Chapter 23
Andrei's Point of View
Wala sa plano kong iwasan si Kyle ng kahit isang saglit ngunit nang makita ko kung gaano kasakit kay Anne na tanggapin ang lahat ay nagdesisyon akong bigyan muna siya ng sapat na panahon. Panahong hindi ko noon naibigay kay Carla. Ngunit hindi ko alam na ganoon pala kasakit ang magparaya. Yung alam mong sa'yo na siya ngunit hindi pa napapanahon dahil may mga nasasaktan kang iba. Yung sakit na bitiwan mo siya kahit sandali lang kahit ayaw niyang bumitiw sa pagmamahalan ninyong dalawa. Mahal ko si Kyle, kawangis ng pagmamahal ko sa aking sarili at ang pag-iwan ko sa kaniya sa kabila ng matinding pakiusap niya ay parang may makapal na telang tumatakip sa aking bibig at ilong. Nakapahirap para sa akin ang huminga. Ngunit hindi ako yung tipong makasarili. Yun
