أحببت بطل خيالي أضغاث أحلام

4

اسميتها فريحه

الرابع

لا إله إلا الله وحده لا شريك له

فريحه حاولت تخرج من الأوضه بس مهاب كان جد في كلامه ، هو حبسها ومفيش حد ليدخل أو ليخرج غير الحارس اللي بيدخل الاكل وبيخرج من غير ما يتكلم معاها

يومين في الاوضه هتجنن مش بتكلم حد .. حتي ميلا منعاها تدخل أو تقرب من الاوضه

فاتح كاميرات المراقبه وبيشوف كل تحركاتها ، منعت الاكل ورافضه أنها تتعامل بالطريقه دي.

قاعده بتعيط وهو قرب من شاشه الكمبيوتر

مهاب. ؛ بتعيطي هو ده اللي بتعمليه . هتخسري ايه اما نتجوز . ليه بتعاند معايا

وقفت فريحه بضعف وتعب عشان تدخل الحمام . بس وقعت علي الارض اغمي عليها

طلع يجري ع الاوضه فتح الباب وهو بيصرخ يتصلو بالدكتور

مهاب بيحاول يفوقها .. وصل الدكتور وعلق محاليل بسبب ضعفها

مهاب : مالها يا دكتور

. الدكتور : ضغط دمها منخفض . وكمان ض*بات قلبها بطيئه.

مهاب : في خطر عليها

الدكتور : كويس انك لحقتها. لو كنت انتظرت اكتر من كدا. كان ممكن

مهاب : متقولهاش. مش هيحصلها حاجه. عالجها بسرعه. لو قصرت. هيكون آخر يوم في عمرك

الدكتور خاف منه وبدأ يقيس كل شويه الضغط وض*بات القلب. لحد ما حالتها استقرت

مهاب حس بالذنب لانه السبب في كل ده. سهر جنبها لحد ما فاقت

حاولت تقوم بس مش قادره. بصت علي أيده اللي ماسكها في أيدها والمحاليل واتن*دت بتعب . يعني هتعمل ايه في كل المشاكل اللي بتحصلها دي

اول ما حست أنه بدأ يصحي غمضت عينها بسرعه

مهاب : فريحه. فريحه .. مفوقتيش ليه .. اسف علي كل اللي عملته ، كنت خايف تبعدي عني . مستغربه ازاي حبيتك في فتره قصيره. هقولك معرفش .

فريحه اتصدمت اما حست بدموعه علي أيدها وهو بيتاسف. مهاب بيعيط مستحيل ، حد ب جابروته وقوته يعيط عشان مين. عشانها هي

مقدرتش تمثل انها نائمه اكتر من كدا : مهاب

مسح دموعه بسرعه : فريحه. انتي كويسه . حاسه بايه دلوقتي

فريحه : انا تمام . مش حاسه بحاجه.

مهاب : اتصل بالدكتور يجي يطمن عليكي

.فريحه : صدقني لو فيا حاجه هقولك تتصل بيه. انا كويسه.

مهاب : الحمد لله. الدكتور قال انك لازم تتغذي كويس. هطلب الاكل

ميلا دخلت : بابي. ممكن تخليني اشوف مامي عشان وحشاني

مهاب. : مامي تعبانه دلوقتي. اول ما تكون كويسه. تعالي شوفيها

.

فريحه : انتي كمان وحشاني اكتر. خليها تتدخل يا مهاب

مهاب شاورها تدخل . جريت علي فريحه وحضنتها

فريحه بصت لمهاب اللي كان مبتسم وعيونه محبوس فيها الدموع

عدا اسبوع. ومهاب مش بيتحرك من البيت. مش بيزعل فريحه وله بيكلمها في اي شي .

. حياته مستقره مع فريحه وميلا

مامته حاولت تزوره . بس هو كان مانع اي حد يدخل قصره . مانع اي زيارات

بليل كانت فريحه بتتمشي في الجنينه وهي بتتف*ج علي الورد

وقفت قدام شجره شكلها عاجبها .. وقف جنبها وحط الجاكت علي كتفها : الجو بدأ يبرد . خلي بالك عشان متتعبيش

فريحه : شكرا.

مهاب : الشجره دي. بتاعت مامت ميلا ، كانت بتهتم بيها .. وبعد اما ماتت انا بقيت اهتم بيها

فريحه : ربنا يرحمها.. انت كنت بتحبها

مهاب : اه .. كنت بحبها وقعدت سنتين بحاول اقرب منها .او اكلمها بس كنت باجي قدمها وبنسي كل الكلام . لحد ما في يوم سمعت انها هتتخطب.. روحت البيت واعترفلتها وطردت العريس.

