"Kumain ka na muna Alexa. Mas mabuti na may laman ‘yang tiyan mo kaysa sa mga vitamins ka lang umaasa. Makakasama ‘yan sa bata," paalala ng nanay niya. Nakauwi na siya sa tinutuluyan nilang condo at natulog silang dalawa ni Kylie maghapon kung kaya't nakaligtaan na rin niyang mananghalian. Kaya ngayon ay pilit siyang ginising ng kanyang ina.
Kinapa niya ang tabi niya, wala na doon si Kylie. "Si Kylie Nay?" tanong niya.
"Nasa labas na at kumakain ng hapunan," sagot ng nanay niya. "Lumabas ka na rin at maghapunan, " dugtong pa nito.
Patamad siyang bumangon ng higaan at pinanood ang paglabas ng ina sa kanyang kwarto.
"Nay," tawag niya ulit sa nanay niya bago pa man ito makalayo, agad naman itong pumihit paharap sa kanya.
"P-paano niyo po k-kinaya noong wala na si..s-si Tatay," alangan
