Anna Madrigal
“Ma’am Anna, bakit biglaan naman? Tsaka, imposible naman na nalugi ang isang branch natin dahil sa mga agreements na pinasok ng kumpanya at pinagbibintangan ka lang ng connivance ni Mr. Morales. Humanap tayo ng ebidensya na hindi totoo ang binibintang sa’yo!”
Nakita ko ang pag-aalala sa mukha ni Nelle nang sinabi ko dito ang dahilan kung bakit ako pinatawag ni Mr. Morales. Para tanggalin ako sa trabaho.
“H-hindi ko alam, Marinelle!” Napahilamos ako ng mukha ko.
Natutuliro tuloy ang utak ko. Kapag ganitong kalaking problema ang kinakaharap ko ay ang hirap mag-control ng emotion. Parang naiiyak ako. Kahit ilang leadership, conflict resolution at emotional intelligence training pa ang natapos ko ay hindi ko maa-apply kapag reputasyon ko na ang nakasalalay.
Unang pumapasok
