أحببت بطل خيالي أضغاث أحلام

العوده

فريحه ٢٦

هيلين فاقت وحسيت أنها بتتجاهلني وكان كلامها موجهه لمراد كل اما احاول اكلمها متردش عليا

مراد : حبيبتي هنخرج كمان شويه بس م***ع الحركه وله اللعب لحد ما تكوني كويسه.

هيلين : ماشي يابابي . هسمع كلامك كله ومش هضايقك. المهم تكون معايا

مراد :انا معاكي يا قلبي وكمان فريحه هنعيش احنا الثلاثه مع بعض

هيلين عيطت : انا مش عايزه فريحه. مش عايزها معانا ، عايزك انت وبس

مراد بصلي بتعب اما صدق يقنعني ودلوقتي هيلين هي اللي رافضه تعيش معايا.

اضيقت من رافضها ليا وكنت هدخل بس سيبت مراد هو اللي يتولي الموضوع يمكن يفهم السبب

مراد : ليه بتقولي كدا. مش دي فريحه اللي انتي بتحبيها. فكره احنا اتفقنا علي ايه. أننا هنعيش مع بعض كلنا. ويكون ليكي مامي جديده ونكون اسره

هيلين : هي مش بتحبني. خدتك مني امبارح وانا كنت تعبانه وانت مش معايا. انت بتحبها اكتر مني

مراد : انا بحبكم انتم الاتنين قد بعض . فريحه بتحبك وقالتلي أننا هنعيش مع بعض. بس امبارح كان عندي شغل. هي ملهاش ذنب

هيلين : انت متاكد من الكلام ده وله بتضحك عليا

مراد : متاكد جدا . حتي اساليها بنفسك

قربت منها وحضنتها وحاسه ب*عور غريب. حاسها مني مش غريبه عني . اتسفتلها وقولتلها اني بحبها

وصدمتني اما نادتني ب ماما ، دموعي نزلت غصب عني

مراد : كفايه دموع بقي ، بقالنا سنين في حزن ونكد . ومن دلوقتي مش هنسمح لاي حد يزعلنا

خرجنا من المستشفي علي بيتي . وعملت الغدا ومراد كان بيساعدني وهيلين كانت نايمه

اتغدينا مع بعض كان مراد بياكلني انا وهي

الضحكه مفرقتش وشي

.. الباب خبط وكان بشار وشام

مراد وشه قلب وهيلين كانت فرحانه اما شافت شام

فريحه : تعالو واقفين ليه

مراد حط أيده علي كتفي وهو بيبص لبشار بتحدي : مين يا حبيبتي . تقريبا انا شوفتك قبل كدا. انت فشار مش كدا

مقدرتش امسك نفسي وضحكت واضح اوي أن شكله بيستهبل .. بشار ابتسم له ابتسامه صفراء وبصلي : قلقت عليكي لانك ما كنتي موجوده اليوم وامس وكمان كلمتك كتير والموبايل مغلق

فريحه : اه صح ، هو موبايلي فين يا مراد

مراد : في الشاليه. هروح اجيبه مع الحاجه . استني بس اما نشكر الاستاذ القلقان ونقوله بعد كدا ميقلقش عشان أنا جوزك هكون موجود دائما ومش هسيبك وان احنا اتصالحنا

بشار رد برخامه علي مراد : اها فهمت. الرساله وصلت يا استاذ جوزها حبيبها

شكلهم يضحك الاتنين انا واثقه أن بشار بيعزني كصديقه .وحتي لو في اي اعجاب خلاص هيروح

ومتاكده أن مراد بيغير منه ومش طايقه

اصريت أن بشار يدخل يشرب اي حاجه . بس هو رفض وخد شام اللي كان بيكلم هيلين

مراد : مش هخلص من الواد ده وأبوه. قوليلو يبعد عن بنتي

فريحه : انت كمان هتغير من طفل . هما لسه فاهمين حاجه

مراد : مش طايقهم. انسان ثقيل ورخم وابنه شبهه كدا تنح

هيلين : شام حلو يا بابي. متقولش عليه تنح. مش كدا يا مامي

فريحه : كدا ياعيون مامي ، بابي بيهزر معاكي مش كدا يا بابي

مراد : كدا

اتصالحنا انا ومراد وبدانا صفحه جديده في حياتنا

وصل حسن ومعاه ورق الطلاق من المحامي

فريحه : حسن. تعال اتفضل. اخبارك ايه

حسن : الحمد لله. انا جهزتلك ورق الطلاق يدوبك بس علي الامضاء وبعد كدا هتكوني حره

فريحه. : لا. ما انا خلاص مش هطلق اصلي اتصلحت مع مراد

حسن : انتي بتقولي ايه. بعد السنين دي كلها جايه تتصالحي معاه انتي في ايه في دماغك انا مش فاهم

