أحببت بطل خيالي أضغاث أحلام

3

فريحة

الثالث

لا اله الا الله

دخل مهاب تاني يوم يطمن عليا ..

كنت قاعده مع ميلا بنتكلم .. شوفته واقف قدام الترابيزه ومسك ال*قد وعينه جت علي أمضيتي

ابتسم : صباح الخير .. انهارده انا اجازه وناويت نقضي اليوم مع بعض

فريحه : مش هقدر اخرج عشان رجلي .. اخرج انت وميلا

ميلا : انا مش هخرج يا بابي ..هقعد مع مامي عشان تعبانه

فريحه : يا روحي .. اخرجي واتفسحي وانا هنتظرك

قرب مهاب منهم وقعد جنبنا

فريحه : في ايه يا اخ . هتقعد فين .

مهاب : ششش، هنقضي اليوم في البيت. انا مشيت الخدم كلهم .

فريحه : انت ناوي علي ايه يا مهاب .. مش مرتاحلك . خلي بالك انا بعرف العب كارتيه ولو جيت جنبي هشلوحك

مهاب : بعيدا عن الفاظك البيئه دي . انا مش هبصلك انتي مش شايفه نفسك عامله ازاي. ده انتي فاضلك شنب وتبقي زي

فريحه : قصدك ايه . لا يا بابا انا بعرف كويس اوي أمتي اكون ست وامتي اكون ولد.

مهاب ضحك باستفزاز ؛ انتي ولد قدامي . ومفيكيش اي انوثه . في بنوته تتكلم وهي بتعوج بوقها كدا .

فريحه : براحتي . هو انا كدا ..عاجبك

مهاب : هنغير كل ده مع الوقت . متقلقيش

وقف وشلها . فريحه : انت خدت علي كده

مهاب : رجلك بتوجعك . متنكريش انك فرحانه

فريحه : مين . انا . خالص. اصلا انا بحب اعتمد علي نفسي . وعادي جدا ..مش بتعمل معجزه . فيها ايه اما شلتني .. انا وزن البقسماطه

مهاب : قصدك وزن التورناطه مش البقسماطه . ظهري اتقطم . بس بشيلك جبران خاطر

فريحه : نزلني احسنلك .

مهاب : مش هنزلك

نزل تحت و ميلا فرحانه .. دخلو علي المطبخ ومهاب قعدها علي المطبخ وجنبها ميلا

لبس مريله المطبخ عشان يبدأ الطبخ

فريحه : انت بتعرف تعمل الاكل بقي وله اتصل بالاسعاف

مهاب : مفيش حاجه مبعرفش اعملها . انا كل حاجه بعملها

فريحه : مغرور اوي.

كان وقت جميل خصوصا وهو بيعمل الاكل وشكله وطريقته كل حاجه كانت ممتازه ومثاليه زي الروايات بالظبط .. طريقته فى معاملتها وحنيته

لعبو بالدقيق وبهدلو بعض وصوت ضحكاتهم كانت عاليه

كلو مع بعض واتف*جو علي فيلم انميشن

ميلا نامت ومهاب طلعها اوضتها وكمل السهره مع فريحه اللي كان قلبها بيدق .. االيوم كان خيالي

تقريبا مفيش وله غلطه فيه

نام الاتنين في الغرفه قدام التلفزيون

صحيت الصبح .. كان مهاب ساند راسه علي كتفها

تاملت ملامحه :وسيم وقمر

لمحت ابتسامه علي شفايفه . وشها احمر وض*بات قلبها بقت سريعه من ال**وف .. غمضت عينها بسرعه كأنها نايمه

مهاب : صباح الجمال . انا عارف انك صاحيه. ياريت تفتحي عينك بالذوق

فريحه عملت نفسها نائمه

مهاب : مردتيش بالطريقه السهله تردي بالطريقه الصعبه

زغزغها وهي ضحكت : خلاص خلاص ..صحيت

ضحك معاها

وهما بيضحكو اتفتح الباب وصوت كعب حزمه حريمي بترن في الأرض

رفعت فريحه رأسها ومهاب

كانت ست جميله ب*عر اصفر عيون خضرا واقفه بمنتهي الشياكه والقوه

الست : مهاب . ايه المسخره دي

مهاب متحركش من مكانه .. فريحه اتعدلت وبتحاول تقف ..بس هو مسك أيدها : اقعدي

فريحه. : مين دي

مهاب سكت .. الست : هو ده الاستقبال لمامتك يا ولد . بقالي ٦ شهور مسافره . وارجع القيك بتهزر مع الخدامه في البيت .. بنتك لو شافتك تقول ايه

فريحه اتعصبت : خدامه مين يا سنيوريتا. انا مش خدامه

مهاب : فريحه مش خدامه . دي مراتي

فريحه : ايوا انا مش خدامه انا ...

