قلب الصخر

الحلقة الثانية

ريم ... الطريق كله اني و رفل مطلعين اغاني و واصفك و و اضحك ... و بعدين نمت و طلعت جبس اكلت و عصير شربت ... و خابرت سارة جانت بالصالون و اريد الطريق يخلص ماكو ...اي ادري وين رايحين لعبادان؟؟؟ كلت لرفل فدوة شنو القصة مدكولي شوكت نوصل ...كلي عيني ست ريم انت ردتي تجين للعرس و الي يريد الحلو يصبر على صخامه ...كتله اووي شكد عنيف هاي وانت العريس هم صديقك و وعدته تجي لعرسه بعد اني شنو تذبها براسي ... كلي لج ... اسكتي روحي لعبت اريد اوصل الطريق حيخليني امسلت فعوفيني احسن خلي مزاجج برتقالي ليتعكر وراج اووي و ااي ترة هذولة لا عبالج عرس بغداد و نادي الصيد و العلوية ... دا اكلج و انطيج مقدمات والله اذا شفتج تتعيقلين و تشيلين خشمج ع الناس والله اعوفج و ارجع لان اني اعرفج كله اوووي و اوووي وهذا شنو و اووع شياكلون اكلي و عيب دكولين ما اريد اكل .. وجبي الزاد و عيب تسوين حركاتج المعهودة تشمين الخاشوگة قبل متاكلين و تنفضين القنفة قبل متكعدين و من هالحركات الانفة ....عيب عيني هذولة ناس اهل اصول و واجب تقدريهم يحطوج على راسهم .... متقدرين .... جان يسكت ...اني طول ما يحجي اني صافنه على حلكه و دا اتخايل شرح اشوف... هاااي اني نسيت ... روحي ... اني اتخبل من الكعدة بالكاع ومن اطلع لبيت غريب بيه عادة شيجيبولي اشمه ياله احطه بحلكي وامي دائماً تحجي عليه ... واذا لزمني احد اروح اغسل عزة شلون ،،،؟ ياله هو يوم و يعدي .... عفته و طلعت موبايلي افيس ... اي لعد شعندي الطريق ممل و تعبت من هالكد اباوع من الجامة سويت چيكنغ و كلت للعمارة اتوجه و الطريق الزين كتله رفل ... كال هااا ... كتله اذا ما اوجب شيسون بيه ...؟ كلي ريم وجبي و بس ... كافي تلغين ... كتله رفل ... انت شبيك اليوم اشو بس ترزل بيه ... باوعلي صفح واندار هناك ورة شوية و جان تعتعت السيارة و وكفت ....عززززززة كتله صخام رفل احنه ب***ة ... شلون عفية ... امي نهت اطلع واني اعرفها لامي من تنهي على شي ... ميصير لو يجي الريل ....هسة شلون بالله يعني هنا نبات ...جان يكولي بسسسسسس شبيج بالعة مسجل خليني اشوف هالورطة... هم طريق خارجي و هم حارة و هم حظرتج تلغين براسي و هنوب تعطل السيارة .... اني سكتت كلت خلي احترم نفسي هذا اليوم مخبل ... نزل و فتح البنيد و ما ادري شيبحوش ... يسوي نفسه عليم ... كمت اضحك على منظره مطربس عرك و قميصه صار الوان من الدهن و الليصة و كلساع ينزل راسه ينام بالمحرك و يچقجق و يطلعه خخخخخ وهو درنفيس العدل من المربع ميعرف ظلينه ع هالوضع ربع ساعه اني ادري بروحي ما طول هذا وجه الچوب جاي ويايه اذن ما راح اتهنى ... نزلت احجي وياه بس بكل هدوء و وجهي المبوم عفته لان هذا هسة يفضحني اذا صار عصبي كتله ها بشر ..كلي ماكو مدتصير ... هذا البت الاعوج مال حضرتج ... كاعدة وتسوين جيك اب بالفيس و كل العالم عرفت مولين عدنه عزة مو عرس ... كتله بعصبية اوووي اسم الله شبيك ... اصبر هسة نوكف سيارة و نسال ... والله جتي سيارة لاند كروز عالية بس حمل ... سودا وكفتلنه و جان ينزل صاحبهة ... ولد شاب حلووو اسمر و ضخم بس هذا شبي معبس ولابس لبس خليجي هههه هذا اول معلم من معالم العمارة الي رح اتونس بيها و لابس حزام مال سلاح ... ياااا هاي شنو شرطي هذا ولابس زي دشداشة ؟؟؟ ما اعرف المهم كال تعالوا اني اود*كم لبيت العريس ... اني بلا شعور صفگت و صحت هييييييه وصلنا .... و جان هذا الرجال و رفل يباوعون علية بنظره خلوني انزل راسي و اسكت ... المهم كال صعدوا و اني اود*كم ... بس هذا الرجال منزل عينه من عليه و هنوب من صعدنه عدل المراية و ظل كلساع شايل راسه يخمني ... والله ردت اكوله هيييي كافي لعبت نفسي والله ... بس تذكرت حجي رفل ويايه قبل شوية ... سكتت بس اني كل ما اشوفه يباوعلي اخزرهبلكي يبطل ... ماكو ... جان اسمعه يسال رفل ... كله انتو كرايب العروس اكيد..؟ كله رفل اي تقريباً ... العروس صديقة اختي والعريس صديقي ... صخر ....من صعدتهم بالسيارة انه ما مصدك لگيت ظالتي ... هاي بنت عمي جاسم ... معقولة الفرحة جواي متنوصف ... انه مجنت ادري غير قبل سنتين انه فطيم مرت عمي ما سقطت و مين دريت من صبرية ... صبرية جانت مريضة و مواجهة الموت ... دزت عليه ... كلتلي شيخ ترة ظنه عمك جاسم ما سقطته بهذا اليوم ... شيخ سلمان الله يرحمه جان رايد اسقطه ... بس انه نقذته و عفته ببطن فطيم مكرودة جانت خايفة ...وهسة تدري اذا ولد فهو تلكي صاير شاب و اذا بنية هم شابة لحك و دور على دمك وين ... انه ادري باهل فطيم ناس معدلة و محترمين ... بس يا ابني الوكت حامض ... لا تعوف دمك يمة ... انه بوكتها انشدهت ... ظليت اض*ب اخماس باسداس ... معقولة ظنه عمي عايش و كل هالسنين ... معقولة ... زين شلون رح الكاه ... اااخ يا يومة شوفي ربج يريد يخلي عايش غصباً عن ارادتج و سلطتج ... و ظليت ادور علما بغداد ع خبر يجمعني بظنه عمي يعني مفروض جان عمره او عمرها ... ١٦ سنة لكيت الاثر بمساعدة صديقي مقدم حسام ... و جنت اتمنى يطلع ظنه عمي ولد وما اشيل همه ... بس خابت مناي و طلعت بنية ... مرة اخذني و رحنه بسكوت شفناها طالعة ويه حبوبتها ام فطيم ... سمرة بس مو كلش هاي شايلة دمنه بس عيونها كبار و بيهن لون عسلي ... هاي شايلة عيون امها... بس الي ما عجبني جانت ملابسة ربطة مو محجبة ... والله بوكتها ردت انزل ابوكها و انه اعدلها و اربيها تربات الشيوخ لبناتهم ... انه ما اتهم اهل فطيم انهم ما ربوها زين ... بس انه ظليت اكل بكلبي شلون رح اعرف شلون تربت ... وشسويت كل هالسنين و باسم منو تسجلت ... يا رب قويني حتى ارجعلها اسمها و حقها ... بس على غفلة و قبل ما اروح اكول لخالها ينطينباها اوديها لابوها شالوا بيت جدها و ضاعت مني مرة اخرى ... عرفت انها يم خالها باربيل و هناك عايشة وياه وتجي احياناً هنا لبغداد بس بالصيف يم حبوبتها ... و فطيم موجودة بس تسودنت المرة ما تندل دربها ... و ظليت ادور ومالكيتها و عفت الموضوع سنتين لان ابتلشت بامور العشيرة بس اني شبه مطمئن لان الي عرفته خالها رباها و سجلها باسمه بس بقة كلبي ما مرتاح لان تربت وية ولد خالها ... وهذولة زلم سامر ازغر مني بست سنوات يعني هسة هو ٣٠ سنه و رفل هذا الي وياها هسة عمره ٢٠ شلون بيه انه بنت عمي تعيش وي الغرب لا كافي سكوت لازم الكة حل ... هاي هيانهة و جتي بايدي بس خلي افكر شلون ... ظليت اباوع الها بالمراية و دمي يفور عرضي سنين ما ندري عنها ...؟ اااخ يا يمه شسويتي بينا ... وصلنا للبيت و انه نسيت اصلاً عدنه طركاعه بالبيت ...هسة وكته هذا عقيل .... بس لا لوما زواج عقيل جان ما لكينه بنت عمنه ... نزلنا و انه ما وكعت عيني من عليها ... موش نظرة رجال لمرة و رايد منهة حب و هالخريط .... لا ... نظرة واحد مضيع حاجة و لكاها ... نظرة انتماء ... هذه بنت عمي الي الهة حق بابوها جاسم و الهة حق باسم جدها سلمان وهي بنت شيوخ شلون ما تعرف بحالها .. هاي دمي و عرضي ... الكاع جواي ديزلزل شلون اعوف عرضي بين الاغراب ... شلون بعد اغفى واكو احد مضيع عندي حساب...هي جانت فرحانه هواي ظاهر مرت اخوي العروس كلش صديقتها .. تلكاني حسين و كله ها شيخ حمدلله ع السلامة ... هي ظلت صافنة علي ... كتله حسين ودي ا****عة لبيت عم العروس ... كلي صار شيخ ... و اخذها و ابن خالها وياها يوصلها مشي لان مو بعيد ويرجع كلت لابن خالها انت عود تعال حلل وارتاح هنا ... كال اي ان شاءالله ... انه متت اعصابي تريد تنفجر ... انه اوصي احد على عرضي و اخلي بيد الاغراب ... انه صخر هيج يصير بحالي ...خفت عليها من الدرب .. متزينة و حلوة و حركاتها تجذب الصراحة و هنا ياكلوها اكل ... جان اصيح وهمه بعدهم يمشون ... حسين ... اجاني ركض كتله بالسيارة اخذهم ... لا مشي ترحون ... كلي هسة نوصل شيخ ماله داعي ... كمت اعيط بلاية شعور دا اكلك بالسيارة ع السريع ... من شوكت تعصي اوامري..؟ حسين بهت و كلي صار شيخ ..ريم ..وصلنه وبعد عناء طويل .. هذا الولد الوصلنه طلع شيخ ... سمعت واحد يكوله ( حمدلله ع السلامة شيخ ...)تعجبت اشو صغير مو لازم الشيخ يصير جبير ... كله وصلهم اشو احنه دنمشي و اصلاً كال البيت مو بعيد كام يعيط و يهرج يكله بالسيارة لا مشي ... يبووو هم رح اصعد سيارة خلينه نتمشى ... هذا هم عصبي يبووو اني ناقصة خبولة شطلعت هاي رفل اليوم حلمان حلم وكاعد ميتحجه و هذا هنوب يعيط ... هو مبين مينجرع من حواجبه العاكدهة ... الله يساعد الي عايش وياه ... اوي شعليه ... العندي يكفي و زايد رفل يومية يكعد شخص جديد ما شاءالله اليوم صاير سنفور غضبان على حظي بيوم السفر للعرس المهم .. صعدنه بالسيارة و رحنه .. طبيت لبيت عم سارة و رفل رجع لبيت الشيخ لان الشيخ طلع اخو عقيلادري سارة شبيهة ملكوفة صح هي و عقيل علاقة حب هاي السنة الراحت كلها بس مو هيج توكعين هالوكعه الله يساعدها رح دكابل هذا الوحش ... يااااي يصير حماها ... كومة ناس بالبيت .. وعرفت من النعل و الشحاطات بباب الهول ... لجميع فئات الشعب صغار و كبار ...نسائي ورجالي و بناتي ...شلون رح اطب جوة يا رب و هالجمع الغفير عدهم ..؟ دكيت الباب وهو جان مفتوح بس استحيت افوت ... طلعلي جاهل كلي دخلي احنه عدنه عرسكتله اي ادري هاي صديقتي العروس ... راح ركض وعافني ...اني من هسة بدت عندي الحالة نفسي تلعب و كلشي ما اكدر الزم ... بس تذكرت حجاية رفل من كلي لا تتعيقلين ... ترة هنا ميصير ... وجان تجي بنية ازغر مني و كالت تفضلي دخلي و دخلتني للهول اشرتلي ع الكرويته اكعد فاني تلقائياً دا انفض الچرچف جان دكولي والله هسة منظفين مابي شي... اني نزلت ايدي ع السريع و ابتسمت كتلها انت بت عم سارة ... شسوي اريد اغير موضوع خاف احرجتها كالت اي ... كلتلي انت من بغداد ..؟ كتلهة اني من بغداد ... كالت سارة راحت للصالون شوية و تجي ... اباوع ع الساعة صارت ب الوحدة ... هسة تجي شنو ؟؟؟ كتلها شلون تجي ليش العرس ساعة بيش ؟ كالت يجون الزفافة لهنا ب ٣ بين ما يروحون و يكعدون هناك ينصبون العرس من المغرب لليل .. كتلها هااا كتلها الصالون اهنا بالمنطقة ...؟ كالت اي ... كتلهة وديني عليه حبابة كالت اي امشينه ... كمت طلعت وياها و مشيته المنطقة جانت قرية و كولش حلوة بيها زرع و بيها خضار و اكو هيج مثل البحيرة ما اعرف شاسمهاياخذون منها مي و تشرب الح*****ت منهة .. كمت اباوع باعجاب المنظر شدني لا اكو سيارت و لا شي ... هدوووء ... حسيت اكو احد ديمشي ورانه ... غلست و ما انداريت ... اني جنت لابسة فستان طويل و جواه بنطرون ستريج لان الافندي رفل شرط هيج ..البنية تمشي قبلي و اني وراها .. ما اسمع غير ..( الحلو شنو متيه ..لو ملاك و كع من السما ) اني منداريت كلت هنا اكو هم تصاچيماممم عظيم .. غلست بس صار هو كووولش قريب عليه و جان على غفلة يجر ايدي و يديرني عليه ... اني متحملت كتله هيييي وخر ايدك و بعصبية ... كلي لا تسوين روحج شريفة ... ليش ما مبين انت ت**ي... واني عبرية فضيها عاد ... الحجي مالته كزبر جلدي و نفسي لعبت من خلقته وسخ و شواربه شثخنها ... و ضخم يلعب النفسي كتله وخر عني احسنلك ... رد جرني ... اباوع يمنة و يسرة اشو البنية اختفت ... و ماكو عالم بالشارع لان ظهرية جانت بالوحدة جرني للزرع واني ارجف بس بكل قوتي ادفع بي ماكو الخوف كتلني لان طببني بحقل وبي زرع عالي وكمت اصيح و جان يلزمني من حلكي ... و نطاني راشديو كفخات زوركني كتل ما حسيت بالم الكتل بكد ما حسيت بالم الشرف .. شرفي حيضيع مني على ايد هالحيوان .. جان يكلي لج اسكتي احسنلج ... اني حرت شلون اخلي يهدني ... وكعني بالكع و نام فوگاية و نزعني شالي و شد بي حلكي واني بايدي الاثنين ادفع و كتم انفاسي وزنه ضخم و كاعد علية وثوبي بي دكم من فوك كطعها كلها و نزل للبنطرون ديفتحه و اني ابحث برجلي و ايدي و هو صار شكله مثل الحيوان يلهث و يباوع عليه و متلذذ بخوفي لزمني من رجلي و يمسح بايده عليها و صعد بيها فوووك واني تخبلت ... ادور بايدي بالتراب بلكي الكة حجارة و جان صدك الكي و شلته و حيل جان اض*به بيها ... و طلعت الدماية ليصتني كمت اتخوع و الشال بحلكي و خرت بايدي و عيطت وجان ما اشوف الا وينشال هذا الحيوان من علية بشيلة وحدة و لكيت واحد يض*ب بي بو**ات و كتل و خلاه مزورك ... اني كمت اون من التعبو اصرخ بدون وعي ... اني جان متت قبل شوية شهكت حييل لما شفت الواكف هذا الشيخ اخو عقيل و صاير كبرة نار و جان يطلع مسدسه و حطه براس هذا الحيوان و سحب اقسام بعد ما نكض كتل ... بس اني مو واعية متهسترة من الخوف بس سمعت جملة استغربت الها ... كله ولك تدنه لعرضي يا حقييير ..... وجان د*كتله بس اني عيطت و تخبلت رح يكتله كدامي ... صيحت بعلو صوتي لا لا لا لااااااا عفية ... اتهسترت **يت اذني وظليت انود و اعيط منظري مثل الممثلات بافلام الرعي مكفشة و هدومي مشككة و عيني من الفزع جامدة و طالعة من مكانها و بس اصرخ ظليت على هالحالة هواية بدون وعي ...