فريحه : انت بتكلمني كدا ليه . انا فاهمه انك خايف علي مصلحتي بس مش بالاسلوب دا

هنا خرج مراد علي صوت فريحه واول اما شاف حسن وحسن شافه الاتنين وقفو قدام بعض مصدومين

مراد : حسن انت بتعمل ايه هنا

حسن : انا انا كنت جاي بالصدفه وهمشي تاني

مراد قرب من حسن ومسكه من هدومه : صدفه وعرفت مكان فريحه .وله انت كنت عارف مكانها من الاول ، طيب لو صدفه يا صاحبي مجتش قولتلي ليه

فريحه : مراد اهدا. حسن مش غلطان انا اللي اصريت عليه يساعدني ويقف جنبي

مراد : يقف جنبك في ايه يا فريحه . ده صاحبي وعشره عمري . يعني كان شايفني بتعذب قدامه وبدور عليكي ليل نهار وهو واقف يتف*ج عليا. ده كان بيدور معايا انتي فاهمه هو عمل فيا ايه . انا كنت بموت الاربع سنين اللي فاتو

ض*ب حسن في وشه : انت حيوان وخونت العشره

حسن : انت متستهلش فريحه ، ليه تاخد كل حاجه تعوزها ، احسنلك ابعدي عنه مش هتعرفي تعيشي معاه ده خاين

مراد كان هيض*به بس فريحه وقفت قدامه وهي بتترجاه يهدا خرج حسن وهو بيتواعد ليهم

فريحه: مراد ، هو مش غلطان انا اللي كنت عايزه ابعد عنك وهو ساعدني بعد ما روزي قالتلي علي اللي بينكم وعرفت انك علي علاقه بيها

مراد : حسن عارف الحقيقه هو كان شايف كل حاجه بتحصل

هو عنده حق حسن عمره ما جه وقالي أن مراد زعلان بالع** ده كان دائما بيحكي أنه عايش حياته وله علي باله وأنه نسيني ، معني اللي حصل أن حسن كان يقصد يفرق بيني وبين مراد اكيد مشترك مع روزي في كل حاجه ومش بعيد تكون لعبه من اول اللي حصل لاخره

شوفت مراد مسك الورقه وفتحه وعرف أنه ورق الطلاق بصلي وقطعهم وقالي انه مش هيطلقني حتي لو طلبت منه ده . حاسه ان كل حاجه متلخبطه في حلقه مفقوده في حل اللي بيحصل دا. عايزه اعرف الحقيقه

مراد : فريحه احنا هنمشي من هنا ومش هنرجع اسطنبول. هنروح في مكان تاني بعيد عنهم. انتي كان عندك حق من الاول حسن وروزي وكلهم صنف لعمله واحده انا كنت مش مصدق بس دلوقتي صدقت كلهم شر

فريحه : مش هنهرب تاني يا مراد. الاول كنت ضعيفه بس دلوقتي وبعد اللي حصلي انا مش هسيبهم يدمرون حياتنا . ورايا كام حاجه اعملها هنا وهنرجع بيتنا اللي هناك . ومش عايزه اسمع اي اعتراض

طلعت اوضه هيلين وهو واقف مبتسم علي كلامها

مراد : اتغيرت اوي ، بقت مسيطره البت دي.

.... تاني يوم كانت فريحه في الحضانه

في مكتبها

فريحه : ساره انتي الوحيده اللي واثقه فيكي تقدري تديري المكان انا مش عارفه هغيب قد ايه . بس واثقه انك هتظبطي الدنيا هنا

ساره : متقلقيش يا فريحه كل حاجه هتمشي زي ما انتي عايزه . اعتبري نفسك موجوده في المكان .

فريحه : انا واثقه في كدا. لو في اي مشاكل اتصلي بيا علي طول وانا هاجيلك

ساره : تمام . شكلك مبسوطه مع اني كنت متوقعه انك هترفضي ترجعي لمراد وله انتي راجعه عشان تنتقمي

فريحه : انا لو هنتقم مش هيكون من مراد . هيكون من اللي فرقنا. حسن طلع مش سهل زي ما كنت متخيله

ساره : خلي بالك يا فريحه انتي مش حمل تعب تاني وله حزن.

