قلب الصخر

الحلقة الثالثة

صخر .... اريد اوضح شغلة بل**ني للمتابعين الكرام ... انه بنت عمي شعوري امامها شعور مسؤلية و بس يعني احسها اختي الزغيرة و مسؤولة مني ...و الي يحزنها يحزني .. و الي يفرحها يفرحني ... و انه بطبعي صاحب غيرة طاغية و معروف علي الغريب اذا ينخاني انزع عباتي و اعطي اله ... زين واذا المحتاجة رعاية ...لحمها لحمي و دمها دمي ما رح اعوفها ابد .. قبل الحادث بقليلعفت البيت و صعدت بسيارتي و لوين ما ادري المهم ابتعد بتفكيري عن البيت و دوشته ... اريد بنت عمي ترجع لبيتها و اصلها و تعرف منو ابوها و منو عشيرتها ... بس بنفس الوكت ما اريد احد يعرف هاي بنت عمي هسة حتى هي لان ما اضمن شنو ردة فعلها للموضوع لان صعب بعد كل هالسنين العايشتهة وية ناس و تعرف ابوها فلان اجي اصدمها اكولها انت بنت فلان و هذاك مو ابوج و فطيم امج الي مسودنه و متعرف راسهة من رجلها ... لا لا صخر اتريث ... واني و امشي بالسيارة شفت راضي ابن حجي ناجي طب للزرع و ديشحط ب..... مرة هذا عاقل ...اخذتني الحمية و نار اشتعلت بص*ري و صرت ما اندل دربي.... ببالي بس هالحيوان ردت اكطعه بيدي عديم الناموس و الغيرة نزلت من السيارة و ركضت وراه و بين الزرع جان يوكف كلبي هاي.... رييييييييم بنت عمي جاسم .... ولك وخررررررر غااااد لا اموتنك و علي.... لا اسويك عبرة ... وجان اشيلة بايدي هالحيوان الساقط و الدنية سودت بوجهي و ما اعرف شلون صبرت و ما كليته ... و ذبيتة جوة رجلي و طحنته طحن انه صخر ابن جبار ابن شيخ سلمان الكل تعرفني ما احب اظلم و الحگ دوم بچفي بس من يوصل للعرض لا بعد ما اوكف و اسمع من واحد تدنى لعرضي .....و چمالة اسمعها هي تستنجد و تعيط و تصرخ.... الم شرف مو الم جسد .... و دك بو**ات و دك جلاليق و انواع الض*ب و انه بكلبي نار تستعر ... مشفت بعيني غير بس هالحيوان دميته و شبعت كتل ونهضت ع السريع و جان اجر سلاحي و احطه براسه وهو ساكت ما فتح حلكه مصبوغ وجهه دم نجس... اشوف ريم اتهسرت بچي و حاطة ايدها على اذانها و تصرخ بدون وعي اباوع هدومها مشلعه و شعرها منثور و حالتها حاله ... هنوب زادت وضعية صراخها ...و حالتها تبچي الكافر تكلي لا عفية ... اني ركضت ليمهة و ذبيت السلاح على صفحة و كتلها ريم ... رييم بسسسج عاد تصرخين لا تخااافين انه هنا .... و ما كملت جملتي و جان تخرب بين دياتي ... درت وجهي و جان اشوف هذا الچلب مهزوم ... الجبان خل يصبر .... اذا ما كلبت عشيرته كلاب انه موش صخر ......شلت ريم و ركضت بيها للسيارة حطيتها ع الكشن الورة و مشيت بالسيارة ع السريع ... انه اسوق و بكلبي نار تسعر ... اض*ب بايدي ع السترين حيييل و لو بيدي اطير بالسيارة ... وكل ثانية اندار اشوفنها بلكن تصحى ... و وصلت لبيتي ... انه صح عايش وي هلي بيت جدي سلمان بس عندي بيت الي وحدي ... انزوي بي لمن اتضايق او افكر بشغلة اجي لهنا ... ارتاح للوحدة و الهدوء ... لفيتها ببشتي لان جسمها طالع منه هواية ... اااااخ يالنذل ... ما فوتها لا الك و لا لهلك .... و شلتها بين ايدي و طبيت غافية چنهة طفلة .. هي صح طويلة بس نايمة بايدي جنهة عصفور ... زين هاي شلون اكعدها ...؟ نزلتها بهداوة ع السرير و طلعت رأسةً من الغرفه ... دكيت على حسين ... كتله هسة تجي وتجيب وياك ضيف بغداد صديق عقيل ... انه ببيتي ... كلي تامر ... و رجعت للغرفة لكيتها هستوهة كاعدة و دتبجي و كايمة من مكانها خايفة و مرعوبة ... انه صديت وجهي عنها كتلها ...:تحشمي ... و ع السريع لفت جسمها و شعرها بالبشت و ظلت تبجي و تشهنك ... كالت اريد اخوية ...اريد رفل ... اني ليش هنا ... و انت شلون جبتني هنا ... طلعني من هنا ..اريد ارجع لبغداد ... عصرني گلبي حيييل تتوچة بالغريب وانه اقرب الهة ما توچت بيه ... انه لسا داير وجهي ما باوعتلها ... كتلها يا بت الناس .. لا تخافين انه وياج مو عليج ... جان تكطع حجايتي بعيطه ... قتلته ...؟؟؟؟؟؟؟ريم ... بعد ما فزيت و لكيت روحي نايمة بغرفة و ع سرير ... فركت عيني و كلت اني وين ...؟ اجة .. الشيخ الي نقذني قبل شوي .... الي صار قبل شوية مو قليل اني مرعوبة و كرهت هالمكان ... بس اريد اطلع من هنا .... كلي بصوت خشن و قاسي ...تحشمي ... شكد كرهت نفسي بهاللحظة حسيت روحي اكل فاسد و ديغطوه حتى يذبوه بالزبالة ... شفت عباية رجاليةع السرير جنت قبل شوية متغطية بيها .. حطيتها على راسي و لفيت جسمي زين حسيت العباية رح تستر ذاكرتي و تغطيها و تنسيني الي صار ... شفت دشداشته مليانه دم ...: جان اكله بعياط و نسيت نفسي .قتلته ...:؟؟؟؟؟؟؟؟ كلي بعصبية لا مع الاسف ... بس بعده ميباوعلي بس ليش هالرجال دا احس فد راحة من احجي وياه ... ما اعرف و دا احسه اسد ثاير على هذاك الحيوان خوفاً علي مو لغير قصد ... كتله الله عليك قتلته واني صرت ابجي و اعيط اكثر و جان يعيط بعصبية مرعبة و عينه صارت بعيني .... انه ما چذب يا بنت الناس ... شمالچ تدافعين لهذاك الحيوان و خايفة عليه ... هو مو بس يستحق الموت ... و يستحق ان اعلكه بعمود بنص القرية حتى يكون عبرة .... اني من صارت عيونه بعيني ... حسيت بامان و عيونه بيهة كلاام و صدك رجال و اخو خيته فشلت من سألت هالسؤال ... سكتت و نزلت عيني و بقيت ابچي كتله .. اريد ارجع بغداد ... ما اريد ابقة .. بس دبرلي هدوم و كمل زينك وياية ... حتى اطلع ... وشكراً ع السويته .... صخر ...انه مشتعل بنار و ايدي تحكني اريد اقتل هالحيون العار ع الزلم .. وهي تسألني ...قتلته ...؟ و الله موش بس اريدن اقتله ... لا هذا قليل بحقه ... اريدن اصلبه بنص القرية ... حتى يكون عبرة لغيره ... بيني و بين عائلته مشاكل قديمة من ايام جدي سلمان الوحش ... و الله يرحمه جدي جان شديد بوكتها بتعامله و ي الناس و ابو هالعار جان عامل عند جدي و مرة باك من عندنه و عشيرته ناس همج ما تخاف الله ....من جدي حاسبه بوكتها و عاقبه ...وجان عقابه شديد بذاك الوكت وصلت لبتر ايده ... كاموا عشيرته اتبلوا على جدي ... و انه ابنهم بري وما باك و دبروا شهود زور اثنين و رادوا يوكعون جدي و صارت طلابه شكبرها و ما انسد الموضوع الا سنين ... اخذت من عدنه فلوس هواي و خساير بالكيعان لان كاموا عشيرته يحركون المحصول غفلاوي للانتقام ... فالوضع الي صار هسة رح يهيج جراح قديمة و رح تكون ريم بخطر و موش بصالحها ان تبتعد عن عشيرتها لازم تكون تحت جنحان العشيرة ... انه و رجالي نحرك الدنيه و نكلب عاليها واطيها لو انمست شعرة من راسها ...