اجة يمي يهز بيه بخوف كلي ريم ... ريم ... ما اكتله والله ... ريم بسسج عاد تصرخين ... لا تخافين اني هنا ... ريم و جان بعد ما احس فقدت الوعي بين ايده ...............الكاتبة ديانا#قلب_الصخر وهذا البارت الرابعصخر .... اريد اوضح شغلة بل**ني للمتابعين الكرام ... انه بنت عمي شعوري امامها شعور مسؤلية و بس يعني احسها اختي الزغيرة و مسؤولة مني ...و الي يحزنها يحزني .. و الي يفرحها يفرحني ... و انه بطبعي صاحب غيرة طاغية و معروف علي الغريب اذا ينخاني انزع عباتي و اعطي اله ... زين واذا المحتاجة رعاية ...لحمها لحمي و دمها دمي ما رح اعوفها ابد .. قبل الحادث بقليلعفت البيت و صعدت بسيارتي و لوين ما ادري المهم ابتعد بتفكيري عن البيت و دوشته ... اريد بنت عمي ترجع لبيتها و اصلها و تعرف منو ابوها و منو عشيرتها ... بس بنفس الوكت ما اريد احد يعرف هاي بنت عمي هسة حتى هي لان ما اضمن شنو ردة فعلها للموضوع لان صعب بعد كل هالسنين العايشتهة وية ناس و تعرف ابوها فلان اجي اصدمها اكولها انت بنت فلان و هذاك مو ابوج و فطيم امج الي مسودنه و متعرف راسهة من رجلها ... لا لا صخر اتريث ... واني و امشي بالسيارة شفت راضي ابن حجي ناجي طب للزرع و ديشحط ب..... مرة هذا عاقل ...اخذتني الحمية و نار اشتعلت بص*ري و صرت ما اندل دربي.... ببالي بس هالحيوان ردت اكطعه بيدي عديم الناموس و الغيرة نزلت من السيارة و ركضت وراه و بين الزرع جان يوكف كلبي هاي.... رييييييييم بنت عمي جاسم .... ولك وخررررررر غااااد لا اموتنك و علي.... لا اسويك عبرة ... وجان اشيلة بايدي هالحيوان الساقط و الدنية سودت بوجهي و ما اعرف شلون صبرت و ما كليته ... و ذبيتة جوة رجلي و طحنته طحن انه صخر ابن جبار ابن شيخ سلمان الكل تعرفني ما احب اظلم و الحگ دوم بچفي بس من يوصل للعرض لا بعد ما اوكف و اسمع من واحد تدنى لعرضي .....و چمالة اسمعها هي تستنجد و تعيط و تصرخ.... الم شرف مو الم جسد .... و دك بو**ات و دك جلاليق و انواع الض*ب و انه بكلبي نار تستعر ... مشفت بعيني غير بس هالحيوان دميته و شبعت كتل ونهضت ع السريع و جان اجر سلاحي و احطه براسه وهو ساكت ما فتح حلكه مصبوغ وجهه دم نجس... اشوف ريم اتهسرت بچي و حاطة ايدها على اذانها و تصرخ بدون وعي اباوع هدومها مشلعه و شعرها منثور و حالتها حاله ... هنوب زادت وضعية صراخها ...و حالتها تبچي الكافر تكلي لا عفية ... اني ركضت ليمهة و ذبيت السلاح على صفحة و كتلها ريم ... رييم بسسسج عاد تصرخين لا تخااافين انه هنا .... و ما كملت جملتي و جان تخرب بين دياتي ... درت وجهي و جان اشوف هذا الچلب مهزوم ... الجبان خل يصبر .... اذا ما كلبت عشيرته كلاب انه موش صخر ......شلت ريم و ركضت بيها للسيارة حطيتها ع الكشن الورة و مشيت بالسيارة ع السريع ... انه اسوق و بكلبي نار تسعر ... اض*ب بايدي ع السترين حيييل و لو بيدي اطير بالسيارة ... وكل ثانية اندار اشوفنها بلكن تصحى ... و وصلت لبيتي ... انه صح عايش وي هلي بيت جدي سلمان بس عندي بيت الي وحدي ... انزوي بي لمن اتضايق او افكر بشغلة اجي لهنا ... ارتاح للوحدة و الهدوء ... لفيتها ببشتي لان جسمها طالع منه هواية ... اااااخ يالنذل ... ما فوتها لا الك و لا لهلك .... و شلتها بين ايدي و طبيت غافية چنهة طفلة .. هي صح طويلة بس نايمة بايدي جنهة عصفور ... زين هاي شلون اكعدها ...؟ نزلتها بهداوة ع السرير و طلعت رأسةً من الغرفه ... دكيت على حسين ... كتله هسة تجي وتجيب وياك ضيف بغداد صديق عقيل ... انه ببيتي ... كلي تامر ... و رجعت للغرفة لكيتها هستوهة كاعدة و دتبجي و كايمة من مكانها خايفة و مرعوبة ... انه صديت وجهي عنها كتلها ...:تحشمي ... و ع السريع لفت جسمها و شعرها بالبشت و ظلت تبجي و تشهنك ... كالت اريد اخوية ...اريد رفل ... اني ليش هنا ... و انت شلون جبتني هنا ... طلعني من هنا ..اريد ارجع لبغداد ... عصرني گلبي حيييل تتوچة بالغريب وانه اقرب الهة ما توچت بيه ... انه لسا داير وجهي ما باوعتلها ... كتلها يا بت الناس .. لا تخافين انه وياج مو عليج ... جان تكطع حجايتي بعيطه ... قتلته ...؟؟؟؟؟؟؟ريم ... بعد ما فزيت و لكيت روحي نايمة بغرفة و ع سرير ... فركت عيني و كلت اني وين ...؟ اجة .. الشيخ الي نقذني قبل شوي .... الي صار قبل شوية مو قليل اني مرعوبة و كرهت هالمكان ... بس اريد اطلع من هنا .... كلي بصوت خشن و قاسي ...تحشمي ... شكد كرهت نفسي بهاللحظة حسيت روحي اكل فاسد و ديغطوه حتى يذبوه بالزبالة ... شفت عباية رجاليةع السرير جنت قبل شوية متغطية بيها .. حطيتها على راسي و لفيت جسمي زين حسيت العباية رح تستر ذاكرتي و تغطيها و تنسيني الي صار ... شفت دشداشته مليانه دم ...: جان اكله بعياط و نسيت نفسي .قتلته ...:؟؟؟؟؟؟؟؟ كلي بعصبية لا مع الاسف ... بس بعده ميباوعلي بس ليش هالرجال دا احس فد راحة من احجي وياه ... ما اعرف و دا احسه اسد ثاير على هذاك الحيوان خوفاً علي مو لغير قصد ... كتله الله عليك قتلته واني صرت ابجي و اعيط اكثر و جان يعيط بعصبية مرعبة و عينه صارت بعيني .... انه ما چذب يا بنت الناس ... شمالچ تدافعين لهذاك الحيوان و خايفة عليه ... هو مو بس يستحق الموت ... و يستحق ان اعلكه بعمود بنص القرية حتى يكون عبرة .... اني من صارت عيونه بعيني ... حسيت بامان و عيونه بيهة كلاام و صدك رجال و اخو خيته فشلت من سألت هالسؤال ... سكتت و نزلت عيني و بقيت ابچي كتله .. اريد ارجع بغداد ... ما اريد ابقة .. بس دبرلي هدوم و كمل زينك وياية ... حتى اطلع ... وشكراً ع السويته .... صخر ...انه مشتعل بنار و ايدي تحكني اريد اقتل هالحيون العار ع الزلم .. وهي تسألني ...قتلته ...؟ و الله موش بس اريدن اقتله ... لا هذا قليل بحقه ... اريدن اصلبه بنص القرية ... حتى يكون عبرة لغيره ... بيني و بين عائلته مشاكل قديمة من ايام جدي سلمان الوحش ... و الله يرحمه جدي جان شديد بوكتها بتعامله و ي الناس و ابو هالعار جان عامل عند جدي و مرة باك من عندنه و عشيرته ناس همج ما تخاف الله ....من جدي حاسبه بوكتها و عاقبه ...