أحببت بطل خيالي أضغاث أحلام

اسميتها فريحه الاول اليوم ستبدا القصه مع تلك الفتاه التي عشقت الروايات واصبحت تسبح في عالم الخيال لتحظي بسعاده مؤقته اعرفكم بيا فريحه اسمي وحكايتي بدأت يوما ما نويت الذهاب ل البلد اصل انا من الاقصر وبدرس في القاهره ، منه لله التنسيق رماني الرميه دي وانا اصلا مليش حيل. اجري من هنا لهنا ..بس هعمل ايه . في مقوله بتقول ( اسعي يا عبد وانا اسعي معاك ) سيبكم بقي من كل ده واقولكم حصل ايه معايا .... في يوم كده طقت في دماغي اسافر الاقصر عند جدتي اصلها وحشاني يا ناس . واحنا في نص السنه مع اني كنت ناويه اقضي الاسبوعين دول في مدينه الطالبه بس يالا .. صله الرحم واجب وانا أصلا هقعد اهبب ايه وحدي . المهم يعني عشان مطولش عليكم .. خدت ديلي في سناني وهوب علي محطه القطر وقطعت تذكره VIP الطريق طويل وقولت مش مهم الفلوس . المهم الراحه النفسيه والجسديه كمان ركبت القطر و شويه ورحت في النوم صحيت علي صوت بتاع التذاكر وهو عايز يشوف التذكره طلعتها والنوم راح من عيني. قومت اشوف اي حاجه اكولها عشان جعانه اشتريت سندويتش وكوبايه شاي ولسه هدب الاكل في بوقي لاقيت واحد غلبان قاعد ضارب عينه في السندوتش حاولت اتجاهل نظراته بس مقدرتش الصراحه ‏ ‏ ‏ المهم يعني اديته السندوتش وقعدت اشرب الشاي ‏ ‏ ‏ الراجل بصلي بعد ما خلص الاكل وقالي : انتي ليه مجبتيش لنفسك حاجه تاكليها ‏ ‏ ‏ فريحه : عادي مش مهم. اما اوصل هبق اكل عند تيته الراجل : طيب انا عايز شاي فريحه بصت للكوبايه : ها . انا اسفه ، اصل اخر فلوس معايا اشتريت بيها السندوتش والشاي . ومش ‏معايا فلوس الراجل : يعني انتي اديتني السندوتش و حرمتي نفسك منه فريحه : بالهنا والشفا يا حاج . وله يهمك الراجل : عشان انتي طلعتي جدعه معايا . انا هد*كي هديه .. طلع من جيبه سلسله غريبه الشكل وقالي أن دي هديه ليا ...ألبسها ومقلعهاش من رقبتي حاولت ارفض بس هو أصر عليا اخدها . وقبل ما امشي . قالي اخلي بالي من اللي اتمناه لانه ممكن يتحقق مخدتش في بالي وقولت راجل كبير وبيخرف ودخلت الكبينه وقولت انام شويه معرفتش . فتحت الكتاب وقعدت اقرا في الروايه وانا بتمني أني اعيش حياه البطله اللي البطل بيحبها وبيعملها بقسوه وحنيه في نفس ذات اللحظه ولحد ما وصلت لهنا هوب النور طفي وولع كذا مره .. وعيني راحت في النوم صحيت لقيت نفسي في اوضه غريبه وواسعه ...سرير عريض وواقف قدامي شاب أقل ما يقال عنه قمر قمر طويل وشعره بني وعيونه خضرا فريحه : يا مصيبتي انت مين يا عسل . قصدي يا عم . انت مين .. بصلي بغباء وعينه احمرت وقرب مسكني من رقبتي ورفعني : انتي كنتي بتعملي هنا ايه فريحه : هموت. هنا فين. انا كنت في القطر رد وقالي : كدابه ، انتي كنتي في جنينه القصر خفت منه شكله علي قد ما هو حلو بس يخوف اترعبت ... بس الحمد لله في اللحظه دي اتفتح الباب ودخلت بنوته قمر. نسخه مصغره من المتوحش اللي واقف قدامي .. شعرها كيرلي بني . وعيونها خضرا فاتحه وعندها غمزها رماني بايده علي السرير وبصلها بحنيه : حبيبيتي جيتي هنا ليه شاورت