الغشيمة تشكرني ... ولج انه لو بايدي اكل اوادم هسا ... ( كلت بگلبي)كتلها ... هدي و لازم نحجي بجديه ... الامور ما انتهت لهنا و ممكن تتعرضين للخطر اذا رجعتي لبغداد ...جان تفز و تعيط و عينها حومرت ...: شنوووو ؟ شتقصد؟ ما اكدر ارجع لبغداد ليييش..؟ كتلها .. انت شو ما تهابين الاكبر منج ..؟ شو تردين الچلمة بعشر .... الي تعرضتيله قبل شوي ما خلص كمت اصرخ وراچ هله و عشيرته ...كالت بصوت مخنوگ بعبرة .. ابنهم سافل شنو اني شسويتله وبعدين اني بس اطلع منا اروح للشرطة و افتح محظر و اشتكي ... انه صدك ضحكتني و ضحكت باستهزاء ... كتلها ياااهو؟ ...بعد عمج ؟ شرطة؟ انت صدك غشيمة .. بهالاثناء اجتني فكرة ... هالبنية ما هدهة لو على كص رگبتي ... اولاً انه ما صدكت لگيتها و ثانياً ... ما رح يتركوها ولد ناجي ع السويته براضي الحقير و اعرفهم طلايبهم ما تفض ... كلت بكلبي اصير واليها و انه اواجه بيت راضي هذا حل يفيد الحالتين هم هتحمل اسم عايلتها و هم رح تكون وياي بامان ... يعني اعقد عليها ... بس ع الورق لبين ما تفض هالطلابة و وراها اواجهها و اكلها الحقيقة الغافلة عنها و اطلق سراحها .... بس هذه شلون رح ترضى ... لازم اتأنى و افهمها هذول موش خوش ناس ممكن يقتلون احد افراد عايلتها ... او هي ... لا سامح الله ... اجة حسين و جايب ابن خالها ... الزلمة فز من شافني بدءداشتي الملطخة بالدم و وضعيتي ... جان يكلي وينها ريم .... اختي وينها ....؟ كتله اهدى واكعد نسولف يا ولد الناس... كلي ش اسولف اختي وووين ؟ شبيها ريم ... شلون جتي هنا ...؟ كتله بصراخ وانه بعد ما اتحمل ... اكعد افهمك ... كعد و حجيتله ع الصار و انه بكلبي غصة شلون احجي على عرضي .. طبعاً حسين صرفته و بقينه وحدنه و ريم ما خليتها تكعد ويانه ....المهم ... ما صدك هو ... كتله رح اصيحها و اسألها بنفسك ... اجتي م**ورة و الدمعة بعينها ركض عليه تحضنه وانه جان اصيح ... قبل ما يحضنها ... هذااااا موش وكته ... وجان يباوعها مخروع كلها انت بخير ..؟ هزت راسها لا ....و هي تبچي ... كلها امشي نرجع بغداد ... كالت اي و اريد اشتكي ع هالسافل ... كتلها هم رجعنا للموضوع ... بوية يا شرطة و اهله نصهم بالشرطة ... انت واعية بوية..؟هنوب تعال فهم اثنين و انه روحي واصله للستار ... كتله انت موش زلمة ...؟ كال اي و شتريد لان زلمة اسكت ...كله شلون افهمك عشيرة راضي الحيوان هذول ناس اهل طلايب واختك ميهدوهة ... كعدت افهم بي وانه ريجي نشف... كلي يعني شلون اختي تظل هنا والله شنو انت تحميها ... وليش بالله تريد تحميها ... وعلى اي اساس ... كتله شوف يا ولد العم ... اختك رح اعقد عليها و تصير مرتي بس بالورق ... على ما افض سالفة هالطلابة و افك سراحها ...هي شهكت و جان دكووول شنووووووو؟ اتزوجك يعني ...؟الكاتبة دياناالبارت الخامس #قلب_الصخر البارت الخامس قلب الصخرصخر ....رفل ابن خالها صار عصبي ... و كلي ابوي شكله و من الكلام .. كتله انه رح اجازف و رح افصلهم و احجي باسمها و رح انسبها الي هاي موش سهلة... كالت لا لا هذا مو منطق شنو اني جاية احضر عرس صديقتي هنوب اتعرض لمحاولة اغتص... و جان اوكف كدامها و قاطعتها و نار جواية صارت حمم بركانية كتلها شششششش ما اسمع هاي الحجاية على ل**نج بعد افتهمتي ...... ريم ...