قلب الصخر

الحلقة الحادية عشر

صخر .... (يتكلم بقلبه )انه حساباتي طلعت صح ... و تاكدت منها امي الها يد و جبيرة باختفاء ريم ... بس ما اكشف هذا الشي و ما احسسها جاريتها و رح اجاريها الى ان اعرف منو وياها ... وهذ الاغم يعرف شي لان تخوف يجي وياي ... بس گلبي ما رايد يهدا احس ريم بخطر .. التاخير موش بصالحي .. وهذا ابو البانزين نطاني خيط جبير ... انه اتقصدت اساله كدام حسين لان انه سبق و سألته ... و شفت ملامح حسين تغيرت ... صخر ..: حسين .. انت ليش اخذت صورة لريم و لابن خالها .. شنو ما انصدمت من وكفتهم سوى ... شلون اجة ببالك تضملي دليل .. حسين و بتلعثم ..: ااا .. مو ... صخر (وبنظرات قاتلة من خلف المقود):: مو شنووووو يا حسين... انطق ... حسين و بخوف ..: انه ... شيخ ... انه تهددت و ما كدرت اعصي الهددني ... وگفت السيارة و بقوة وراسه اترطم بالجامة ... ولك انه ... انه تضحك علي ... حسين امي الها علاقة بالموضوع ...؟ حسين ..: لا لا عمتي ما الها علاقة ...صخر ... : بس يالاغم امي عرفت ريم بنت عمي ... و اليوم اعترفت بس انه ما نفهتلها و كتلها مين عرفتي ... تعرف ليييش ...؟ حسين و بدا يرتجف و انعقد ل**نه ... ..: لا ما .. ا ..عرفصخر و هجمت عليه من ياخته و خنگته حيييل ... لان انت يالموش زلمة حچيتلها ... انت يالحرمة بين الزلم رحت و نطيتها سري ... انه ما راح اموتنك ... ولو انت تستحق الموت ... بس لازم اولاً تعترف .. وينها ريم .. و سالفة التهم بالاعراض هاي ما مشت علي كعدت و حسبتها عدل طلعت مدبرة و واضحة مثل الشمس .. يالمرة ... يالمخنث ريم ووووووين ... صرخت بوجهة و وهديته بعد ما عينه رادت تطلع لان خانگة بكل قوتي ....گلي اگولك والله ... بس انطيني مجال اتنفس ...كتله و عساك لا شميته للنفس انه ... انه ياحسين تلعب وياي ... حسابك مو هسة حسابك بعدين ... هسة احجيلي و بالتفصيل وين ريم ... حسين ..: رح احجي بس انه اعرف انه غدرت بيك .. بس عمتي هددتني ..و انه خفت على عايلتي .. صخر ..؛ انه مقصر فد يوم وياك .. انت ابن خالي و حسبتك ايدي اليمنه و من زمان وياي .. و كل اموراتي انت ادرى بيها ... و تاليتهة يالمرة هيج تسوي ... انت موش رجال انت مرة ... و الا اعلنها هاي و كل القرية تعرف حسين ابن صادق موش رجال و خان شيخه ... وتصير عبره للكل يا الحقير .. حسين و بدات تنزل دموعه ..: انه يا شيخ استحق هذا ... و انت حر شلون تعاقبني ... صخر و بصراخ ..؛ احجي ريم وين ..؟حسين ..: ان تعرف جماعة قاسم النفاط ... عدهم معرفة بناس ...... و سكت صخر و بدات روحي تحترگ لا يالاجرب مرتي وين ..: و صرخت حيييل .. حسين كمل لان يمكن رح اعفسك بايدي ... منو هالناس الي اتوچيت بيهم و علمتهم على مريت صخر يالسافل ..حسين ..: ناس تخ*ف بقرية بعيدة عن هنا ... عمتي نطتني فلوس انطيهم حتى يخ*فون سامر و ريم و بعدين ..... جان يسكت صخر ..: ليش سكتت كمل ... وبعدين يكتلوهم مووووو ؟ حسين هز راسه اي ... و جان بكل قوتي شلت ايدي و بلا وعي نطيته راشدي طلعت دم خشمه ..... وجان اسأله ... سامر شلون اجة لهنا ... شنهية اللعبة الي جبتوا بيها ... ؟