أحببت بطل خيالي أضغاث أحلام

6

فريحه

السادس

لا إله إلا الله وحده لا شريك له

مهاب بيحاول يدوس علي الفرامل عشان يوقف العربيه .

فريحه : انت بتسوق بسرعه كدا ليه . مهاب

مهاب : هقولك بس متخافيش . الفرامل علقت والعربيه مش هتقف

فريحه حطت أيدها علي بوقها : هنموت. هنموت يا مهاب .

مهاب : متخفيش. خليكي واثقه فيا . هشوف حل

فريحه بتبص علي الطريق مفيش عربيات ماشيه جنبهم .. مهاب قلل سرعته شويه بس طبعا العربيه مش هتقف فكر يدخل في عمود النور أو الرصيف . بس ممكن العربيه تتقلب بيه هو وفريحه

مهاب : فريحه. افتحي الباب ونطي من العربيه .

فريحه : انت مجنون ..عايزني انط من العربيه وهي ماشيه. فاكرني سوبر مان

مهاب : مفيش حل غير كدا. ده افضل حل ، لو حصلك حاجه هتكون خدوش بسيطه الطريق فاضي . احسن من العربيه ما تنقلب بيكي . نطي من العربيه يا فريحه. بسرعه

فريحه كانت خايفه بس سمعت كلام مهاب ونطت من العربيه .. مهاب ملحقش ينط من العربيه. لان دخل في الرصيف والعربيه اتقلبت بيه

انتقل للمستشفي

....

بعد وقت كانت فريحه منتظره اي خبر . سيف وصل

وصافي وكمال وهما بيمثلو أنه زعلانين

فريحه بتدعي ربنا مهاب يقوم بالسلامه وميحصلوش حاجه.

خرج الدكتور .. فريحه : طمني . مهاب عامل ايه

الدكتور : حالته حرجه وهيفضل في العنايه ٤٨ ساعه ونشوف النزيف هيقف وله لا

فريحه : نزيف .. هو حالته ايه بالظبط . انت مش عارف تعالجه . انا هنقله لمستشفي تانيه. .

سيف : معلش يا دكتور ، مراته ومضايقة عشانه . اعمل المناسب ليه

فريحه قعدت الكرسي بتعيط وقلبها وجعها . تكدب لو قالت محبتش مهاب . لانها فعلا حبيته حتي من قبل ما تشوفه . هي حبيته من خيالها . شخصيته علي الورق شدتها واتعلقت بيه

كمال كان بيضحك مع صافي : المره دي كان حظنا حلو وقدرنا عليه ..كل مره كان بينجو من هو الموت بمعجزه بس المره دي. مش هيطلع من هنا علي رجله

صافي : يكون احسن . عشان نستولي علي كل حاجه. وناخد الفلوس لينا

سيف : وطي صوتكم يا جماعه مش كدا . انتم ناسين أنه لسه عايش . ممتش . كمان ليكم شركا في الورث وهي مراته وبنته ..

صافي : نتخلص منه الاول. وهما سهل اوي . مش هنتعب فيهم

سيف : تؤ . غلط . انا هقرب من فريحه وهخليها تثق فيا . عشان بعد كدا اتجوزها واخد كل حاجه كانت لمهاب . اصلها عجباني اوي

كمال : ولما هي عجباك . قطعت الفرامل ليه وهي معاه ؟

سيف : اولا مهاب دائما بيمشي بحرس . ودي كانت اول مره اشوفه لوحده من غير حرس . ثانيا انا كنت واثق أن مهاب هينقذها عشان هو بيحبها .

صافي : انا مش موافقه تتجوز الجربوعه دي .

سيف : كدا هتزعليني منك يا ماما . بلاش انا تقوليلي اعمل ايه ومعملش ايه . انا بعمل اللي علي مزاجي

صافي : شايف ابنك يا كمال

كمال : ليه حق يا صافي . ابنك مش صغير ..وهو عمل اللي احنا معرفناش نعمله

.....

فريحه قاعده قدام اوضه العنايه منتظره مهاب يفوق

سيف جاب اكل وقعد جنبها : جبتلك اكل. كلي عشان تقدري تكملي . انتي من امبارح مكلتيش

فريحه : مليش نفس .

