SPECIAL CHAPTER 1
AFTER 1 MONTH
Hera Isabella Claveria
“Lo, magpahinga muna kayo. ‘Wag niyo munang pilitin na lumakad!” Sigaw ko sa matanda nang makita ko itong nagtatangka na tumayo sa sofa gamit ang tungkod nito.
Pababa na ako sa hagdan at malayo pa ako kay Lolo ay napasigaw na ako. Halos takbohin ko tuloy ang pagitan nitong hagdan at sala kung nasaan si Lolo.
“Lo, sabi ko naman sa’yo na tumawag ka’yo ng kasambahay kung kailangan niyong tumayo para maalalayan kayo.”
Umakbay sa akin si Lolo at yumakap naman ang isang kamay ko sa beywang nito. Meron itong dalang tungkod sa kabilang kamay at nagsimula nang maglakad. Ramdam ko ang hirap ni Lolo para ihakbang ang paa nito.
“Saan po ba kayo pupunta, Lo?” Tanong ko.
“Gusto kong sumagap ng sariwang hangin sa labas, apo. Nabuburyo na ako