فريحه : هههه . مجنون .. بس حكايه لذيذه

مهاب : حكايه حزينه. عشان هي ماتت وسبتني لوحدي مع ميلا . مفيش حد حبني غيرها.

فريحه : ليه يعني. انت تنحب . بس عايز تغير شويه في شخصيتك .

مهاب : زي ايه

. فريحه : تبطل عصبيه وعنف . وتحاول تسمع لراي اللي قدامك .

مهاب : هحاول . هنتجوز أمتي

فريحه : يااااارب . انت مش بتزهق

مهاب : انا مش عايز ازعلك. بس مش فاهم ليه رافضه

فريحه : عشان كل ده حلم ووهم. انت مش حقيقي. انا مش من هنا ، عارفه أنه كلامي يعتبر جنون ليك. بس دي الحقيقه ، انا من عالم تاني

. مهاب : اهدي .. نفرض أن كلام حقيقي وانك فعلا من عالم تاني . وان ده حلم علي كلامك. فيها ايه اما نتجوز. عيشي الحلم معايا. انا بحبك دي حقيقه مشاعري . حاولي تحبيني

كلام مهاب اثر فيها ردت عليه: كنت بفكر في كلامك وعايزه اقولك أن انا ممكن اوافق بس بشروط

مهاب : شروط ايه

فريحه : هنعمل فتره خطوبه

مهاب ' احنا متجوزين اصلا

فريحه : متتحسبش انت استغليت ال*قد .. وبعدين لو موفقتش علي شروطي مش موافق

مهاب -: انا مبحبش حد يلوي دراعي ، انتي مراتي وبالقانون

فريحه : شوفت انت بتتعصب ازاي واحنا بنتكلم. لازم فتره خطوبه الاول

مهاب نفخ وببحاول يهدي نفسه

. : والفتره دي قد ايه

فريحه : سنه

مهاب : نعمممم . سنه بحالها

فريحه : ١٠ شهور. حلوين

مهاب : هو شهر واحد وده كرم اخلاق مني . عشان تعرفي أن انا انسان ديمقراطي . الفتره دي أنتي هتيجي معايا الشركه وكل مكان . عشان تعرفيني اكتر ..

فريحه : موافقه

......

مهاب جا**ها ملابس من افخم الماركات . عشان تنزل بيها الشغل معاه

فريحه شافت الاسعار ودماغها لفت من الصدمه : دي البدله الواحده تعيش اسره سنه . ايه التبذير ده .

قعدت ع الكرسي: انا فقريه حتي في الاحلام . هو ده حقيقه يعني. خليني البس واتشيك .

لبست بدله رسميه نسائيه وخدت شنطه صغيره ورفعت شعرها لفوق

مهاب شافها وفتحلها باب العربيه : سيده اعمال قلبي

فريحه : شكرا . ممكن نوصل ميلا المدرسه معانا

مهاب : طبعا ممكن

وبعد وقت كانو قدام المدرسه .. وبيودعو ميلا .. وفي اللي بيراقب خطواتهم واللي بيحصل من بعيد

......

صافي : شوفت يا كمال قولتلك. البت الجربوعه بدأت تروح معاه الشركه وده اول حاجه .

كمال : عندك حق . لو سبنها اكتر ممكن يكتبلها املاكه . ابنك اهبل

صافي : اهبل مع الكل اللي معايا . طالع لابوه

كمال : انا عايزك تبدايي تقربي للبت وتعملي فيها انك ندمانه عشان نعرف أمتي نض*ب ض*بتنا

صافي : اقرب ازاي وانت شايف أن مانع اي حد يقرب من القصر .

كمال : مش هيقدر يتحكم في الموضوع لوقت كبير . وهي هتزهق . وكمان سيف هيعرف يقرب منها

صافي : انا مش حابه أننا ندخل سيف . مهاب لو عرف اللي احنا هنعمله مش بعيد ياكل سيف بأسنانه .. انت مستغني عن ابنك

كمال : سيف ذكي وهيعرف يخرج من اي موضوع بسهوله . بس عايزك انتي كمان تتحركي عشان نضيق الخناق عليهم

صافي : هحاول اشوف اي طريقه واقرب منها . مع اني مش طايقها . بس كل يهون عشان الفلوس

كمال : شطوره يا قلبي.

