Hera Isabella Diamante
“B-buntis po ako, Ninang.” sambit ko habang pinipigilan na maiyak.
Pangalawang ulit ko na ang pagkakasabi kong buntis ako. Pinaulit sa akin ni Ninang dahil tila nabingi siya nang una kong sinabi nang tinanong niya kung ano ang gusto kong sabihin kaya nagpunta ako dito.
Kumunot ang noo ni Ninang Riza. Ilang segundo siyang natigilan at hindi nakasalita pero matapos nang ilang sandali ay bigla siyang tumawa.
“Tss! Pina-prank mo ba ako, inaanak?”
Sabi ko na nga ba ay mahihirapan ang Ninang ko na maniwala sa akin. Kilala niya ako bilang ilag sa lalaki. Alam niyang hindi ako namamansin sa mga nangtangkang manligaw sa akin. Higit sa lahat ay alam niya na gusto kong makatapos ng pag-aaral na walang distraction at hindi nakikipag relasyon. Tapos, heto ako ngayon — bunti
