Chapter 29
Kyle's Point of View
Patakbo kaming lumapit sa isa't isa.
Sumisigaw siya sa saya. May luha sa kaniyang pisngi. Ako man ay napapaluha sa nakikita ko sa kaniyang kagalakan.
Isang dipa na lang. Parang nangyari na iyon noon. Hindi ko lang alam kung saan at kung anong pagkakataon pero pakiramdam ko hindi bago ang ganoong tagpo sa akin. May kakaiba sa pakiramdam kong hindi ko mawari.
Kaya lang, bago pa man ako tuluyang nakalapit sa kaniya ay nakita kong kay Aldrin siya yumakap. Kasunod iyon ng pagbuhat sa kaniya ng iba pa naming ka-team habang nagbubunyi ang lahat sa aming pagkapanalo. Naroon akong parang isang fan. Nakikipagbunyi sa panalo ng isang iniidolo. Idolong hindi ako napapansin ng mga sandali ng kaniyang tagumpay. HIndi ko alam kung anong meron sa akin na nag-aabang ako
