‘Yung nasa iyo na pero nawala pa.
Halos kapusin ako ng hininga nang takbuhin ko ang natitirang distansya sa pagitan namin ni Migz. Ang lakas ng kabog ng dibdib ko. Ramdam ko ang panlalamig ng buong katawan ko. I was calling his name with all my heart, begging God not to take him away from me again.
“Migz! Oh my God!” Hindi ko malaman ang gagawin paghinto ko sa harapan ni Migz na nakasalampak sa malamig na sahig at walang malay. Lumuhod ako sa harapan niya at dito nakita ang ilang galos sa mukha niya. Hahawakan at yayakapin ko sana siya pero mabuti at napigilan ko ang sarili ko bago ko pa ito nagawa. Dahil kung may fracture siya ay baka mas mapalala ko pa sa balak kong gawin.
Nakita ng dalawang mata ko ang pagtama ng SUV kay Migz kahit na pilit umiwas ang sasakyan. Bumagsak si Migz na