حسين ... ::انه خابرته و كتله تعال .. ريم متخربطة ... و عمتي كلتلها هي ... بنت غالب و ابراهيم موش ابوها وامها فطيم ... انهزمت من البيت و تلاكت وي ابن خالها و خذاها و مشه ...صخر ..: و نطيته راشدي ثاني بس هالمرة ض*ب راسه بالجامه و الدم من صفحة راسه .. كتله ولك انه لو احركك هسة ما ينشفي غليلي ... لو اترس جسمك طلقات ما ارتاح ... لك انه مرتي بيد النفاطة و السلابة ... لك مره تسمع كلام نسوان .. انه امنت بيك و امنتك على عرضي ... يالسافل ... كمت ما اباوع بعيني تنفسي انحبس .. ما جنت متوقع كل هذا ... مو لهالدرجة امي و شر اعمالها ... و حسين و خيانته ... انه من ورة هالساقط شكيت بريم ... انه مرتي ضاعت ...نزلت من السيارة ... و صرت كبرة نار ما يطفيها كل انهار العالم ... روحي انصهرت بنار الخوف ... الوب رايح جاي و هذا حسي مدا اصبر على وجوده وياي ... انه ي**نني ... انه يلعب باعصابي ... انه يعلم على عرضي ... اتخبلت و مل الحنون ركب راسي ... و اجتني فكرة اروح لقاسم النفاط ...صعدت السيارة .. و كتله انت ما كليت كل حسابك بس بالاول خلي اامن على ريم و الكاها و بعدها عندك حساب يمي ثكيييل يالساقط ...يالمعندك خيط ناموسو انطلقت متوجه لمكان قاسم النفاط .. وصلت منطقة شبه مهجورة بيها بيوت قليلة و سيارات حمل هواية ... نزلت يم بيته اني اعرفه .. واندله .. دكيت الباب .. و جان يطلعلي كتله تعال ... كلي هلا بالشيخ و يتبلعم و خايف ... جريته من ياخته كتله هسة دكولي منو الناس الي سلطتهم على سيارة ضيف بغداد الي جان نازل يمي ... كلي اصبر شيخ هاي شتقصد انه مدا افهم... يا ناس ... شنو السالفة .. كتله تنطق لو ... جان اسحب سلاحي و احطه براسه كتله هسة افرغه براسك احجي ... جان يكول انه بشاربك ... رح احجي واكلك بس نزله لهذا ... انه عندي عايلة و ايتام برگبتي .. كتله ايتام تتراقص على جراحهم بس توكلهم مال حرام مو .. وجان يكول اسم ا****عه و دلاني بيتهم ... و صعدت السيارة راساً و طرت بيها للمكان الكال عليه ....رقية ...بعد ما كتلني اخوية و اجا تليفون هو الي خلصني من الض*ب .. لوما النليفون جان بعده هسة د*كتل بيه ... طلب مني هالولد اطلع اجيب موبايله حتى اساعده و يساعدني .. و يخلصني منا ... طلعت والدوخة لازمتني و الام بظهري و اوجاع ببطني و برودة بجسمي سرت ... بالكوة لكيت الموبايل و طبيت نطيتهيا و الدوخة لازمتني دك على رقم ....و سالتي على اسم منطقتنا .. جاوبته و ما حسيت بروحي وكعت ......... سامر ... رقية جابتلي التليفون و كلت المن اخابر ابوية باربيل و رفل هم .. خلي ادك على صخر و غصباً علية دكيت لان هو ابن المنطقة و يعرف ناسها .. مو وكت ابيع كبرياء حتى ن**ب وقت و نلكي ريم ... طلبت رقمه و انتظرته يرد .. سامر .. الوووووصخر ..: الوو سامر ..؟ ريم وووين ؟سامر ...: صخر اني بمنطقة ( ...) بس ريم مو يمي ... صخر ...: تعرفت على الخاطفيك ... سامر ..: ااااي عرفتهم اسرع صخر ... ريم ما اعرف وووين لازم نلكاها ....