شابتر ٣

1154 Words

لينا بهدوء : حاضر عمر بهدوء: انا اول حاجة عايز اعرفها ايه سبب اللي حصلك امبارح ايه اللي وصلك للحالة دي يا لينا لينا ببكاء: اروي عمر بسؤال : مين اروي لينا ببكاء: اروي دي كانت اعز صاحبة ليا مش بس صحبتي دي اكتر من اختي و هي السبب في اللي انا فيه دلوقتي عمر باستغراب: مش فاهم لينا بحزن :....... عمر بهدوء: لينا اتكلمي عشان اقدر اساعدك اروي دي حكايتها ايه لينا بهدوء : بص انا و اروي كنا صحاب جدا كنا مع بعض في الثانوي انا دخلت علوم و هي دخلت تجارة ، بابا مات بعد نتيجة الثانوية العامة بشوية من ساعة ما مات و احنا في كابوس بابا كان عنده شركة مقاولات كبيرة قبل ما يموت كتبها باسمي بيع و شراء يوم توزيع الميراث المحامي قال لنا ان بابا كتب ليا الشركة بس للاسف عمي كان طمعان في الشركة مع ان بابا كان عنده فلوس كتير اوي و عمي كان هياخد مبلغ كبير اصلا بس هو طمع في الشركة هو ابنه انا و ماما اتبهدلنا اوي عمي اخدنا في بيته انا تقريبا كل يوم بض*ب منه او من ابنه او مراته ال*قربة عمر بسؤال : برضو ايه دخلك المستشفى دي لينا بحزن : عمي و مراته اتفقوا انهم يحطولي في الاكل مهدئات و حبوب هلوسة مكنتش بقدر اركز كنت بشوف حاجات غريبة لغاية ما لقيت نفسي هنا قولت يمكن حد يقدر يساعدني و يصدقني بس للاسف كله شايف اني مجنونة انت عارف انا من ساعة ما جيت هنا كل لما يجي دكتور و اقوله علي اللي حصل محدش كان مصدقني كله فاكر اني مجنونة لغاية ما يأست ان حد يساعدني او يصدقني ف قررت اني افضل ساكتة طول حياتي عمر : ياااااه كل ده حصلك كملي لينا بسخرية : انا اخدت كمية مهدئات انت عمرك ما هتتخيل انا كنت مش بقدر اقف علي رجلي بس الحمد لله ربنا سترها عمر بسؤال : طب ايه علاقة اروي لينا بحزن : اروي كانت صحبتي ف كنت بحكيلها علي كل اللي بيحصلي بس للاسف هي كانت علي علاقة ب ابن عمي ف كانت بتقوله علي كل حاجة ف كان بيقول ل عمي مكنتش مخونة اروي قولت لا دي صحبتي ازاي هتعمل كده فيا ده انا صاحبتها كنت متخيلة انها هتساعدني قولت دي هتبقي طوق النجاة بتاعي بس للاسف هي بتحب الفلوس اكتر ده انا لما رجعت بيتي لما كانت بتزورني كانت هي اللي بتحطلي المهدئات في العصير و كانت دائما تقولي لازم يا لينا تقفي قدام عمك عشان محدش ياخد حقك ف يوم روحت الشركة قالتلي هجبلك عصير و حطتلي حبوب هلوسة فيه لغاية ما فوقت لقيت اروي بتقولي اني مضيت علي عقد بيع الشركة ل عمي انا ساعتها كنت حاسة اني موتت عمر بسرعة: و هي السبب في إللي حصلك امبارح لينا ببكاء: اه عمر بهدوء : طب اهدي كده عشان مش عايز حد يسمع صوتك او صوت عياطك لينا ببكاء : حاضر هسكت بس بلاش جلسات كهربا عمر بسؤال : هما ليه بيدوكي جلسات كهربا لينا ببكاء: لما بصرخ بيكتفوني و يدوني جلسات كهربا عمر: متقلقيش يا لينا انا هساعدك لغاية ما ترجعي زي الاول و ترجعي حقك انتي و والدتك لينا : انا مش عارفة اقولك ايه عمر بهدوء : متقوليش حاجة انا هسيبك بقي في مكتب الدكتور حسين الممرضة بقلق : الحق يا دكتور حسين حسين بسخرية : في ايه يا بومة الممرضة: مصيبة يا دكتور حسين مصيبة حسين بهزار : انتي بقالك هنا ٧ سنين و عمرك ما جبتيلي خبر عدل كل اخبارك زفت حتي الخبر العدل الوحيد اللي قولتيه لما مريض فاق من غيبوبة يدوبك روحنا له كان مات يا فقر الممرضة بسرعة : البت اللي اسمها لينا حسين بقلق : مالها الممرضة بسرعة : اتكلمت تاني حسين بصدمة: معقول دي بقالها سنين ساكته و