Chapter 86
Nagising ako kinabukasan na nasa loob ako ng kwarto ni Christian. Bigla akong napabalikwas ng bangon dahil sa pagkakatanda ko ay nakatulog ako kagabi sa ospital bed kung saan ay pansamantala kong inookupa habang binabantayan ko sa ICU si Christian.
Mabilis akong tumayo saka dali-daling lumabas ng pinto. Ni hindi ko nagawa na maghilamos dahil sa nagtataka ako kung bakit ipinikit ko ang mga mata ko na nasa ospital ako at ngayon na pagdilat ko ay nasa ibang lugar na ako. Paglabas ko ng kwarto ay mabilis kong tinungo ang hagdan at bumaba. Walang tao sa sala kaya nagpunta ako sa kusina ngunit wala rin akong nakita dun na kahit sino.
Tahimik ang paligid ko kaya mas lalo akong nagtaka. Kunot noo akong bumalik sa sala at umupo sa sofa habang nag-iisip. Tiningnan ang wall clock, pas