صخر ...: انه بالطريق ...صخر ....سديت التليفون و المنطقة الكال عليها مو بعيدة ... ١٠ دقايق و نوصل ... وصلت و دكيت على سامر كتله البيت وصفلياه انه وصلت... وصفلي البيت و لكيت سيارته بباب البيت ... بس قبل ما انزل اجة واحد و فات للبيت انه كلت اي وصلت لريم ...نزلت و لزمت سلاحي وهذا الاغم عفته بالسيارة ... دخلت على كيفي للبيت و موجه السلاح صوب الامام ... وجان اسمع حركة متوجهة علي و جان يطلع نفس الزلمة الفات و من شافني طلع سلاحه و وجهة علي ... و صرنا وجه بوجه كتله نزل سلاحك و لا تتبارى وياي لانك موش كدها ... گلي انت منو و شرايد ..؟ كتله انه شيخ عشيرة (..) ورح اسويك وذر لو ما دليتني حرمتي وين ... كلي ما اعرف شدتحجي نزل سلاحك و روح منا احسنلك ... لان انت متريد نأذيك .. و بلحضة ضعف هو و انه انقضيت عليه و اتلاويت وياه ردت اخذ السلاح ... و هو بيده ... ذبيت سلاحي غصباً عني و ..........سامر ...سمعت برة اكو هوسة و حجي رياجيل هاي البنية واگعة ما حاسة بروحهة و دتنزف ملابسها كلها دم ... كمت بالكوة مشيت على ركبي رحتلها ... و حطيت راسها على رجلي ... ض*بت وجناتها على كيفي ... صحتها باسمها رقية .. رقية... ماكو وعلى غفلة جان اسمع صوت طلقة برة ......... يا رب هذا صخرررررر.....البارت العشروووون وووووصل البارت العشرون #قلب_الصخربقلم الكاتبة دياناسامر... سمعت صوت طلقة و سكنت الاصوات بعدها ... ثواني و جان ينفتح الباب بقوة و يظهر صخر ...بارعلي بنظرة شرسة و وتقدم وگف گدامي و سلاحه بأيده ...ثواني ظل واگف يباوع عليه و جان يمد ايده الفارغة ... و گلي گوم انت دتنزف ... حطيت كفي بكله و ساعدني ع النهوض ... وجان اندار لرقية كتله لازم اخذ هالبنية وياية ...كلي منو هاي ... كتله اخت المختطفيني بس هي حالتها صعبة و حامل و دتنزف ما اكدر اعوفها ....باوعلي وجان يكول ميخالف و وكفها و تچاها على ايدي المو مصابة و ايده و طلعناها اني الالم اكلني اكل و صرت ما اشعر بي لان بالي يم ريم و هالبنية رقية فقدت زم هواية و مغمى عليها صار الها هواية .. شلووون ما اعرف ...طلعنا برة و لگيت اخو رقية ممدد بالكاع بس مميت طلقة برجله و يعيط ويين اخذتوا رقية ... جيبوها ... اجة صخر عليه و دفره برجله على حلگه ...و جان يگولي مفتاح سيارتك وين؟ كتله عدهم ...و نصه ع اخو رقية و طلع من جيبه مفاتيح كلي وين مفتاحك..؟ ولگيته و جان يطلع ليبرة يفتح سيارته و حط رقية ليروة و نزل حسين ... زلمته ... وجهة كل دم و جره من ياخته و حاوط رگبته بجفوفه ديخنگه گله شلون چنت تتواصل وياهم ...اني اتفاجئت يعني احنه مخطوفين مو علمود فلوس و الخ*ف مدبر ....؟؟هجمت على حسين بعد ما افتهمت هو المعلم عليه و على ريم و انطيته دگ دفرات برجلي و اغلط عليه وهو متحرك بس منزل راسه كتله يا اجرب يا سافل ... هاي لعبتك يا منحط ... الي ردته شنوووو،؟ رييييم ووووين يا حقيييير ...صخر ....