انتي عرفتي منين الممرضة بتوضيح : سمعتها و هي بتتكلم مع الدكتور الجديد حسين بسؤال : اتكلمت معاه في ايه الممرضة بسرعة : معرفش والله يا دكتور حسين بهدوء: طب روحي انتي دلوقتي و عينك عليها هي و الدكتور الممرضة بسرعة : حاضر يا دكتور الممرضة خرجت من المكتب ، دكتور حسين مسك تليفونه حسين بهدوء : الو يا حاج حسن حسن بسخرية : اهلا يا دكتور حسين خير حسين بتوتر : في خبر كده مش حلو حسن بعصبية : خبر ايه انطق حسين بتوتر : انسة لينا اتكلمت تاني حسن بصدمة: ايه اتكلمت و انت عرفت منين حسين: الممرضة هي اللي سمعتها و هي بتتكلم مع الدكتور الجديد حسن بصدمة: قالتله ايه حسين بهدوء : الممرضة متعرفش هما كانوا بيكلموا عن ايه حسن بتحذير : اسمع يا حسين عينك علي الدكتور ده انا مش عايز غلطة حسين بخوف: حاضر يا حاج بعد حوالي نص ساعة في مكتب الدكتور عمر الممرضة بهدوء : دكتور عمر عمر بهدوء : ايوه خير الممرضة بصرامة: الدكتور حسين عايزك في مكتبه عمر بهدوء : حاضر جي وراكي في مكتب الدكتور حسين عمر بهدوء: دكتور حسين حضرتك طلبتي حسين بصرامة : اقعد يا دكتور عمر بهدوء : خير حضرتك حسين: المريضة اللي في اوضة ٥٠٤ عمر بانتباه: مالها حسين بخبث : اتكلمت تاني صح عمر بهدوء : اه صح بس حضرتك عرفت منين حسين بصرامة: مفيش حاجة في المستشفى دي الا لما بكون عارفها و بعدين هي اتكلمت معاك في ايه بالظبط عمر بكذب : كانت عايزة تشوف مامتها و تزور باباها في المقابر حسين براحة : اه عمر بسؤال : بس كنت عايز اسال حضرتك سؤال حسين بتوتر : ايه هو عمر بسرعة: هي المريضة دي حكايتها ايه حسين بكذب : عادي يعني عندها شوية مشاكل كده بتتخيل ناس و كانت بتكلمهم عادي زي اي حالة عمر بصدمة: اه طب بعد اذنك في مكتب الدكتور عمر عمر بيكلم نفسه: معقول بيكدب عليا طب ليه هو مستفيد ايه و كمان عرف منين معقول يكون حد من الممرضات لا لا مش معقول و بعدين كدب ليه علي حالتها و كمان هو اداني الحالة دي من الاول ليه في مكتب الدكتور حسين حسين بهدوء : الواد ده شكله مش هيساعدها ................. حسين بتوضيح : عشان لما سالته ان لينا اتكلمت قال اه و مكدبش ............ حسين بخبث: الواد ده لو ساعدنا يا باشا هتخلص منها و من ق*فها ........... حسين بخبث : بس يا باشا اوعي تنسي حلاوة حسين حبيبك ........... حسين بقلق : عايزاني اعمل ايه معاها قول و انا انفذ ........... حسين بضحك : بس كده من بكرة كل امرت ليه يتنفذ انت تامر بس يا باشا ........... حسين بتوتر : ده العشم برضو يا باشا بس كنت عايز اطلب من حضرتك طلب صغير كده .......... حسين بتوتر : الواد ابني محتاج شغل في اي شركة .......... حسين بهدوء : خريج هندسة معماري يا باشا .......... حسين بفرح : ربنا يخليك لينا يا باشا مانحرمش منك يارب ........ حسين: سلام يا باشا مع الوقت هتكتشف ان فيه ناس فحياتك مكانوش يستاهلوا منك الحاجات الحلوه اللي كنت بتعملها عشانهم ، ميستهلوش تفكيرك فيهم ولا حبك واهتمامك بيهم ولا طيبة قلبك . هم يستاهلوا ناس يكونوا زيهم ، ناس يتعاملوا معاهم بنفس معاملتهم ، ناس شبههم ولايقين عليهم بس مش انت. الظلم هو التعدي على الأخرين وأخذ حقوقهم ونكرانها، والظلم ظلمات وهو من أكثر الأمور التي تسبب الأذى والضر للأشخاص. تنامُ عينكَ والمظلومُ منتبهٌ.. يدعو عليكَ وعينُ اللّهِ لم تنمِ.

Free reading for new users

Scan code to download app

App Store Google Play

Facebookexpand_more