أحببت بطل خيالي أضغاث أحلام

5

اسميتها فريحه

الخامس

لا حول ولا قوه الا بالله

فريحه قعدت بهدوء بتراقب مهاب اللي رايح جاي في المكتب بيحاول يهدي نفسه . فكره انها كانت واقفه مع سيف مضايقاه .. هو مش حابب انها تكلم اي راجل غيره.

قرب منها .. فريحه قررت تتكلم بسرعه وتحاول تمتص غضب مهاب . عشان هي عارفه غبائه : طبعا انت لازم تفهم أن العنف مش حل. فنتكلم بهدوء. واصلا سيف ده خنيق . محبتوش . شكله عيل اصفر . انا بس كنت برد علي اسئلته

مهاب : وتردي ليه من اصله ؟

فريحه : واحد بيتكلم عايزني اشاور مثلا ، انت عارف هو لو غلط انا مش هسكتله . هديله فوق نفوخه.

مهاب خبط علي المكتب وهي خافت وبكل غضب : كلام مع رجاله لا . حتي لو اخويا . مفيش تعامل مع الرجاله يا فريحه. ياريت يكون كلامي مفهوم .

فريحه : مفهوم طبعا. اتفضل حضرتك روح شوف وراك ايه. انا هقعد زي المكتب ده مش هنطق

مهاب : متتحركيش من مكانك . لو فكرتي تهربي . الحرس عنده خبر ميخرجيش من الشركه من غيري

.

فريحه : مفيش ثقه خالص بينا. علي العموم انا لو ههرب . كنت قولتلك .

بصلها بتحذير عشان تسكت وهي حطت أيدها علي بوقها

...في الوقت ده كان سيف بيتكلم مع واحده اللي هي السكرتيره سمعت مكالمته وحبت تساعد عشان تطفش فريحه

سيف : قولتيلي بقي انتي هتساعديني عشان ايه

السكرتيره : احب احتفظ بالسبب لنفسي . بس مش دي اللي تكون مع مهاب بيه . هو يستاهل واحده احسن منها

سيف : والواحده دي اللي هي انتي . شايفه نفسك تسحقي تكوني مع مهاب

السكرتيره : ليه لا . انا اعرفه من سنتين وبفهمه من نظره عين. وبفهم أمتي بيكون مضايق وامتي بيكون فرحان. انا وقتي كله معاه. مش هتيجي دي في الاخر اللي هتاخده .. انا شايفه أنها لايقه عليك اكتر . لانك اعجبت بيها. نساعدك وانت ابعدها عن مهاب.

سيف : اتفقنا. يااا. قولتيلي اسمك ايه

السكرتيره : جني

سيف : اتفقنا يا جني .

....

بعد وقت كانو في اوضه الاجتماعات وطبعا مهاب حاطط كاميرات مراقبه للمكتب . وموصلها علي موبيله كل شويه يفتح ويشوف فريحه بتعمل ايه

من الزهق حطت راسها علي المكتب وراحت في النوم

ابتسم مهاب وكمل الاجتماع ..وبعد ساعات كان اتفقو علي كل حاجه

سيف : بمناسبه أن الصفقه خلصت .. انا عازم الكل في الفيلا علي دش بارتي . هيكون يوم لذيذ نقضيه كلنا

مهاب لسه هيرفض ..بس سيف : طبعا انت اول واحد يا مهاب . الحفله معموله علي شرفك . بمناسبه جوازك السريع

الكل بارك لمهاب

سيف : مع اني زعلان منك عشان معزمتنيش .. ازاي اصلا مهاب الديب . ميعملش فرح كبير يسمع في البلد .. شكلك بقيت بخيل

مهاب : ده كتب كتاب . قريب هعمل فرح كبير . والكل هيتعزم .

سيف : اهو ده الكلام . عايزين نفرح وننبسط يا مهاب . كفايه شغل . الحياه مش هتكون شغل وبس

مهاب مبيحبش الكلام الكتير . خلص بسرعه معاهم ورجع علي المكتب ملهوف عشان يشوف فريحه

قرب منها ورفع شعرها : فريحه . قومي

فريحه : بس بقي . عايزه انام . مهاب المفتري .. اااه .هقع .

مهاب اتخض : فريحه. فريحه.