سامر عرف الخ*ف مدبر من حسين و صار نار و كمل الدرس الي انه بديته وي حسين .. و صار يض*به برجله و وين ميوجعه ... اخر شي جريت حسين من ياخته و كتله شلون چنت تنطيهم اوامر عندك رقمهم ..؟ هز راسه لا ... انه وين اولي بيك يا السافل يالحقيير ... مرتي ما اعرف اراضيها و بيد ناس مجرمة و السبب انت يا النذل ... و جان انطي بو** وگعته بالگاع ...و فكرت اعوف حسين و ادخل لهالشيطان الي راد يكتلني و هو رح يدلني ... طبيت لكيته ممدد و يون ... نزلت للكاع و جريته من شعره كتله ها يالچلب تتألم مووو.؟ گلي وووين مرتي لا اخلص عليك هسة ... احچي و منطق بس يون ...جريت سلاحي و حطيته براسه و سحبت اقسام كتله انه ما خسران شي اخلص عليك هسة و بدم بارد و ما اتندم شعرة .... احچي .....و كمت اصرخ گلي و بنفس يتقطع و صوت بالگوة ينسمع ...:بيت جدة رضية .... كتله وين بيتها انططططق ... گلي هيجي غاد ....شمرته بالكاع حيل و العفو (تفلت ) عليه و مشيت صعدت بالسيارة و لگيت حسين ماكو ... لا يالمخنث انهزمت مووو .. انه الك ... وسامر كاعد ليورة و البنية راسها بحضنه ... هاي علة جديدة فوگ عللي ..شغلت السيارة و مشيت وكفت يم زلمة و سألته ع بيت الجدة ... و دلاني وصلت للبيت دگيت الباب ... و رة شوية طلعت مرة كالت انت منو ... كتلها تعاي فتحي الباب و كمت اصرخ ... من بعيد كالت شتريد ... كتلها وين والي البيت ... كالت محد موجود ... طالعين الولد ... كتلهة ويين راحوا .. كالت ما اعرف ... كتلها تعاي احجي وياج هي خايفة... تقدمت كالت انت منو ... كتلها انه شيخ عشيرة (..) و حرمتي خ*فوها و حطوها عندكم .. هي شهگت ... گالت البنية التعبانه هاي مريتك ... انه اتخبلت ... كتلها شبيها ......؟ گالت حالتها مو زينه ... و ولد اخوي ما كالوا خاطفيها صح همه ساقطين ... بس مجنت اظن خاطفيها ... كالوا لكينها بالشارع مسوية حادث وجابوها انه داريتها الله شاهد بس اخذوها و طلعوا قبل ساعه .... كتلهة احجي ويين راحوا بيها ... كالت ما اعرف بس همه خابروا صديق عدهم بالديوانية قبل ميطلعون ... كتلها تندلين بيته ....؟ كالت والله يمة عندي رقمه بس ما اندل بيته .. كتلها انطيني الرقم ... و دخلت الحجية جابت الرقم و جتي كالت هذول ولد اخوي مرمريني يومية بهبية واگعين لو م**رات لو كبسلة لو بوگ ... الله يسهلك يمة و تلگاها ....اخذت الرقم و صعدت للسيارة ... كتله سامر .. انه رح انزلكم لاقرب مستشفى انت و البنية و انه رح اطلع للديوانية ... گلي ديوانية ،،؟ ليييش؟ كتله اخذوا ريم هناك ...و فعلاً وصلت لمستشفى مركز العمارة و نزلتهم ... واني طلعت بالسيارة للديوانية ... و اتصلت على المقدم حسام صديقي ... نطيته الرقم حتى يعين لي مكان الشخص ........اتصلت بمعارف الي بالديوانية و انطيتهم فكرة ع الموضوع حتى يساندوني لان ما اعرف طبيعة هالناس و شكثر همه و مسلحين بشنو ... و رديت خابرت ولد عمام ابوي و كتلهم يطوقون منطقة و بيت الجدة خاف يجون ولد اخوها حتى يكظوهم و يراقبون البيت الجان بي سامر .... وانه متوجه للديوانية و متاني خبر من مقدم حسام .....