Chapter 30
Naalimpungatan ako nang may kumalabit sa braso ko. Sino ba 'to? Natutulog ako eh.
"Ate? Ate? Si Chiro 'to. Gising na po! Gabi na," sambit ni Chiro daw.
"Ch– chiro?" Napabangon ako dahil sa gulat. Anong ginagawa ng kapatid ni Fire dito?
"Ako nga po ate. Naaalala niyo po ba 'yong binigay sa inyo ni lolo? 'Yong puting bato."
Ahh, 'yong batong makakatulong sa akin para kontrolin ang kapangyarihan ko. Anong meron doon?
"Oo, nasa akin pa rin. Bakit mo natanong?"
"Ako po 'yon. I mean, kalahati po sa buhay ko. Si lolo kasi eh," nakanguso niyang sabi.
"Ang ibig mo bang sabihin ay ikaw ang tutulong sa akin para kontrolin ang kapangyarihang nakapaloob sa akin?"
Tumango naman siya bilang sagot. Isang bata ang tutulong sa akin? No way. Paano? Makapangyarihan din ba siya katulad ni l
