“Migz, paabot naman ng soup.”
Si Claudia na ang kumuha ng soup bowl para sa ‘kin kahit kanina pa siya nakasimalmal. Nakalimutan yata niyang ayaw niya sa akin at kanina lang ay halos isumpa niya ‘ko dahil sa isang bracelet.
She’s obviously not her usual self. Hindi pa siya kumakain at panay lang ang pagtusok ng manok sa kanyang plato na para bang kasalanang maiprito. Simula nang dumating si Aria ay nagkaganito na siya.
Nagpasalamat na lang ako sa kanya bago ko sinundan ‘yung matalim niyang tingin. Napatitig na rin ako kina Migz at Aria na kanina pa masayang nagku-kwentuhan.
Sino ba namang hindi maiinis? Parang silang dalawa lang ang tao ngayon sa hapagkainan.
Pagkatapos kasing linisin lahat ng kalat sa kanilang bahay, Migz invited Aria to have dinner with them. Hindi niya ako inaya