وطبعا كمال ده الزوج الثاني لصافي

وسيف ده ابنهم يعني اخو مهاب من الام

*******

في الشركه

دخلت فريحه جنب مهاب .. الكل انتبه ليهم

في اللي باصص بغيره ..واللي الفضول هياكله ويعرف مين دي اللي جنب مهاب

مهاب لاحظ أن فريحه مش مركزه معاه

مسك أيدها عشان تمشي جنيه

فريحه : معظم اللي بيتتشغلو ستات

مهاب : في رجاله كتير

فريحه : الستات اكتر . ممكن اعرف السبب

مهاب : من غير سبب . مفيش حد هنا ملوش اهميه ، المهم عندي الإمكانيات

شهقت فريحه اما شافت السكرتيره : قولتلي اهم حاجه عندك الامكانيات. ما شاء الله علي اماكنتيها .. بس كلها نفخ مش طبيعي

ضحك مهاب ولاول مره كان يضحك بالطريقه دي من سنين

. السكرتيره : نورت يا مهاب بيه. اتفضل

فريحه : حاسبي يا ماما. الجيبه هتفرقع

السكرتيره : نعممم

فريحه : الجيبه دي هتفرقع عليكي ، مفيش اضيق من كدا .

مهاب شد فريحه ودخلها المكتب : مجنونه

فريحه : لا بجد. هي دي الإمكانيات اللي قولتلي عليها .. ما شاء الله . البت شبهه عروسه الباربي

مهاب : انتي احلي منها

فريحه : طبعا أنا احلي منها . طبيعي يا بابا . مش شفط ونفخ ونسخ ولصق

مهاب : حلو نسخ ولصق . تعالي اقعدي هنا عشان نبدا الشغل. بتعرفي تترجمي

فريحه : طبعا . اللي قدامك دي بتتف*ج علي كل افلام mbc2

مهاب : مش فاهم بس هنشوف دلوقتي

فريحه : مهاب. مشي السكرتيره دي. يا اما قولها توسع هدومها . شكلها مؤذي للعين

مهاب : حاضر

فريحه : انت قولت حاضر بسرعه . مش هتعترض

مهاب : تؤ . اعترض ليه . انتي من حقك تغيري عليا

فريحه : مش بغير عليك .

مهاب : كلامك غير كده. شكلك غيران

فريحه : لا .. محصلش .

دخلت السكرتيره مره ثانيه وفريحه بتبص علي مهاب

مهاب : محصلش فعلا ..

فريحه : ركز مع باربي .. اتفضلي قولي جايه ليه

السكرتيره : في اجتماع بعد خمس دقائق

مهاب وقف ؛ تمام .. فريحه خليكي هنا. وانتي اي حاجه تؤمر بيها الهانم ، تتنفذ . هي مكاني هنا

السكرتيره : طبعا يا فندم .

خرج مهاب وفريحه قعدت علي المكتب تلعب بالكرسي اللي بيلف : باربي . هاتيلي هوت شوكوليت

السكرتيره نفخت : حاااضر

فريحه : براحه. عشان متفرقعيش .

.. قعدت لوحدها بتلعب في أي حاجه . الباب اتفتح ودخل شاب . ابيض وطويل وشعره اصغر وعينه زرقا

فريحه : مهند اللي في العشق الم***ع ..مش كده.

سيف ضحك : مين

فريحه : انت مهند اللي في تركيا . صح وله لا

سيف : لا. انا سيف من مصر

فريحه ؛ مش معقول انت مصري . شكلك تركي

سيف : مصري . مين بقي مهند ده . صديقك ..قولي ومش هقول لمهاب

فريحه : مهاب لو عرف هيعملني كفته. لانه مش عارف مين مهند .. بس اكون متشكره لو مقولتش حاجه

سيف : سرك في بير .

فريحه : البير اللي بيشرب منه ، امه لا اله الا الله .

مقولتش انت مين

سيف : سيف كمال .. اخو مهاب من الام وانتي

فريحه : انا فريحه ال

مهاب دخل في اللحظه دي : فريحه الديب .. مراتي

سيف : اتجوزت أمتي . كده متعزمش اخوك الوحيد

مهاب مسك ايد فريحه : كانت علي الضيق .. لسه الفرح الكبير . جيت ليه يا سيف

سيف : عشان احضر الاجتماع . انت ناسي اني شريك في الصفقه الجديده

مهاب : والاجتماع مش هنا .. اتفضل روح علي القاعه

سيف : مراتك جميله ..خلي بالك منها ..ومتزعلهاش

مهاب هيفرقع من الغيظ.. سيف خرج بعد ما غمز لفريحه

فريحه : وربنا مليش دعوه بيه ..الواد ده شكله اصفر زي أمه

مهاب : لينا كلام اما نرجع البيت يا فريحه

فريحه : انا مش هرجع البيت ، هبات في الشركه

...

سيف اتصل علي صافي مامته : قابلتها يا ماما . البنت حلوه . اعجبتني

صافي : زوقك بقي زباله .

في الوقت ده كان في اللي سمع كلام سيف وقرر يستغل الموضوع لصالحه

. مين . هنعرف بعد كد

.....

يتبع