أحببت بطل خيالي أضغاث أحلام

الثاني

اسميتها فريحه

الثاني

أستغفر الله العظيم و اتوب اليه

خرجنا بره احنا الثلاثه وانا بفكر ازاي أهرب منه ..

بس هي فكره انا هعمل نفسي داخله الحمام وبعدين اخلع من الباب وهو ميعرفش عني حاجه وانا مش عايزه اعرفه تاني

ده مجنون وعنده انفصام كل شويه بحال .شويه كويس وحنين وشويه عصبي ومش طايقني

المطعم كان فخم جدا . ميلا اصرت تقعد جنبي

ميلا : هو انتي اسمك ايه يا مامي

رديت عليها : اسمي فريحه يا قمر

ميلا : اسمك حلو اوي. بس انا مش قمر انا ميلا

ضحكت : بدلعك . عشان انتي حلوه .

مهاب : ششش وطي صوتك ومتضحكيش بصوت عالي

فريحه : براحتي

مهاب : براحتك دي في البيت . مش في مكان عام . وقولت الكلمه اللي هقولها تتنفذ سامعه

فريحه : انا عايزه ادخل الحمام

مهاب : لا

اتعصبت مش لدرجه دي بقي هيتحكم هو انا مش عايزه ادخله عشان محتاجه بس برضو مش من حقه يمنعني

وقفت : هو ايه اللي لا يا حضره انا داخله الحمام . ومش من حقك تمنعني . لأن ده حقي الطبيعي

مهاب مسك ايدي جامد وضغط عليها : اتكلمي بأدب معايا . ولينا حساب اما نرجع البيت

فريحه : نزل ايدك .. ايدي بتوجعني

ساب أيده و شاور للجرسون وساله علي الحمام

وقام معايا عشان يوصلني

فريحه : ايه .. علي فين. هتدخل معايا الحمام كمان

مهاب : ادخلي وبلاش كلام كتير

دخلت الحمام وقفلت الباب في وشه بعصبيه ، لولا أننا في مكان عام كان دخل جابني من افايا بس الحمد لله خلعت منه

وقفت افكر اعمل ايه ..والحمد لله شوفت واحده داخله تغسل أيدها . بصتلها وانا بضحك والست خافت مني

فريحه : اسفه . بس هو في واحد واقف بره . طول الباب كده ، وأسمر وشعره بني وعينه خضرا وشكله وسيم

الست ؛ نعممم

فريحه : اصل ده جوزي واحنا متخنقين وهو عايز يرجعني البيت غصب عني . ينفع تخليني اهرب منه

وقفت الست تفكر و عملت نفسي بعيط عشان تتأثر

وفعلا وافقت تساعدني . خرجت وعملت نفسها هتقع وزعقت مع مهاب وقالت إنه هو اللي كان هيوقعها والناس اتلمت عليه

وانا استغليت الدوشه وهربت من الباب

عايزه اجري بس الكعب العالي وقعني .. مسكت الشوز في أيدي

وجريت في الشارع ومش عارفه اروح فين

مشيت مسافه طويله .. الشوارع هاديه ونضيفه شكلنا في مكان راقي

وقفت واحد وطلبت منه الموبيل عشان اتصل بتيته

بس تليفون مش موجود بالخدمه

اتصلت بعمي برضو التليفون مش موجود في الخدمه

انا ضيعت وله ايه . كده مفيش اي ارقام بتجمع . انا محبوسه في الروايه. هطلع منها ازاي دي

الراجل : هاتي التليفون

فريحه : استني بس .. تعرف الاقصر

الراجل : اه ..انا من هناك اصلا

فريحه : بلديات. طيب بقولك تعرف عايله السلماني

الراجل : دي فين

فريحه : في الاقصر نفسها.. طيب تعرف الشيخ جابر سليمان

الراجل : مفيش حد هناك بالاسم ده

قولتله العنوان بس هو قالي مفيش عنوان كده . اظاهر فعلا أن انا مش موجوده علي خريطه الروايه ..