فتحت عينها بعد ما كلت قلم علي خدها : ايه ياعم . حد يصحي حد كدا . قولتلك مليون مره ايدك تقيله

مهاب : انتي كنتي بتحلمي بكابوس

فريحه : انا . محصلش . هي الساعه كام . انا زهقت

مهاب : تحبي ترجعي البيت

فريحه : ياريت. مفيش اي حاجه هنا مسليه وكمان جعانه

مهاب : تعالي ننزل ناكل في أي مطعم وبعدين نرجع البيت

خرج مهاب وفريحه وكان بيراقبهم سيف . اول ما دخلو المطعم . دخل وراهم واتصل بوالدته عشان تيجي

مهاب طلب الاكل وبيتكلم مع فريحه ...دخلت صافي وبمنتهي الاصطناع : ايه ده ..مش معقول ايه الصدفه الحلوه دي

مهاب عينه كلها كراهيه ..فريحه لاحظت النظره اللي بيبص بيها لمامته .. عروقه كلها شدت وبيضغط علي اسنانه

مسكت أيده عشان تهديه ..

صافي شدت الكرسي وقعدت : اول مره اعرف انك بتيجي تتغدا هنا . عارفه انك موسوس وبتاكل من ايد الطباخه اللي عندك . وبتبعت تجيب الاكل مخصوص ليك

مهاب : اصلي بق*ف ، يلا يا فريحه

صافي : لا ..مهاب خليك قاعد معايا شويه . سبني اتعرف علي فريحه .

مهاب : من أمتي عايزه تتعرفي علي فريحه . مش دي اللي اخر مره كانت مش عاجباكي

صافي: انا كنت بتكلم من خوفي عليك . معلش يا فريحه. بس افتكرت أنك بتضحكي عليه وبتسغليه عشان فلوسه . ده ابني برضو ومن حقي اخاف عليه

مهاب : ابنك ..من أمتي وانا ابنك . يا صافي هانم

صافي : من اول يوم ولدتك فيه . واتكلم معايا كويس يا مهاب. انا امك برضو .

فريحه : مهاب لو سمحت اهدا. احنا في مكان عام والناس بتتف*ج عليك . ممكن تطلب ليمون وتشربه بيهدي

مهاب. : مش عايز زفت. هنمشي

وقف وصافي مسكت ايد فريحه وهي بتمثل الدموع : اسفه يا فريحه . متزعليش مني . مقصدش اني اضايقك

فريحه صعبت عليها : متعيطيش يا طنط .

مهاب : فريحه. امشي ومتتكلميش مع حد

خرج الاتنين وصافي قعدت علي الكرسي وحطت رجل علي رجل

سيف بيصقف : فنانه قديره .. ممثله هايله ..مصدقتش اما شوفت الدموع .عملتيها ازاي دي يا ماما.. انا اتاثرت وكنت هيعط

صافي : تفتكر مهاب أتأثر

سيف: طبعا لا ، بس فريحه اتاثرت وبشده.

صافي : حلو اوي . هو ده المطلوب اثباته .. المهم عايزه اقبلها واتكلم معاها

سيف : بسيطه. في حفله ومهاب هيحضرها . تقدري تتكلمي مع فريحه هناك

....

طبعا طول اليوم كان مهاب مضايق أنه شاف صافي

فريحه دخلت اوضه الجيم كان بيجري علي الماشيه

فريحه : مهاب . كفايه كدا. انت بقالك ساعتين ..ارتاح شويه

مهاب : مش مكتوب عليا الراحه .. انا معرفش هي عايزه مني ايه . ياريت تبعد وتريحني

فريحه : جربت تروح لدكتور نفسي وتتكلم معاه

مهاب بصلها بشر ..فريحه : مش قصدي حاجه. بس انت فعلا محتاج علاج .

مهاب : متتكلميش في الموضوع ده . انا كويس جدا . ومش محتاج اي دكتور ، لو حد عايز يتعالج هنا هيكون انتي مش انا.

فريحه : قصدك اني مجنونه . لعلمك كلما مجانين بشكل أو بآخر . ومش هضايق . وله هعصب نفسي .

سبته وخرجت ..وهو كمل تمرين

.. تاني يوم صحي الصبح ونزل علي الشركه من غير ما يقولها

استغربت اما سالت عليه وعرفت أنه خرج

دخلت الشغاله وهب شيله صندوق كبير وفوقيه كذا صندوق تأني مختلفين احجامهم

فريحه : لمين الحاجات دي

. الشغاله : دي هديه من مهاب بيه .. في رساله جوه الصندوق .