سيف : ومين ليه نفس ياكل ومهاب في الحاله دي .. انتي متعرفيش مهاب عندي ايه . انا اذا كنت بضايقه وله ارخم عليه فده عشان يكلمني . بس في قلبي انا بحبه اوي . ده هو مثلي الاعلي وقدوتي في الحياة

فريحه : انا كمان مكنتش اعرف اني بحبه كدا .

سيف : كفايه عياط يا فريحه. انتي لازم تكوني قويه . عشان نكمل الحياه. حتي لو هو مش موجود . في بنته. هنربيها .انا جنبك ومعاكي اعتبريني زي مهاب بالظبط

فريحه : مهاب هيفوق . هو قوي. هيقدر يعدي الازمه دي . ويكون اقوي

سيف : اه . طبعا . انا بدعيله من كل قلبي . كلي وارجعي البيت ارتاحي وانا هقعد مكانك

فريحه : مش هرجع البيت غير وهو معايا

سيف : بلاش عند يا فريحه. انتي محتاجه ترتاحي وتنامي ، هو اصلا مش حاسس بينا وله بوجودنا هنا . وكمان غيري فستان السوريه اللي لسه لابسه ده . ولو علي مهاب انا هخلي بالي منه . لحد ما ترجعي بكرا

سيف وصل فريحه للبيت اللي اقتنعت بكلامه ورجع المستشفي وقرر أنه يدخل وينهي حياه مهاب بنفسه. بس لازم يصبر لحد ما الحركه بتاعت الممرضين تقل ووقتها ممكن يقطع جهاز الأ**جين عنه أو حقنه هوا تخلص كل حاجه

....

فريحه دخلت الحمام تاخد شاور وهي بتفتكر كل المواقف اللي مرت بيها مع مهاب .

خرجت بسرعه من الحمام اما افتكرت موضوع الفرامل. ممكن يكون مقصود. لبست ونزلت للحرس

فريحه ' مهاب بيه في المستشفي حصلتله حادثه. وعايزه كام واحد منكم يروح يقف علي الباب ويحميه ، مش عايزه حد يدخل غير الدكاتره والممرضين

قائد الحرس : تمام يا مدام . اعتبري اللي طلبتيه حصل .

خد ٣ وراح علي المستشفي .. فريحه طلعت لاوضه ميرا اطمنت عليها .. دخلت تنام ساعتين

سيف اتغاظ اما شاف الحرس واقفين قدام العنايه

سيف : هشوف حد من الممرضين يخلصني منك ي مهاب. اصبر عليا . مساله وجودك علي قيد الحياه مش هطول . وهاخد كل حاجه حتي مراتك

....

صحيت فريحه علي صوت ميرا اللي بتسالها علي مهاب

فريحه قالتلها انه سافر في شغل وهيرجع قريب. وقالت لداده تخلي بالها من ميرا .. وراحت علي المستشفي عشان تطمن علي مهاب

محدش موجود من اهله . كان الحرس واقفين قدام الباب

شافت ممرضه خارجه وسالتها عن حاله مهاب . قالتها أنه لسه مفقش ومينفعش تتدخل

ساعه وشافت ممرضه تانيه عايزه تدخل

فريحه : انتي رايحه فين

الممرضه : انا .الممرضه وهديله العلاج

فريحه : هو لسه واخد العلاج من ساعه

الممرضه : والله ده شغلي وانا بفهم فيه اكتر منك .

دخلت الممرضه الاوضه . فريحه مكنتش مطمنه

وقفت تراقبها من ورا الازاز ونشوف هتعمل ايه

شويه وشافتها بتطلع حقنه من جيبها وشكلها فاضيه ولسه هتفضيها في المحلول. كانت فريحه مسكت أيدها : انتي بتعملي ايه

الممرضه : ده . ده علاج

فريحه : كدابه . دي حقنه فاضيه . انتي عايزه تموتيه

الممرضه : انتي فاهمه غلط ..انا كنت بشوف الحقنه شغاله وله لا .. سيبي ايدي

فريحه : والله ما هسيبك . فين الدكتور المسؤول

وصل الدكتور : في ايه يا مدام. م***ع تدخلي هنا

فريحه : الممرضه دي كانت هتدي حقنه هوا في المحلول لجوزي

الممرضه عيطت : يا دكتور . هي فهمتني غلط .. انا كنت بجرب الحقنه

الدكتور : انتي ايه اللي دخلك هنا اصلا . الحاله دي تبع ممرضه تانيه

الممرضه : هي . هي مكنتش فاضيه

فريحه : كدابه . الممرضه خرجت من ساعه .. انا هطلب البوليس وهسجنكم كلكم يا قتالين

مهاب فتح عينه علي صوت فريحه وبصوت ضعيف : فريحه. فريحه

فريحه سمعت صوته : مهاب . انت فوقت يا حبيبي .