لو بس الاقي السلسله هتمني ارجع مره تانيه وكده المشكله هتتحل

الراجل شد الموبيل اما شافني بكلم نفسي وجري

كملت مشي بلا هدف. هروح فين وانا محبوسه في زمن ومكان غير مكاني

دخلت في رجلي ازازه ورجلي نزفت قعدت اعيط في الأرض

وشويه وقرب اتنين شكلهم غلط

. فريحه : كملت. هتعملو ايه .. انا عرفه شغل الروايات هيقلب بحاجات مش لطيفه والبطله هيضيق بيها الحال ونشوف العذاب الوان. فانتم باين عليكم العذاب اللي هشوفه. بس يارب يظهر البطل اللي هينقذني والا انا هروح فيها

بصو لبعض وواحد. قال : دي مجنونه

الثاني : مجنونه بس حلوه. يعني ناخدها معانا وتكمل سهرتنا في البيت ومعايا سجارتين دمار

. الاول : فكره. وانا مسقع بيبسي في التراجع مشبرين

. فريحه : بيبسي ايه. ياعم احترم الجريمه اللي هتحصل . هات حاجه اجمد من البيبسي ..

الاول : اجيب بيريل

فريحه : اه . استرجل واشرب بيريل

الثاني مسكني من شعري ووقفني وانا رجلي لسه بتنزف صوت بوجع وخلاص فقدت الامل أن حد يجي ينقذني

ولسه هدخل العربيه

كان واحد من اللي خ*فني طاير في الهواء

بصيت باستغراب ولسه هسال في ايه . لقيت الاول بيطير هو كمان .

فريحه : هي الأحداث قلبت خيال علمي وله ايه. في فضائين هتظهر اكيد

وسمعت صوته الجبار : هربتي مني

فريحه : يارب يكون صوت فضائي مش اللي في بالي. يارب فضائي .

لفيت وشي ولقيته ماسك الاتنين وبيطحن فيهم ض*ب. ومسك راسهم ض*بهم في بعض

وبعد ما ض*بهم مسكني من شعري وجرني علي عربيته كان ميلا بتعيط

صعبت عليا وقولتلها تيجي تقعد جنبي

ميلا ' مامي رجلك متعوره

فريحه : متخفيش يا حبيبتي.

مهاب بصلي بطرف عينه وهو بينهج ووشه احمر

ميلا : بابي . وديها المستشفي

فريحه ' ده جرح صغير يا ميلا .

وصلنا البيت ولسه هخرج كان شلني بين أيده بخفه

حاولت انزل بس هو برأ بعينه . اترعبت

ض*ب الباب برجله اتفتح ورماني علي السرير

فريحه: براحه يا عم. انا انسانه

مهاب : هربتي مني. كنتي فكره مش هعرف اجيبك انتي لو تحتي الارض هجيبك. الظاهر اني اتعملت معاكي بتسيب علشان كده نسيتي نفسك. قرريها تاني وانتي هتشوفي وشي التاني

فريحه : انت مش طبيعي. انا مش مسجونه عندك. مش عايزه اقعد هنا معاك . سبني في حالي

قرب مني وض*بني قلم حسيت أن رقبتي ات**رت

بكل غصب صرخ في وشي: مفيش خروج بره الاوضه لحد ما تتعلمي الادب انتي فاهمه

كنت عايزه ارد عليه بس مقدرتش عيطت

خرج بره الاوضه وشويه ودخلت واحده عرفت بعد كده أنها دكتوره عالجت رجلي وحطيت مرهم علي وشي اللي ورم من القلم

دخلت رئيسه الخدم ومعاها واحده تانيه ساعدتني اغير هدومي . وجبتلي اكل سبته ونمت من التعب

اليوم كان طويل وانا خلاص جبت اخري

صحيت تاني يوم علي حركه جنبي

فتحت عيني كانت ميلا نايمه علي السرير .. وهو واقف قدامي

فريحه ' انت ازاي تدخل اوضتي وانا نايمه ..

مهاب : اوضتك دي في قصري ..

فريحه: حتي لو كان قصرك . مش من حقك تدخل عليا كده .

مهاب : هنا انا اللي بقول الاوامر مش انتي

فريحه: كل حاجه اؤامر . الاوضه دي طول ما انا فيها . مينفعش تكون موجود غير بأذني. لانه عيب وحرام. ياريت تفهم الموضوع ده

..

بصلي وشكله مش لاقي كلام ..

