزار : يارب تتجوز بقي يا خالد و نخلص منك

خالد بهزار : طب يارب تقع يا عمر علي بوزك و تتجوز زيي

عمر بابتسامة : المهم عامل ايه في شغلك

خالد بهدوء : اهوه ماشية الحمد لله

عمر بهزار : مالك يا فقري

خالد بحزن : تعبت و الله من الشغل و من المدير و ابنه

عمر بانتباه: ليه بس

خالد بحزن : المدير القديم كان زي الفل

عمر بسؤال : طب هو فين

خالد بحزن : مات ربنا يرحمه كان راجل زي العسل و الله مكنش بيفرق بين اي حد كلنا زي بعض

عمر بسؤال : طب و بعدين ايه اللي حصل

خالد بزهق : جه اخوه مسك الشركة هو ابنه مع ان المفروض ان بنته هي اللي تمسك الشركة بس عمها قادر و ايده طايله

عمر بانتباه : هي الشركة دي اسمها ايه و مديرك اللي مات اسمه ايه

خالد باستغراب: اسمه محمد و اسم الشركة الهواري للمقاولات

عمر بصدمة: مش ممكن انت بتتكلم بجد

خالد باستغراب : اه بتكلم بجد هو في ايه

عمر بسؤال : خالد انا عايز منك خدمة

خالد بسرعة : اه طبعًا اتفضل

عمر بانتباه: انا عايزك تجبلي كل حاجة بتحصل في الشركة

خالد باستغراب: اشمعنا

عمر بسرعة : هقولك بعدين

خالد بهدوء : تمام حاضر

تاني يوم في المستشفى في اوضة لينا

عمر بابتسامة : صباح الخير يا لينا

لينا بابتسامة: صباح النور يا دكتور عمر

عمر بضحك : عاملة ايه النهاردة

لينا بابتسامة : الحمد لله تمام

عمر بسؤال: فطرتي و لا

لينا بتوتر : لا

عمر بصدمة: لا ليه

لينا بتوضيح : مليش نفس

عمر بهزار : انا يا ستي هفطر معاكي فينك يا حاجة نيرة

لينا باستغراب : مين الحاجة نيرة

عمر بهزار : دي ماما بس لو كانت شافتك كان زمانها جيبالك شوية مفتقة و هتقولك ايه ده يا بنتي مامتك مش بتاكلك و لا ايه

لينا بضحك : ده انت مسخرة

عمر بهدوء: ضحكتك حلوة اوي

لينًا ب**وف: شكرا

عمر بسؤال : صحيح هي شركة باباكي اسمها ايه

لينا باستغراب : الهواري للمقاولات

عمر بصدمة: ااااه بجد دي شركة معروفة

لينا بحزن: كانت معروفة بقي ما خلاص

عمر بحماس : ان شاء الله هترجعي تديري شركتك

لينا بحزن : اااااه

عمر بابتسامة : بقولك ما تقومي نفطر بره في الجنينة

لينا بصرامة : لا مش عايزة

عمر بحزن : ليه بس

لينا بحزن : مش عايزة اشوف حد

عمر بانتباه : لينا عشان تقدري ترجعي زي الاول لازم توجهي كل اللي حوليكي خليكي قوية قومي يلا بقي

لينا بحزن : ماشي

في جنينة المستشفى

عمر بابتسامة: اتفضلي يا ستي

لينا بصدمة: ايه كل ده

عمر بهزار : علي فكرة دي حاجة بسيطة و خفيفة

لينا بصدمة : كده و خفيفة امال او تقيلة هتبقي ايه

عمر بهزار : انتي عارفة لو نيرة شافت الاكل ده هتقولك ايه اكل الميتين ده دي عليها شوية فول ب الطحينة و الزيت الحار و شوية طعمية و كام حتة بتنجان حاجة كده مهلبية

لينا بضحك : تصدق نفسي اشوفها و اتعرف عليها

عمر بغباء : هي مين

لينا بضحك : نيرة يا دكتور

عمر بضحك: اااه

لينا : انت عارف اني عمر ما حد سالني مالك فيكي ايه كانوا دائما يقولولي سيبوها لوحدها

عمر باستغراب: ليه

لينًا بصراحة: عمري م اقتنعت بجمله سيبوه لوحده يمكن محتاج يقعد شويه لوحده، الإنسان لما يقع وميلاقيش حد جنبه ويقوم لوحده بيدرك وقتها أن كل اللي فحياته مينفعوش سند، وبيفكر انهم مكانوش معاه فالوقت اللي كان محتاجهم فيه حتي لو قال مش عاوز حد بس من جواه نفسه حد يقوله الا انا هفضل جبمك حتي لو غصب عنك.

عمر بضحك : طب كلي بقي

قطع الكلام صوت موبايل عمر

عمر بهدوء : الو ... حاضر يا فندم