الدكتور فحصه : سبحان الله دي معجزه ..

فريحه عيطت وهي ماسكه أيده : الحمد لله

الحرس سلم الممرضه لقسم الشرطه عشان تحقق معاها وتعرف ليه كانت عايزه تقتل مهاب

. نقلوه لاوضه عاديه بعد ما فحصو حالته واطمنو أن حالته مستقره

مهاب : عيونك دبلانه

فريحه : من كتر العياط . ده انا عيطت كميه عياط . معيطهاش في مسلسل ( لن اعيش في جلباب ابي )

مهاب : مين

فريحه : مسلسل بيجي علي التلفزيون . انما ايه. علامه من العلامات المصريه .

مهاب : مجنونه بس بحبك

فريحه مسكت أيده : وانا كمان جدا

مهاب : وانتي كمان ايه ؟

. فريحه : بحبك يا مهاب . بحبك اوي كمان .

مهاب : ده انا كل يوم هعمل حادثه عشان اسمعها منك

فريحه : بعد الشر عنك . اياك تفكر تعمل كدا . انت متعرفش انا حصلي ايه من غيرك. الكام ساعه اللي فاتو دول كانت حياتي جحيم

....

في البيت

. سيف عرف بالكارثة اللي حصلت أن الممرضه اتقبض عليها وإن مهاب فاق ..

.

كمال. : وهتعمل ايه يا فالح في الكارثه اللي عملتها دي

سيف : انا كنت هعرف منين أن البنت غ*يه ومتخلفه مقدرتش تنفذ المهمه الصغيره دي

كمال : عندي اللي يخلصك من الموضوع.

سيف : دلني عليه ، ابوس ايدك

كمال : هخلصك من البت الممرضه. وبكده يموت الدليل الوحيد ، وتكون انت قدام مهاب وفريحه . البطل الهمام اللي وقف جنبه في شدته

سيف. ؛ واقدر اقرب منه وا**ب ثقته والخلاص منه هيكون سهل

كمال : بالظبط كدا

...

في المستشفي مهاب عرف باللي حصل من فريحه

مهاب : هما اللي ورا كل ده . هي عايزه تموتني ، عرفت توصل ليا .

فريحه : لا يا مهاب ..حرام متقولش كدا . انت مشوفتهش كانت بتعيط ازاي. وكمان سيف . كان بيدعي ربنا تخف. وكان في المستشفي من وقت اللي حصل ..

مهاب ضحك بسخرية علي كلام فريحه: انتي طيبه يا فريحه . متعرفيش حاجه عن قلوبهم

فريحه : بس انا شوفت تصرفهم في الموقف

مهاب : ' ما علينا. المهم انك بخير

....

في قسم الشرطه وتحديدا في الزنزانه اللي موجود فيها الممرضه

كانت في واحده بتخنق في الممرضه لحد اما ماتت

علقوها في حبل علي اساس انها هي اللي شنقت نفسها

وبكده اتخلصو من الدليل اللي يثبت أن ليهم يد في اللي كان هيحصل لمهاب ..

....

فريحه كانت بتهتم بمهاب وبتراعيه في المستشفي

فريحه : ميعاد الدواء . بس الاول لازم تأكل اي حاجه

مهاب : احكيلي حصل ايه من وقت اما دخلت المستشفي

فريحه : سيف ومامتك كانو هنا .

مهاب : جاين يطمنو ودعت الدنيا وله لا

فريحه : حرام عليك يا مهاب. علي فكره كان شكلهم زعلان عليك وبيعطيو

مهاب : ما علينا ، حصل ايه بعد كدا

فريحه حكتله عن الممرضه واتصل بالمحامي اللي قاله أنهم لقوها مشنوقه في الزنزانه

مهاب : اللي حصل ده بفعل فاعل. واللي سلطها تعمل كدا اكيد يهمه أن الدليل يموت . بس هيقع في الاخر وهعرف مين السبب

.....

يتبع