Lahat ay napatingin kay Debb ng magtaas siya ng kamay. Kung kaninang hinahawakan pa lang nila 'yong gown ay nagagalit na si Sir Alexander, paano pa kaya ngayon na may sira 'to.
“What happened? I told you guys to take care of the gown. What happened?”
Hindi naman agad nakasagot si Debb dahil sobrang seryoso ni Sir Alexander. Medyo nakakatakot pa ‘yong aura niya ngayon. Kung ako siguro ang nasa harapan niya ay baka hindi rin ako nakapagsalita.
Kung ang intimidating ng dating niya kapag seryoso, ngayon naman ay nakakatakot.
Pakiramdam ko tuloy ay any time magbubuga talaga siya ng apoy sa ilong.
“Sir, I checked my surroundings before getting the gown. And I can vouch na hindi talaga siya nadikitan ng kung ano habang kinukuha ko,” paliwanag ni Debb.
“How can you be so sure?” tanong pa uli