روحي دتتكطع الف وذرة وبالي يودي و يجيب ... مريتي ترفة و ما تتحمل ... شلون تحملت التهمة الي امي سمعتها الها ... لا يا ربي .... كون الكاها بعقلها و ما تسودنت مثل امها... هاي امي موش انسانه طبيعية ... خبلت فطيم و هسة بنتها .... ما اتحمل لو ريم راحت من ايدية ... احرگ الدنيا و اگلب عاليها واطيها .. وما ارحم احد ... انه موش ساكت هسة يعني انه ضعيف ... موضوع الشرف و التهم الي امي زرعتها براس الناس على فطيم ... رح ترجع تزرعه على مريتي و تزيد عليه ... و اكو ناس هواي مثل هالاغم حسين الي حسابه ما خلص عندي رح يصدكوها و تصير ريم علج بالحلوك الخايسة اليسوة و الميسوة يعلج بيها و هذه حرمة صخر موش اي واحد يجيب طاريها ... انتجلت بالمقربين و ردتهم يراقبون منطقة الجدة و بيتها وبيت الخاطفين سامر ... و عندي ناس مقربين من الديوانية هم انتجلت عليهم .... موش بصالحي اوسع دائرة المساندة ..........دك تليفوني و شلته و جان مقدم حسام ينطيني العنوان و كلي انه هسة متوجه الك و ياية مساندة ... هذولة احنه شاكين بيهم خلية مسلحة تخ*ف ناس و تطالب عليهم اموال طائلة ..... و رح نلزمهم ان شاءالله .... هذا هنوب زرع الخوفة بيه اكثر ... ريم بيد ناس ما ترحم .... و ع***ة و مسلحين ... شلون بية .... الله يفضهة على خير و سلام............سامر ....نزلنه للمستشفى و تلكونه الممرضات و اخذوا رقية لصالة العمليات بعد ما حجيتلهم ع وضعها و اخذوني اني هم حتى يطلعون الطلقة .....بعد العملية ... نايم بغرفة و بالي يم ريم ... كمت على كيفي و كعدت ع السرير دكيت على صخر ... و لگيته مغلق ... عفت التليفون و سرحت افكر بلي صار ....معقولة البارحة عن اليوم انكلبت حياتي و حياة ريم ... ريم ووين .. ما ادري بيها .. معقولة صوچي اني ... اني الضيعت ريم... اني اناني و فكرت بنفسي .. و بگلبي .. و مفكرت بيهة و بحياتها ... هي اختارت صخر و اني من اول فرصة شفتها منهارة بحياتها احتكرت خيارها يكون اني ... ردتها تصير الي ... جنت متانيها تنهار حتى تكره حياتها ويه صخر ... بعد ما اتشبثت بي ... مفكرت من توكع رح تنهار و رح تكره نفسها .... اني اناني ... محسبت حساب ريم اذا اكتشفت حقيقتها صعب تشوفني شخص ثاني غير الاخ الي شافته ١٨ سنه و فكت عينها عليه... ضيعت حتى هالاحساس بيه ... و ضيعته من ايديه .... و ريم ما ادري وينها هسة ... زينة؟ مو زينة؟ عايشة ؟ ميتة؟ .... لازم ارجع ادفن مشاعري و هالمرة بلا رجعة نهائي .........تذكرت من بين زحام هالافكار و انانيتي بمشاعري ... رقية ..... لازم اشوف شلونها ..بهالاثناء فاتت ممرضة دتبدلي المحلول المغذي ... كتلها البنية الجبتها ويايه شلونهة ... گالت اي خطية ... اني اسفة ... كتلها و بفزة شبيها ... كالت خسرت الجنين و جان رحمها متأذي هواية ... كتلها و هسة شلونها .. كالت فقدت دم هواية و جان راحت من ايدينا ... انت زوجها...؟كلتلها ... اي