فريحه : متخفيش طول ما مراد معايا انا هكون قويه. المهم عندك فرصه

مع بشار . تقدري تقربي منه براحتك

ساره : ايه . لا ، بشار مين

فريحه : بشار يا ساره . بشار ابو شام هنستهبل انا عارفه انك معجبه بيه. هو انسان محترم علي فكره.

ساره : انا شيلت الموضوع من دماغي اصلا. هو مش شايفني . عشان معجب بيكي

فريحه : مش واخد باله منك . لكن اول ما يعرفك هيحبك انتي مفيش منك اتنين. اضطر امشي عشان مراد بيرن عليا. خلي بالك من نفسك واتصلي بيا دائما احكيلي عملتي ايه باي يا سوسو

ودعتها فريحه وخرجت من الحضانه كان مراد واقف بالعربيه قدام الباب وهو بيبص في الساعه

مراد : يلا يا فريحه. اتاخرنا علي الطياره

فريحه : حاضر ، كنت بكلم ساره زي ما قولتلك

مراد : اتفضلي .في حاجه تانيه ناقصه عشان خلاص مفيش وقت

فريحه : لا ..تمام ظبطت كل حاجه وكل حاجه في السليم.

هيلين : هو احنا مش هنرجع تاني . مش هنشوف شام يعني وله ايه

مراد ؛ نعم

فريحه : اهدا يا حبيبي . دول اطفال

مراد : معنديش انا الكلام ده. بلا اطفال بلا زفت. مش عايز اسمعك تجيبي سيره ولد علي ل**نك وبالذات اللي اسمه شام ده

هيلين : يووه انا بحبه يا بابي

فريحه : يا نهار مش فايت . مراد هيتشل

مراد وشه احمر وبيزعق في هيلين اللي مش فاهمه هو زعلان ليه هي بتتكلم ببرائه : عيب .عيب سامعه عيب

فريحه ضحكت : هههه ، انت علقت يا مراد ، خلاص عرفنا أنه عيب . تعالي يا بنتي نقعد ورا ونسيبه مع نفسه قدام

هيلين : تعالي يا مامي. مس عارفه عامل دوشه

فتح باب العربيه وركبت فيها مع هيلين وصلو المطار.

بعد وقت كانو في أول بيت ليهم

دخلت فريحه وهي بتتف*ج علي البيت وحشها كل حاجه فيه

هيلين : الله يا بابي البيت ده حلو اوي. هو ده بتاع مين

فريحه : ايه ده . هي اول مره تدخل البيت هنا.

مراد : من وقت ما مشيتي سبت البيت بس اوقات كنت باجي اقعد فيه لوحدي أو اجيب حد ينضفه . بس كل حاجه زي ماهي

فريحه طلعت علي اوضتهم وشافت الصور اللي مراد عاملها علي الحيطه. صورهم مع بعض

وشافت المذكره اللي كانت جنب السرير وفيها مراد كان كاتب رسايل ليها. كل يوم كان بيعدي كان بيكتبلها رساله

كل موقف كان بيحصل معاه كان بيحكيه.

دخل مراد : عمري ما نسيتك يا فريحه. حتي في اعياد ميلادك . كنت بجبلك هديتك . هتلاقيهم في أول درج. اربع هدايا باربع سنين

فريحه فتحت الدرج وهي مش مصدقه ضحكت بين دموعها : انا افتكرت انك عايش حياتك ونستني.

مراد : م***ع العياط . قولتلك مش مسموح بالدموع بعد كدا. عايز اشوف ضحكتك وبس

فريحه : صح . مفيش وقت للدموع. انا وانت هنضحك ونعيش مع بعض.

مراد : ونجيب دسته الاطفال. انا مش ناسي.

فريحه : دستين وحياتك . هنملي البيت كله اطفال وهعملك مدرسه صغيره

حضنها مراد وهو بيدعي أنهم يفضلو مع بعض

بس ميعرفش أن حسن بدأ المشاكل وهيورطه في مصائب

هيعمل ايه ؟؟؟

تابعو هتعرفو ؟

يتبع

فريحه ٢٧

خرج مراد مع فريحه وهيلين يلعبو في مدينه الال**ب

اول ما فتح الموبيل

بدأت الاتصال عليه مراد بشكل مش طبيعي

فريحه : الموبيل هينفجر من الاشعارات والاتصالات حصل ايه لكل ده

مراد : مش عارف انا قفلته ساعه بس . غريبه اوي الموضوع دا

فريحه : طيب رد كدا يكون في حاجه حصلت

كان أول اتصال من مخرج وبيقوله أنه هيبدا التصوير بعد يومين

مراد : تصوير ايه . انا متفقتش علي حاجه.