سكتت بصدمه : انا مين .. مش سامعه . تقريبا كدا جالي طرش .. أو تهيؤات

الام : انت كداب . مستحيل تتجوز الجربوعه دي . ابن صافي هانم يتجوز جربوعه

مهاب وقف : صافي هانم .. اللي قدامك دي مش جربوعه . دي مراتي واللي أملاكها بصفتها شريكتي في الحياه تتعدا ال ١٠٠ مليون ..

صافي : لا . انت اتجننت . اظاهر أن قعدتك لوحدك جابتلك حاله نفسيه. انا هرفع عليك قضيه حجر انا واخوك

مهاب : هتحجري علي ابنك الكبير يا صافي هانم عشان اتجوز .. وله خايفه يخلف الولد . الوريث اللي هيخليكي انتي وابنك متورثيش

صافي. : انت بتخرف .. البنت دي لايمكن تكون مرات ابني . انت شايف شكلها كارثه متحركه ..

فريحه شاورت علي نفسها وهي بتضحك : هههه. بتشتمني انا ..

مهاب : ما هو مش بالشكل يا صافي هانم .. بالقلب والروح . انا شايفها اجمل انسانه

صافي ' مش بقولك اتجننت .

مهاب : اتجننت عشان عايز اكمل حياتي من بعد موت ام ابني . .اتجننت عشان اختارت انسانه هتحافظ عليا وعلي اولادي. عمرك كنتي ام ليا ، رمتيني في مدرسه داخليه . وروحي اتجوزتي واحد تاني بعد ما بابا مات. . انت كل همكم الفلوس وبس.

صافي : روح اتعالج بقي . هتفضل دائما معقد ومحدش بيحبك .

. مهاب قرب عليها بشكل مرعب .. بس هي كانت ثابته في مكانها .. مسك الفازه و**رها جنبها بالظبط

فريحه في سرها : وليه قويه .. الست متحركتش من مكانها .. ده انا مرعوبه ..

مهاب : اطلعي بره يا صافي هانم . البيت ده بيتي

صافي : بتطردني .. بكره انا اللي هطردك وارميك في أي مصحه نفسيه

مهاب : برررررره

صافي بصت لفريحه من فوق لتحت بق*ف وخرجت من البيت

مهاب بصلها وهي رفعت أيدها : والله ما عملت حاجه .

قرب وشالها ودخلها اوضتها وخرج من غير وله كلمه

فريحه : ياعيني يا بني .. اما صحيح الحلو ميكملش . شكله معقد الواد ده .. يلا انا حظي كدا وقعتي كلها في المجانين

ميلا دخلت وهي بتعيط: مامي. مامي

فريحه : مالك يا ميلا ..مين زعلك يا قمر

ميلا : بابي بي**ر في اوضته وانا خايفه عليه

فريحه : مضايق شويه وهيهدا ..

ميلا : انا خايفه عليه . تعالي شوفيه يا مامي .

فريحه : لا ..مش هينفع .. هو متعصب كده انا مقدرش اقرب من الاوضه . ده شبهه الطور

ميلا ،: بليززز يا مامي . بابي محتاجلك

فريحه : اه . ربنا يستر. انا هروح اشوفه ولو اتاخرت اتصلي بالاسعاف . او البوليس. ايهما أقرب

ميلا مش فاهمه .. فريحه طبطبت عليها وخرجت

سمعت صوت ازاز بين**ر . رجلها بتترعش من الخوف .. خبطت علي الباب ومفيش رد

فريحه خبطت تاني : احم . استاذ مهاب. انت كويس . طيب بما انك كويس . انا همشي ..سلام

اتفتح الباب قبل ما تتحرك :هتمشي علي فين

فريحه ' رجعه اوضتي . انت .. ايه ده . ايدك متعوره

مسكت أيده : لازم تتنضف

مهاب : لا . سبيها

فريحه : لا مش هسيبها . فين الاسعافات

مهاب : في الحمام

دخلت فريحه الاوضه اللي لقيتها مدمره

جابت الاسعافات ونضفت الجرح لمهاب وربطت شاش علي أيده

مهاب غمض عينه بتعب . فريحه : مهاب انا عارفه أن مش من حقي اتكلم . بس انت لازم تتحكم في غضبك اكتر من كدا..

