"Halika, may balita ako para sayo."
Bago pa makapagsalita si Fate ay lumiwanag na ang buong kapaligiran. Batid niya na wala na siya sa bahay ni Binibining Style. Nasa ibang lugar na sila. Hindi nagtagal ay nahulog sila sa isang dimensyon. Nagkaroon ng ilaw ang hour glass na nakasabit sa kwintas ni Fate kaya nalaman nilang nasa itim na dimensyon sila.
"Delikado tayo." ani Hail.
"Akala ko ba ay nakabalik ka na ng Fantanavia? Hindi ba't tapos ka na sa pagtulong mo sakin?"
"Bumalik ako. May kailangan pa akong gawin na hindi ko natapos dito."
"Kung hindi ka lang sana sumulpot kanina ay nalaman ko na kung saang lugar nakatira si Kin Norwester."
"Tama lang na dumating ako."
"Bakit?"
"Maniwala ka, hindi pa ito ang tamang oras."
"Hindi pa? Hail, dalawa o tatlong araw na lang ang nalalabi s
