Pagpasok ko sa loob ng Savage Enterprises, agad yumuko ang mga tao nang makita ako.
“Good morning, Ms. Savage.” Narinig ko ang sabay-sabay nilang pagbati pero hindi ko sila tiningnan. Tumango lang ako habang tuloy-tuloy pa rin sa paglalakad.
Inayos ko ang pagkakasuot ng itim kong shades pagkahinto sa harap ng elevator. Pinalis ko rin papalikod ang tuwid kong buhok. Nang magbukas ang pinto ng elevator, taas noo akong sumakay dito at pinindot ang pang twenty-five at closing buttons.
I could barely see my reflection on the elevator walls. Paano’y kulay itim ang suot kong long sleeve turtleneck dress na lagpas tuhod ko. Pinareha ko ito sa itim kong rockstud heels at leather bag na araw-araw kong dala dahil wala na akong oras magpapalit-palit pa.
Magsasarado na sana ang pinto ng elevator na
