“Don Sebastian?”, halos magkasabay na wika nina Eric at Yzekiel pagkatapos ay kapwa tumingin sa isa’t isa. Malapit kay Eric ang matanda sapagkat bukod sa kaibigan ng kanyang ama ay ninong din niya kung kayat wala sa hinigap nilang dalawa na ito ang mastermind sa tangkang pagdukot kay Yzabella.
“Parang awa niyo mga bossing, itago niyo ang pamilya ko baka sila ang pag-initan ni Don Sebastian.”, turan ng lalaki ngunit tumingin lamang ang dalawa dito. Pagkaraan ng ilang sandali ay nakatanggap ng mensahe ang cellphone ni Yzekiel, nang tingnan niya ito ay halos mapatalon ito sa tuwa na ikinataas ng kilay ni Eric.
“Natrace na ni Nate ang location ng cellphone number na ginamit noong naframe-up ako.”, excited na turan niya kay Eric kung kayat bigla ring nagliwanag ang mukha nito.
“Really? wher