ميلا فتحت عينها : good morning مامي

فريحه : good morning

ميلا : بابي انا كل يوم هنام مع مامي هنا . النوم جنبها مريح ومحلمتش بحاجات وحشه. انا عايزه كلنا ننام مع بعض

. فريحه. : لا طبعا . مينفعش

ميلا :ليه يا مامي مينفعش .

مهاب : ميلا . يلا علي الحمام ...

خرجت ميلا من الأوضه وهو : افطري الاول وبعدين خدي العلاج ومفيش خروج من الاوضه ومتقفيش علي رجلك كتير عشان الجرح

خرج هو كمان وسبني. خدت العلاج وقعدت افطر مع ميلا وبعدين خدت اللاب توب ادور علي بيتنا علي جوجل مفيش اي اثر

ميلا : مامي هو انتي مش بتحبي بابي

فريحه : بابي مين ..حب ايه . بنت عيب تتكلمي في الحاجات دي

ميلا : بس انا كنت عايزه اعرف اني بتحبيه وله لا

فريحه : ده كلام كبير علي سنك . مينفعش بنوته صغيره تتكلم كده

ميلا : طيب اوعدني متسبنيش وتمشي. بجد انا وبابي بتكون زعلانين من غيرك. خليكي معانا يا مامي وانا مش هزعلك .

عيطت وانا كمان عيطت معاها ..

دخل مهاب وهو مستغرب وسألنا في ايه ..

ميلا : مامي. خليكي معانا . والله انا هسمع الكلام

فريحه : انا معاكي يا حبيبتي ، مش هامشي

حضتنتي .. شوفت مهاب وهو بيبتسم بسمه خاطفه

شغل الشاشه الكبيره علي فيلم وقعدنا كلنا نتف*ج عليه وده كان طلب من ميلا.

. نامت هي . وانا قعدت مع مهاب.

جاب ورق وادهولي

فريحه: ده ورق ايه

مهاب : عقد عمل. هتقعدي هنا بمرتب شهري . حددي اي مبلغ انتي عايزاه .

فريحه : نوع العمل ايه.

مهاب : سكرتيره

فريحه : انا مش بتشغل سكرتيره ومش همضي علي عقود . انا هنا لفتره مؤقته وبعد كده هامشي ..

مهاب : انتي م**مه بقي

فريحه : بالظبط كده

مهاب : همضيلك شيك علي بياض وحطي في أي رقم انتي عايزاه

فريحه : مش بفكر في الفلوس ..ده مش مكاني وله ده زمني . انا جيت هنا غلط .. ومش عارفه ارجع ازاي.

اتخنقت بالعياط . خلاص كل الطرق مسدوده انا فعلا مش عارفه هرجع ازاي وهفضل لحد أمتي هنا

مهاب : عندي حل . هتمضي ال*قد وكل اللي انتي عايزاه هيتنفذ . خليكي هنا معانا . قصدي مع ميلا. هي محتاجاكي كام . لحد اما تعرفي ترجعي بيتك

فكرت في كلامه هو عنده حق. انا فعلا لو خرجت دلوقتي مش هعرف اروح مكان.

فريحه : طيب هو انت اما شوف*ني .. مكنش معايا سلسله أو اي حاجه

مهاب : لا

فريحه : طيب لو لقيت سلسله ابق قولي

مهاب : هتمضي ال*قد

فريحه : من غير عقد. انا قاعده هنا معاكم

مهاب : امضي .عشان تقعدي

لسه همضي افتكرت القلم اللي ض*بني

: مش همضي . انت ض*بتني . مش من حقك تمد ايدك عليا . واصلا مش عايزه اقعد هنا تاني

مهاب : انتي مجنونه . مش لسه كنتي موفقه .

فريحه : افتكرت اللي عملته فيا . .انت ملكش امان

مهاب : ال*قد للعمل . وفي مده سنه . يعني لو بعد كده مش عايزه تتجديه خلاص . ومش همد ايدي عليكي تاني . بس بشرط . مش هتهربي

فريحه : لو رفعت ايدك عليا. ال*قد هيتلغي

مهاب : اتفقنا

بصيت علي ال*قد بقلق وقريته . مكتوب عقد عمل وفي بنود كتير مش فاهمه حاجه

خايفه امضي وفي نفس الوقت مفيش حل قدامي غير ده

......

يتبع