عليا: هي دي مامي اللي قولتلي عليها بصلي بق*ف : لا طبعا .. دي بنت شغاله قلبت ش*يقها وفي لحظه كانت بتعيط .. صعبت عليا . وهو شلها وبيحاول يسكتها ويوعدها أنه هيجبلها لعب كتير وحاجات حلوه بس هي رفضه تسكت لحد ما نطق بقله حيله وقالها : اه هي دي مامي. انا كنت بهزر معاكي يا ميلا .. مسحت دموعها ببراءه وابتسمتلي وبعدين نزلت من علي أيده وحضنتني وهي بتقول : انتي بقي مامي . انا اسفه عشان اول مره اشوفك عيطت قدامك . بس انا كان نفسي اشوفك من زمان اول. وابي وعدني أنك هترجعي تاني .. فريحه : بس انا وقفت كلام اما لقيته بيبرق رعبني الصراحه وقولت اسكت دلوقتي. بس طبعا مش همشي الموضوع كده بالساهل . هو فاكرني ايه. ميلا : مامي . انا عايزه اوريكي اوضتي وكمان نفسي نلعب مع بعض وتيجي توديني ال school فريحه: ها. مين شال البنت وخرجها من الاوضه وهو بيكلمها و سمعته بيقول : أن مامي تعبانه وعايزه ترتاح شويه عشان لسه راجعه من السفر اول ما خرج قمت من علي السرير . مش ممكن اكمل في الجنون ده. اتسحبت بخفه الفيل وخرجت بره الأوضه وانا ببص علي الحيطان . البيت شكله حلو اوي. لا ده عامل زي القصر أو المتحف فخم من الاخر. لقيت سلم وفرحت اوي لسه هحط رجلي علي أول سلم. .. حسيت نفسي بطير وحاجه رمتني علي الارض ، رفعت عيني لقيته بصصلي فريحه : انت بتيجي منين يا جدع انت . عامل زي الساحر ، بتختفي وتظهر في لحظه رد عليه بصوت تخين : رايحه فين فريحه : همشي . انا هقعد هنا بتاع ايه .. : جيتي هنا من الاول ليه ؟ فريحه : والله ما اعرف . انا كنت في القطر ورايحه لتيته الاقصر والنور عمل كده : كده ازاي فريحه بتقفل وتفتح في عينها : شكلك غ*يه فريحه : لا . لحد هنا واستوب . انا مقبلش علي نفسي اي اهانه .. تطلع مين انت عشان تهزقني . واصلا انت فاكر نفسك حابسني ، انا هبلغ البوليس رد عليا : انا البوليس فريحه : فاكر نفسك احمد السقا في فيلم الجزيره ، وتقعد تقول أنا الحكومه. انا الحكومه .. ابتسم ربع ابتسامه ورد عليا بتعالي : انا السفير مهاب الدين والي فريحه : احلف مهاب : انتي هتهزري معايا . ايه احلف دي فريحه : احلف انك سفير . وحتي لو سفير مش من حقك تحجزني هنا . انا اتخ*فت من القطر وجيت هنا مهاب : ومين اللي خ*فك . فريحه : معرفش . بس ده تخمين . اكيد اتخ*فت اصلي جيت هنا ازاي وانا كنت في الكابينه بتاعت القطر وبقرا روايا (احببتها غصبا عنها وعن أهلها وعن اللي يتشددلها رغم قساوتي ) مهاب : ايه ده . كل ده اسم روايا فريحه بتفكر وبصتله بصدمه : السلسله .. انا كنت بتمني اشوف البطل القاسي. وانت البطل القاسي. وانا اكيد دخلت في الروايا .. يا نهار مش فايت اروح انا لتيته ازاي . فين السلسله مهاب : مختله عقليا .. لازم اتصل بدكتور يكشف علي قواكي ال*قليه فريحه : السلسله. ابوس ايدك هي فين مهاب مردش عليا وجريت علي الاوضه اللي كنت فيها وبدور عليها .. كان لازم يعني اتمني اعيش عيشه البطله دي هيطلع عين اللي خلفوها .. مهاب : شغل الجنان ده مش هيشتغل معايا . انتي في بيتي ودخلتي هنا اكيد عشان غرض في دماغك .. وعايز اقولك اني هراقبك كويس اوي فريحه : وحياه اغلي حاجه عندك . سبني امشي وانت مش هنشوف وشي تاني مهاب : لا ، دلوقتي ميلا بنتي شافتك و افتكرتك امها اللي ماتت وهي بتولدها. عشان كده انتي هتشتغلي هنا مربيه لميلا . وتمثلي قدمها انك مامتها ، البيت هنا في كاميرات في كل مكان. وفي حرس بره وكلاب كمان ، لو فكرتي بس تخرجي من غير اذني هيعرفوني والكلاب هتاكلك . أما بقي لو فكرتي بس تزعليها أو تاذيها حتي .. هاكون دفنك بالحيه جسمي اتنفض من تهديده وكلامه القاسي وشكله كان جد فعلا في كلامه. فكرت لثانيه أهرب وابلغ البوليس . بس ده سفير .. هيكدبوه ويصدقوني انا . قعدت اعيط علي الارض كل الابواب اتقفلت في وشي .. ولازم اقعد هنا مهاب : مش عايز زفت عياط وله عايز اسمع صوتك .. كلامي يتنفذ بالحرف ، انا هدور علي اصلك واعرف عنك كل حاجه . فريحه : انا عايزه امشي .. انت ممكن تشغل مليون واحده غيري مهاب : شششش .. هبعتلك هدوم بدل الق*ف اللي انتي لابساه . خرج ورزع الباب .. وانا كملت عياط .. شويه ودخلت واحده شبهه ريا وسكينه وفهمت بعدها أن دي رئيسه الخدم في القصر،، وليه قرشانه وحربايه دخلتني الحمام وقالتلي استحمي ولح. ما اخرج هيكون الملابس وصلت . دخلت اكمل عياط في الحمام عادي شويه ودخلت الوليه صوتت في وشي ...... في الوقت ده كان مهاب قاعد في مكتبه وماسك صوره مراته اللي هي نسخه من فريحه بيكلم نفسه : ازاي حد يكون شبهه حد بالطريقه دي . انا متاكد انهم مش نفس الشخص . بس ازاي يحصل كده. انا بعرف كويس الشخص اللي بيكدب والبنت اللي فوق مش بتكدب . هي متعرفش انا مين وله جت هنا ازاي . مهاب متلخبط لأن فريحه هي نسخه من دينا مراته انفتح الباب ودخلت ميلا . وقعدت علي رجل بابها : بابي. هي مامي هتفضل معانا وله هامشي تاني مهاب : اللي انتي عايزاه هيحصل ، انا عندي كان برينسس في حياتي ميلا : واحده بس.، انا عايزها تقعد معايا ، بس هي شكلها كده زعلان مهاب : مين قال كده. دي هي فرحانه خالص عشان شافتك ، كل الحكايه أنها تعبت من السفر . وعايزه ترتاح ميلا : اوكيه بابي ، انا مش هزعجها كتير . شويه صغيرين ، قد كده ضحك مهاب وخرج هو وميلا من المكتب كانت فريحه نازله علي السلم بفستان جميل وحاطه ميكاب وعامله شعرها .. كان يوم اسود يوم ما لبست الكعب ده. انا اصلا بقع في الكوتش اللي علي الارض . اقوم البس جزمه بكعب . منها لله ام اربعه وأربعين . الوليه اقولها لا . تقولي اسمعي الكلام. رجلي اتلوت ولسه هقع لقيت مهاب لحقني ومسكني الهواء طير شعري وحسيت اني في فيلم هندي فريحه : ازيك يا شاروخان يا خويا ، لو مفيهاش اساءه ادب . متلمسنيش تاني. . كشر وشكلي قطعت اللحظه الرومانسيه : احسن برضو . كنتي سبتك تقعي علي رقابتك وتت**ر . فريحه : ما يقع إلا الشاطر ، وبعدين أنا مطلبتش مساعدتك ولسه مخلصتش الكلمه وهوووب وقعت علي السلم قومت من ال**فه ووشي احمر وصوت طفله بتضحك ببص كانت ميلا فريحه : احم. دي رياضه جديده. انا قصدي اعمل الحركه دي . ضحكه مهاب سمعت القصر تنحت فيه. شكله حلو اوي وهو بيضحك. ...... يتبع