المخرج : مدير أعمالي جالي وقالي انك وفثت علي السيناريو

مراد : حسن انا رفدته . مليش دعوه بالموضوع ده انت وهو احرار

المخرج : ازاي يا استاذ مراد ده قال انك عايز الفلوس عشان تصور خد نص الفلوس والمونتج قال النص التاني بعد ما تخلص تصوير

مراد :انا لا خدت الفلوس وله بعت حد .

المخرج : انا مليش دعوه بكل ده التصوير بعد يومين وحضرتك هتيجي وتصور

مراد اتعصب : لا طبعا . مش جاي.

قفل الخط . وقبل ما فريحه تسأله

جاله اتصال من مخرج تاني بيقوله أن التصوير اخر الاسبوع

مراد : انا متفقتش مع حد ومليش دعوه بيه

...

فريحه : في ايه يا مراد ؟ اتكلم هتسبني كدا ، عايزه اعرف ، هو عمل ايه

مراد : الحيوان حسن ، راح اتفق مع المونتاجين وخد فلوس منهم علي اساس اني هصور فيلم وبرنامج ولسه مش عارف عمل ايه تاني .

فريحه : قولهم الحقيقه ، هو اللي اتفق معاهم

مش انت يبق هو اللي يتحمل

مراد :المصيبه أن معاه توكيل عشان هو مدير أعمالي

فريحه : انت بتهزر يا مراد. لسه ملغتش التوكيل

مراد : انشغلت ونسيت خالص . هروح للمحامي يتصرف في المصيبه دي. انا مش عارف هو بيكرهني كدا ليه. فريحه انا كنت بعتبره اخويا. تخيلي الض*به تجيلي من اقرب الناس ليا

فريحه : في ناس كدا غداره مهما صحبتهم أو حبتهم بيكون منتظرين اي لحظه عشان يغدرو بيك . الظاهر أن حسن كان تعبان ومحدش كان عارف حقيقته

المشكله الأكبر اما جت لمراد رساله علي موبيله بتقول أن رصيده في البنك صفر . بعد ما اتسحب كل الفلوس في حسابه

فريحه : بكره تعوض كل ده وفلوسي هي فلوسك

مراد : بس يا فريحه الموضوع مش فلوس.

فريحه.: انا فاهمه . بس بحاول اخفف عنك. اعمل ايه اكتر من كدا روق بقي هتفضل تحرق في دمك كدا.

مراد : انا هروح للمحامي وانتي خلي بالك من نفسك سلام

خرج مراد من البيت وراح علي بيت حسن

مكنش موجود . راح لمامته في المستشفي

جرنال : مراد حبيبي. وحشتني بقالي كتير مشوفتكش

مراد : فين حسن يا دكتوره. مش موجود في بيته وموبيله مقفول. انا عايز اعرف مكانه حالا

جرنال : هو حسن عمل حاجه ، انا بكلمه من الصبح وهو مش بيرد عليا وموبيله اتقفل

مراد : ابنك سرقني ونصب عليا قوليله ان انا مش هسكت وهسجنه.

جرنال : انت فاهم غلط ، حسن بيشتغل معاك من كام سنه. ليه يعمل كدا اكيد في سؤ تفاهم ، اهدا يا مراد انت وهو أصحاب من زمان

مراد : سؤ التفاهم الوحيد أن ابنك مش راجل عشان بيض*بني في ضهري. لو راجل يجي يقف قدامي .

مراد شتمه وخرج من عند جرنال اللي قعدت تضحك واتصلت بحسن

: مكنش اعرف انك شراني اوي يا حسن . بس حلوه الحركه دي . مراد بيلف حولين نفسه

حسن. : هو لسه شاف حاجه. ده انا هخليه يتجنن بس يصبر علي . هو فين دلوقتي

جرنال : لسه خارج من عندي . بس هيطلع نار من ودنه

حسن : احسن . يستاهل ولسه هو شاف حاجه مني

...

