Hera Isabella Diamante
“Sir?”
Ito na naman ako na biglang rumurupok sa titig pa lang ni Sir Zeus sa akin. Titig na parang tagos sa kaluluwa ko.
“Sorry. I didn’t know the story of your mother. Hinusgahan ko agad siya dahil alam kong nabuntis siya nang maaga.”
Nakagat ko ang ibabang lalabi. Nagiging emotional na naman ako. Bigla kong binaba ang tingin ko. Pinikit pikit ko ang mga mata ko para pigilan ang napipinto kong pag-iyak. Ayokong lagi niya akong nakikitang emosyonal sa harapan niya.
Pero nanlaki na lang ang mga mata ko nang biglang hinawakan ni Sir Zeus ang baba ko at pinagpantay ang mga tingin namin. Napaawang tuloy ang bibig ko dahil sa ginawa niya at nakita kong bigla niyang binaba ang tingin do’n sa nakaawang kong labi sandali bago muling binaling sa mga mata ko ang tingin.