وجان عقابه شديد بذاك الوكت وصلت لبتر ايده ... كاموا عشيرته اتبلوا على جدي ... و انه ابنهم بري وما باك و دبروا شهود زور اثنين و رادوا يوكعون جدي و صارت طلابه شكبرها و ما انسد الموضوع الا سنين ... اخذت من عدنه فلوس هواي و خساير بالكيعان لان كاموا عشيرته يحركون المحصول غفلاوي للانتقام ... فالوضع الي صار هسة رح يهيج جراح قديمة و رح تكون ريم بخطر و موش بصالحها ان تبتعد عن عشيرتها لازم تكون تحت جنحان العشيرة ... انه و رجالي نحرك الدنيه و نكلب عاليها واطيها لو انمست شعرة من راسها ...الغشيمة تشكرني ... ولج انه لو بايدي اكل اوادم هسا ... ( كلت بگلبي)كتلها ... هدي و لازم نحجي بجديه ... الامور ما انتهت لهنا و ممكن تتعرضين للخطر اذا رجعتي لبغداد ...جان تفز و تعيط و عينها حومرت ...: شنوووو ؟ شتقصد؟ ما اكدر ارجع لبغداد ليييش..؟ كتلها .. انت شو ما تهابين الاكبر منج ..؟ شو تردين الچلمة بعشر .... الي تعرضتيله قبل شوي ما خلص كمت اصرخ وراچ هله و عشيرته ...كالت بصوت مخنوگ بعبرة .. ابنهم سافل شنو اني شسويتله وبعدين اني بس اطلع منا اروح للشرطة و افتح محظر و اشتكي ... انه صدك ضحكتني و ضحكت باستهزاء ... كتلها ياااهو؟ ...بعد عمج ؟ شرطة؟ انت صدك غشيمة .. بهالاثناء اجتني فكرة ... هالبنية ما هدهة لو على كص رگبتي ... اولاً انه ما صدكت لگيتها و ثانياً ... ما رح يتركوها ولد ناجي ع السويته براضي الحقير و اعرفهم طلايبهم ما تفض ... كلت بكلبي اصير واليها و انه اواجه بيت راضي هذا حل يفيد الحالتين هم هتحمل اسم عايلتها و هم رح تكون وياي بامان ... يعني اعقد عليها ... بس ع الورق لبين ما تفض هالطلابة و وراها اواجهها و اكلها الحقيقة الغافلة عنها و اطلق سراحها .... بس هذه شلون رح ترضى ... لازم اتأنى و افهمها هذول موش خوش ناس ممكن يقتلون احد افراد عايلتها ... او هي ... لا سامح الله ... اجة حسين و جايب ابن خالها ... الزلمة فز من شافني بدءداشتي الملطخة بالدم و وضعيتي ... جان يكلي وينها ريم .... اختي وينها ....؟ كتله اهدى واكعد نسولف يا ولد الناس... كلي ش اسولف اختي وووين ؟ شبيها ريم ... شلون جتي هنا ...؟ كتله بصراخ وانه بعد ما اتحمل ... اكعد افهمك ... كعد و حجيتله ع الصار و انه بكلبي غصة شلون احجي على عرضي .. طبعاً حسين صرفته و بقينه وحدنه و ريم ما خليتها تكعد ويانه ....المهم ... ما صدك هو ... كتله رح اصيحها و اسألها بنفسك ... اجتي م**ورة و الدمعة بعينها ركض عليه تحضنه وانه جان اصيح ... قبل ما يحضنها ... هذااااا موش وكته ... وجان يباوعها مخروع كلها انت بخير ..؟ هزت راسها لا ....و هي تبچي ... كلها امشي نرجع بغداد ... كالت اي و اريد اشتكي ع هالسافل ... كتلها هم رجعنا للموضوع ... بوية يا شرطة و اهله نصهم بالشرطة ... انت واعية بوية..؟هنوب تعال فهم اثنين و انه روحي واصله للستار ... كتله انت موش زلمة ...؟ كال اي و شتريد لان زلمة اسكت ...كله شلون افهمك عشيرة راضي الحيوان هذول ناس اهل طلايب واختك ميهدوهة ... كعدت افهم بي وانه ريجي نشف... كلي يعني شلون اختي تظل هنا والله شنو انت تحميها ... وليش بالله تريد تحميها ... وعلى اي اساس ... كتله شوف يا ولد العم ... اختك رح اعقد عليها و تصير مرتي بس بالورق ... على ما افض سالفة هالطلابة و افك سراحها ...هي شهكت و جان دكووول شنووووووو؟ اتزوجك يعني ...؟