فريحه فتحت الصندوق بسرعه وكان فيه فستان لونه فضي وشكله جميل

قرات الرساله ( تكوني جاهزه الساعه ٧ عندنا حفله )

فريحه : مفيش اي كلمه رومانسيه كدا وله كدا . بارد حتي في تعاببره

... الساعه ٧ بالظبط كان مهاب لابس بدله سودا وواقف قدام اوضه فريحه بيخبط علي الباب

فتحتله وهي مبتسمه وشايفه عينه اللي بتحقق منها

فريحه : الفستان حلو

مهاب : تجنني ..انتي اللي محليه الفستان .

فريحه : شكرا ..انت كمان شكلك حل بالبدله شبهه الأمير في ديزني

مهاب باس أيدها وانطلقو للحفله

اول ما دخل كان كل الأنظار عليهم. وهو عينه زي الصقر اي واحد بيطول في النظر لفربحه كان بيشوف مهاب ونظراته يبعد عنه بخوف

سيف ' انا اقول الحفله نورت ليه . مب**ك يا عرسان . زي القمر لايقين علي بعض

مهاب بمنتهي البرود : في الترابيزه اللي هنقعد عليها

سيف ' هناك . تعال ورايا

قعدو علي الترابزه .. وبعض رجال الأعمال بيتكلمو مع مهاب

صافي وقفت وشاورت لفريحه عشان تقوم تكلمها

فريحه قالت لمهاب أنها داخله الحمام . وقامت من جنبه

صافي : شكرا انك جيتي تكلميني . انا كنت بموت

فريحه : الف سلامه عليكي . انتي تعبانه اطلب الدكتور

. صافي : انا مش محتاجه دكتور. انا محتاجه ابني يعاملني كويس . عارفه أن أول لقاء ما بينا كنت بعملك وحش. بس ده من خوفي عليه . هو بيكرهني وانا بحبه ، زعلان عشان دخلته مدرسه داخليه فيها ايه ..كان نفسي يبعد عن اي ضغط في البيت بعد وفاه بابه ..

فريحه : هو زعلان عشان حضرتك مكنتيش بتسالي فيه واتجوزتي

صافي : فيها ايه اما اتجوز . مش حرام . انا كنت صغيره وأبو مهاب كان كبير في السن . اما مات كنت لسه صغيره وعايزه اعيش حياتي ، حبيت كمال واتجوزنا

فريحه محتاره من كلام صافي. هي ليها تتجوز بعد موت جوزها

. صافي : اوعديني . تحاولي تصلحي بيني وبين ابني

فريحه : هحاول يا طنط

وهما بيتكلمو كان الخبط علي الباب . فتحت فريحه باب الحمام . كان مهاب

مهاب : انتي كويسه . حد عملك حاجه

. فريحه : انا كويسه. في ايه

مهاب : اتاخرتي عليا وخفت يكون حصلك حاجه

فريحه مسكت أيده وطبطبت عليه شكله فعلا كان قلقا وخائف : انا زي الفل . تمام . متقولش اني وحشتك

مهاب : بتوحشيني وانتي معايا. هيكون احساسي ايه وانتي بعيد

فريحه : اهو ده الكلام وله بلاش.

.صافي كانت مستخبيه في الحمام عشان مهاب ميشوفهاش

الموسيقي شغاله وسيف : تسمحي بالرقصه دي

فريحه : لا. مش برقص مع حد

سيف : انا قصدي ترقصي مع مهاب . بما أنكم لسه متجوزين جداد

مهاب ' مش برقص وله مراتي هترقص . كفايه لحد كدا يا فريحه.

سيف : بس اصبر يا مهاب. احنا لسه عملنا حاجه.

مهاب : انا جيت عشان انت عزمتني. لكن هقعد هعمل ايه . الجو خنيق

خرج مهاب مع فريحه من الفيلا ..

راجل غريب قريب من سيف وهمسله : كل حاجه تمام يا باشا

سيف : اما نشوف يا مهاب . هتعدي ازاي من الموضوع ده

مهاب كان بيسوق العربيه ولاحظ أن الفرامل مش شغاله.

اتوتر عشان معاه فريحه. خايف عليه بحصلها حاجه

تفتكرو هيعرغ ينقذها وينقذ نفسه وله لا

.

. ....

يتبع