“Yes, this way please.”
Bahagya kong binuksan ang pinto at sa siwang ko nakita si Ms. Mabelle na tumutulong sa preparation para sa press conference ngayong hapon. Mukhang may mga reporters at journalists nang dumating kahit halos isang oras pa bago kami magsimula. Sinamahan sila ni Ms. Mabelle papunta sa conference room kung saan naganap ang board meeting nung nakaraan.
Sinarado ko ang pinto ng opisina at naupong muli sa swivel chair. Inikot-ikot ko ito at ginawang libangan.
Magsisinungaling ako kung sasabihin kong hindi ako kinakabahan. Sa nakalipas na dalawang araw ay wala akong ibang ginawa sa opisina kundi umidlip, mag-browse sa internet, at online shopping. Tapos ngayong araw ia-announce na nila sa lahat na ako ang kasalukuyang CEO ng Savage Enterprises? Paano kung tanungin nila ak