مهاب : مش بتحبني. عمرك شفتي ام بتكرهه ابنها. هي دي بتكرهني

فريحه : وهتكرهك ليه ..مش يمكن في سؤ تفاهم

مهاب : لا بتكرهني . عشان بابا اتجوزها غصب عنها وكان أكبر منها. كان بتكرهه وأما خلفت منه كرهتني معاه . اول اما مات رمتني في مدرسه داخليه ومكنتش بتزورني وله بتسال فيا . اتخرجت وكبرت لوحدي. وبعد ما كونت نفسي راجعه وعايزه تدمرني مره تانيه

.فريحه: حتي لو هي بتكرههك . انت لازم تكون قوي . ميلا محتاجاك وبتحبك . لازم تكون قوي عشانها

مهاب مسك ايد فريحه : عايز ولد

فريحه : اه أن شاء الله . روح السوبر ماركت اشتري واحد ، انا مالي باللي انت عايزه

مهاب : انا عايز وريث شرعي . عايز يكون ابني من صلبي يورث كل حاجه ويحمي اخته . يكون ابني منك

فريحه : الظاهر انك فاهم الموضوع غلط . انا هنا فتره مؤقته ومش هتجوز اصلا. عشان مش هينفع اتجوز بطل علي ورق من مخيلتي . انا هنا عشان اتحبست في ام الروايه اللي مش عارفه اخرها ايه . يارتني كنت اتمنيت سندوتش كبده . مكنش حصل كل ده

مهاب رمي الطرابزه اللي قدمه علي الارض ونطق بغضب : انتي بتعصي اوامري . انتي ملكي انا . وانا كلامي يمشي عليكي وعلي اي حد.

فريحه مقدرتش تتكلم . شكله مخيف

مهاب : لحد ما ترجعي ل*قلك هتفضل في البيت ده محبوسه .

فريحه :حتي لو اتحبست هنا . تفتكر ده هيد*ك الحق انك تتجوزني غصب عني

مهاب ضحك : انتي اصلا مراتي . ال*قد اللي انتي مضيتي عليه . في بند مكتوب فيه انك ملكي .. اه نسيت. كان في ورقه تانيه فاضيه انتي برضو مضيتي عليها ده عقد الجواز

فريحه : مستحيل . عقد الجواز ده باطل .. مستحيل اتجوزك يا مهاب . لو وصلت لموتي . مش هتجوزك. انا مش ملك حد . انا مش عبده عندك

مهاب : علي اوضتك ومتخرجيش منها .

دخلت فريحه اوضتها تعيط ..وسمعت صوت المفتاح علي الباب من بره

مهاب بيتكلم مع الشغالين : مفيش حد لا يخرج وله يدخل اوضتها. الحرس يكون واقف علي الباب هنا .. حتي ميلا متدخلش

فريحه : هنط من الشباك . يكش اقع وتن**ر رقابتي . بس مش هتجوز المجنون ده.

فتحت الشباك

وكان في حرس كتير واقف في الجنينه ومعاهم كلاب شكلهم مخيف

فريحه : يعني لو مت**رش رقبتي من الواقعه . الكلاب دي هتقوم بالواجب معايا .. منك لله يا مهاب . اتجوزك ازاي وانت مش حقيقي. عايزه ارجع بقي عشان الروايه قلبت ساديه وتملك وانا اصلا مش هقدر اتصرف مع المجنون ده ..

......

صافي قاعده مع واحد كبير بيشرب سجاير

صافي : بقولك بت من الشارع . جايبها وعايزها تكون ام ابنه. انت عارف لو خلف ولد احنا مش هنطول مليم

الراجل : متخفيش . هنتخلص منها زي ما تخلصنا من ام ميلا

صافي : المره دي هو واخد احتياطه غير الخدم كلهم وزود الحرس . يعني مش هتعرف نوصلها

الراجل : هنلاقي حل . بس عايز اعرف اشمعانه البت دي بالذات

صافي : شكل حبيبته الاولي . بس دي علي جربان

الراجل : اااه . قولتيلي . احنا ممكن نلعب بالشك ..هنخليه هو اللي يشك فيها ويبعدها عنه ويكرهها كمان . الموضوع عاوز تخطيط وكل حاجه هتمشي علي كيفنا

صافي : وهنعملها ازاي دي

الراجل : هقولك

......

يتبع