اما مراد فهو كان عند المحامي وكلمه في اللي حصل اول حاجه عملها لغي التوكيل اللي مع حسن

بس المشكله في ال*قود الموجوده عند المخرجين والفلوس اللي سحبها من البنك

كانت حالته صعبه وفريحه حاولت تخفف عنه

فريحه : مراد انا شايفه أن مفيش حل غير انك تبدا تصوير ، دي عقود موقعه وهيرفعو عليك قضايا وهيكون وجع دماغ. واسمك وسمعتك كل ده هيضر

مراد : انا كنت عايز اعتزل يا فريحه ، كنت هرجع معاكي ونبعد عن هنا وعن كل المشاكل . عايز اريح دماغي ..كل ما احل حاجه تتعقد حاجه تانيه

فريحه : كل شئ مكتوب. خلص التصوير وبعد كدا نسافر. انا هنا معاك هساعدك وهكون ليك كمان مديره أعمال وسكرتيره ، ابسط ياعم هشتغل معاك

مراد : انتي شايفه كدا يا فريحه

فريحه : ايوا. شايفه كدا. الازمات هي اللي بتخلينا أقوياء . ودي ازمه وهتعدي .انا معاك يا كبير . هنخربها ونسيطر علي المجال .

ضحك مراد علي فريحه

يوم التصوير كانت فريحه مع مراد في اللوكيشن

فريحه : ادخل غير هدومك عشان فاضل ربع ساعه وهيبدو التصوير .

مراد : دماغي مصدعه وجعان ومش قادر . يلا نروح

فريحه : طفل اوي. ادخل يا مراد بلاش هزار. مفيش وقت. اول اما تخلص البريك هنتغدا مع بعض

مراد دخل يبدل ملابسه بعد ما فريحه اقتنعته .

لمحت روزي بتقرب منها وقالتلها بوقاحه

: انتي بتعملي ايه هنا . مش كنتي هربانه يا اسمك ايه ، رجعتي ليه تاني ..اللي كنتي هربانه معاه سابك ورماكي

فريحه : اخرسي انا مهىربتش مع حد . انا اشرف منك ..

روزي : رجعتي ليه تاني يا فريحه احنا كنا مرتاحين منك

فريحه حبت تغيظها : هو انتي متعرفيش اني رجعت عشان مراد حبيبي مقدرش يستغني عني وقعد يدور عليا سنين ، قالي أن حياته كانت سودا معاكي وأنه مطقش العيشه ، اتحايل عليا كتير عشان اسامحه لحد ما وافقت. هعمل ايه في قلبي الطيب

روزي : انا اللي رميته. عشان كدا دور عليكي ورجعلك . اوعي تكوني فاكره نفسك تستاهلي

فريحه : ياحرام. هي التهيؤات رجعتلك تاني. بقي انتي اللي رمتي مراد. اللي اعرفه غير كدا خالص .

بس هبق اشوفلك دكتور نفسي كويس عشان تتعالجي

كانت هتمشي بس رجعت تاني ووقفت قدام روزي. بتحدي : اه ، نسيت هيلين بنتك في أمان معايا مش هعاملها بمعاملتك ليا وله هاخدها بذنبك ، بقت كمان بتقولي يا مامي. وكون اسره مع بعض

ضحكت روزي : ههههه ، بالهنا والشفا. انا عرفت أن بنتك ماتت واتحرق قلبك عليها. وانتي بدوري علي اي اهتمام. خودي البنت واشبعي بيها

قبل ما فريحه ترد كان مراد خرج : انتي بتقولي ايه . هو الموت في شماته انتي مش طبيعيه ، انسانه مريضه

روزي خافت منه . فريحه بتحاول تهديه بعد ما الناس اتجمعت علي صوته وكله مستغرب

مراد : هي دي بتعمل ايه هنا . انا مش هشتغل معاها ، يا انا يا هي في اللوكيشن

فريحه : اهدا يا مراد. الناس بتصور. الخناقه هتكون في كل الصحف.

مراد : تكون زي ما تكون. لو سمحت يا استاذ. انا مش هشتغل معاها

المخرج : زي ما تحب يا فنان. اتفضل أرتاح في اوضتك لحد ما نبدا

فريحه : كنت سبني انا هعرف اتصرف معاها. وبعدين دي انسانه مريضه يعني مش هاخد ع كلامها

مراد : عايزاني اسكتلها ازي. بقولك ايه انا قفلت وخلاص مش عايز اصور انا ماشي

فريحه : قول انك انت بتهزر. اقعد خلص الشغل ولو عليا انا هرجع البيت اجيب هيلين ونروح نتغدا مع بعض بعد ما تخلص

مراد : م**مه علي الشغل اكتر مني . بس ماشي يا فريحه. خلي السواق يوصلك

ودعته فريحه وهو بيقرا النص

......