ردت اموت الف موتة من عرض علينه حل الزواج ... لا و الاكثر موتني يكول رح اجازف و اقبل بيها و انطيها اسمي ... صدك شفت نفسي رخيصة من حجه هالحجي و كرهته هوااااية رغم هو انقذني من الموت ... ومن جبت طاري الا****ب ثار و صار واكف بوجهي يكلي اشششششش ما اسمع هاي الحجاية على ل**نج افتهمتي اني صدك ضجت هي فوكاها هذا شبي ... مدا افتهمه اشو ساعة وياية و ساعة علية .... اني من بعد الحادث حاسة باشمئزاز من نفسي و لعبانة روحي... الشيخ ورفل يتعاركون و اني مخنوكة و احس معدتي تريد تگلب تخوعت(العفو) كدامهم و صحت وين الحمام ...؟ ...هو اندار رأساً كلي شمالج ......؟لاحظت نظراته بيها خوف و اهتمام .. اشرتله بايدي اريد اتقيء (العفو..مي ورد على وجوهكم ) اشرلي ورحت ع السريع .... اتقيئت و تعبت ... هاي اني من اتقيء اتعب حيييييل .... وكعت بالكاع و ظليت اباوع ع الحايط اتذكر ذاك الحقير شلون لزمني و مد ايده ع بنطروني من فوك ... كمت اتهسترت و نفسي لعبت بالزايد كعدت ابجي واتوچيت بالحايط و وكفت جوة الدوش فتحت المي و صرت جوا افرك بهدومي بلا وعي ظناً مني رح يروح وسخ ذاك الحيوان ... افرك و ابجي ....هدومي ما نزعتهن هنه و علية افرك بيهن .... حرارة من اذني تطلع و وشة براسي ... خلتني ادوخ كعدت بالكاع و ظليت ابجي هم علي صار و هذا الحقير الي يسواه بيه .... و هم من كلام الشيخ الي كرهني نفسي و خلاني احسب الامور الي ان*دت علية فجأة ... ضاع مستقبلي ... ضاعت روحي ... راحت الواني و بهجتي .... شلون رح تشوفني العالم منا و جاي ... هذا الشيخ ... هو الي نقذني و صار الموقف گباله هيج حچه .....لعد الي ما شاف الموقف و من يسمع بيه شلووون ... ما رح يرحمني و ما يرحم شرفي ....اتن*دت و بحسرة حيل كعدت جوة الدوش و ظليت ابچي و بحرگة و حاظنة رجلي ادور الامان من رعب تفكيري ..... صخر ...اشو هالبنت طولت بالحمام و هذا اخوها موش زلمة معدل ... وجهة صفر ... و كاعد و يكول شأكل لبابا و شلون ماما .... ردت اگوم افرغ براكيني بي و اچوي بنار گلبي بلكن يتعدل و يصحى و يتعتبر ...... كل ثانية تمر و انه بگلبي نار تلهب و تحركني حرك ... كتله (و غصب عني )روح شوف خيتك اشو مالها حس....ركض للحمام و دك الباب وصاح ريييم ... فتحي الباب ... ريم فتحي ... وما جاوبت ... انه كمت الوب ... لو بايدي هذا اكفخه ...؟ موش اخ كفو .... يا اخ انت اللخ يا صخر ...؟ ظل يدك الباب و هي جوة بس تصرخ و تبجي بحرگة ... مشيت ع السريع و رحت دكيت الباب بقوة اكبر ... خفت عليها و بكل قوتي ض*بت الباب ... بچتفي .. مرة و مرتين و الاقوى بالثالثة و جان ا**رها .... انه رحت غاد و اخوها ظل واكف و بخوف يباوعلي ... اشرتله يدخل يشوفها ... هذا رح يسودني شلون وياه ... دخل و كلها ريم تعالي وياي ... امشي نطلع كافي تصرخين ... ما ردته ... انا تچتفت اتاني الوعد هذا المعدل شرح يسوي بس ظليت برة ما تجرأت ادخل ... و انه كل ثانية تمر يزيد عزمي على ان اتخذ القرار و انفذه و الليـــلة ..............