رجعت فريحه البيت وحسن كان هناك

فريحه : حسن ، اخيرا ظهرت بعد المصيبه اللي عملتها

حسن : انا دايما موجود يا فريحه . انتي اللي مش شيفاني ومش عايزه تشوفيني وكل ده ليه. عشان مراد

فريحه : وماله مراد بقي. انت اللي غريب

مكنتش متصوره انك كدا. انا كنت بحترمك وفكراك صديق واخ

حسن : انا لا عمري كنت صديقك وله اخوكي. انا كنت بحبك وانتي فضلتي مراد عليا. حتي بعد اللي عمله فيكي رجعتي ليه تاني. خانك ورجعتي

فريحه : انت موهوم انا عمري ما حسستك اني بحبك. رجع الفلوس اللي خدتها من مراد و اقفل الصفحه دي ، وابعد عننا. انا مش هسيب مراد واظن انا حره اختار مين وليه

حسن : انا عايزك يا فريحه. ومش هتنازل عنك. هتبعدي عن مراد وتيجي معايا وانا هرجعله الفلوس

فريحه : انت مجنون. عايزني اجي معاك فين . مراد جوزي

حسن : ولو قولتلك أن معايا اهم حاجه عندك ، مش عايزه تعرفي بنتك فين يا فريحه.

: تقصد ايه. بنتي مين اللي معاك

حسن : بنتك اللي خلفتيها . اخص عليا. انا نسيت اقولك أنها عايشه كل السنين اللي فاتت

فريحه مسكته من هدومه وهي بتصرخ في وشه : انت بتقول ايه ، بعد السنين دي كلها بتقولي أن بنتي عايشه. انت خدتها مني ، طيب انا مصعبتش عليك . تعبي وعذابي اللي كنت فيه. انا كنت بموت كل يوم . انت ايه شيطان

حسن بعدها عنه : لا مش شيطان. افهمي أن بنتك دي كانت حلقه الوصل بينك وبين مراد عشان كدا كان لازم اتخلص منها. اسمعيني كويس بنتك انا الوحيد اللي عارف مكانها وعشان توصليلها لازم تتطلقي من مراد وتتجوزيني وقتها بنتك هتكون في حضنك وتعيشي اللي اتحرمتي منه

خرج حسن قبل ما مراد ما يرجع لانه عارف هيعمل فيه ايه

هيلين نزلت علي صوت فريحه وكانت خايفه اول ما حسن مشي قربت عليها : مامي انتي بتعيطي ليه ، هو حسن الشرير ده عملك ايه

فريحه : مفيش يا هيلين. دماغي وجعاني شويه. اطلعي اوضتك يا حبيبتي

هيلين ؛ بس انتي زعلانه هو زعلك

فريحه مسحت دموعها : لا انا كويسه .متخفيش يا حبيبتي.

هيلين اتصلت بمراد. وقالتله أن حسن كان موجود وفريحه بتعيط

.....

رجع البيت بسرعه ودخل وهو قلقان

: حسن كان بيعمل ايه هنا. وانتي بتعيطي ليه هو عملك ايه الحيوان ده.

فريحه :قالي الحقيقه يا مراد . قال إن بنتي لسه عايشه .وأن هو عارف طريقها انا لازم اوصلها

مراد : وانتي صدقتيه بسهوله كدا انتي عارفه أنه كداب ، مش اول مره يكدب فيها يا فريحه

كانت حالتها صعبه زي الغريق اللي بيتعلق في قشه وحسن عارف نقطه ضعف فريحه وهيستغلها

: طلقني يا مراد هو ده الحل الوحيد. طلقني عشان ترجعلي بنتي. انا عايزها

مراد ؛ ممكن تهدي عشان اعرف اتفاهم معاكي ، اشمعانه بعد كل السنين دي جاي يقولك أنها عايشه اكيد دي لعبه منه. ارجوكي يا فريحه ، متسمحيش لحد يدخل ما بينا ويفرقنا تاني انا ما صدقت لقيتك

فريحه : انا كان قلبي حاسس انها عايشه . كنت حاسه بكدا. وهو اكدلي. انا عايزه بنتي يا مراد ، حرام تعيش بعيد عني . حرام تتحرم من امها وانا موجوده . افرض هي مع ناس بيعذوبها . محدش هيكون حنين عليها قدي

: انا هدور عليها وهوصلها لو عايشه . بلاش تتصرفي بتهور ، اديني فرصه

...

يتبع