سامر ...اخذتني الممرضة و ودتني لغرفة رقية ... دخلت و شفتها نايمة و ملامحها حزينة .. و دتتألم ... اني صح ما اعرفها و البارحة تعرفت عليها .. بس البنية مبينه ضايگة ويل من اخوانها ... و قررت اساعدها حتى توكف على رجلها و تبدي حياة جديدة من غير اخوتها الانذال ...كعدت يمها ع الكرسي و اني بملابس المستشفى و ايدي لافيها و معلگيها برگبتي ...فتحت عينها و باوعت حواليها و جان تصير عينها عليه و ظلت تباوعلي و بچت ... گالت اني وين ... كتلها احنه بالمستشفى ... گالت وگع مووو ..؟ هزيت راسي اي ... شالت كفها وحطتها على حلگها و صارت تبچي .... اني انداريت للجهة الثانية متحملت روحي تگطعت چنها طفلة و دتبچي ... گتلها انت ساعدتيني و اني لازم اساعدج ... كتلها لوما صرتِ شاطرة و طلعتي جبتي الموبايل و خابرت جان احنه هسة بعداد الموتى ... گالت منو اجانه و جابنه ...؟ اهلك..؟ كتلها .. اي .. گتلها رقية انت متعرفين اسمي و لا قصتي... اني اسمي سامر ...و رح احجيلج قصتي و شوفيني اني اناني لو لا ... من اخذوا ريم لهسة اني اكل بنفسي ... و حجيتلها كل القصة ... و حتى مشاعري لريم ... ردت احد احچيله و يسمعني ... لان السر الي بگلبي رح يصعد على خوانيگي و يخنگني ... ردت احد يگولي كافي اتوقف انت متعلق بسراب ... بظنون و اوهام ... و كنت مستعد من اول واحد ينصحني بالتوقف رح اتوقف ... و ما احلم بعد ... ولا ارسم ريم بخيالي حبيبة .. و لا الونها بالابيض حمامة و الي تاليها ... هي سمعتني بانتباه رغم الالم الي بيها ... و امعنت بمشاعري ... و ما قاطعتني ... و لا تعاطفت و خلتني اشعر بالمهانة ... بس بعد ما كملت ... بچت ... و دموعها صارت انهار ... خلتني تدمع عيني و اباوعلها ... كتلها ليش تبچين ..؟ گالت ابچي لعدة اسباب ... منها ابچي على خسارتك ... و منها ابچي على ريم والي ضيعته من ايدها ... و ابچي على الي عرفته و الصدمة الوگعت بيها ... و .... جان تسكت ... كتلها كملي و بعد ... اندارت للجهة الثانية و كالت ... ابچي على نفسي ... ما حظيت باحد يهتم بية من بعد امي و ابوية ..انه اخوتي ما دروا بيه محتاج حنان ... محتاجة ظهر انسند عليه .. محتاجة اب يفرشلي بعيونه و يغفيني .. محتاجة بشر اسولفله على ظيمي ... كل ما هنالك كانوا يجون يشمرولي مسواك من مالهم الحرام و يطلعون و تالي اليل تبدي سهراتهم و افعال الحرام وانه اتگطع خوف و ضامه روحي بغرفتي وبيني و بين جهنمهم باب و مفتاح كاظته بعيوني و سنوني ... چانت تمر الليالي عليه بالاه و الونه ... شلون اصبر و تخلص حتى تطلع الشمس و تنشف اعمال ليلهم النجس و ارتاح من خوفي شوية... و ما اصدك ارتاح حتى يبدي ليل ثاني بحرامهم من جديد ... وكل هذا وانه طمست بالحرام وياهم ... كتلها اششش رقية انت ما مجبرة تذكرين الي راح راح .. و صفحة و اطويها ... انت بعدج زغيرة و الحياة للي بعمرج بدت تواً ... وان شاءالله توكفين على حيلج و تصنعيلج حياة جديدة خالية من الظلام و ترجعين زهرة مفتحة ....واني بلي اگدر اساعد بي رح اساعدج ......صخر ....وصلت للديوانية و تلكوني معارفي الي طلبت منهم فزعة ... و همه چثير موش واحد و اثنين ... و بسياراتهم توجهنا للمكان و جان مكان شبه مهجور بي بيوت هياكل ... اتصل عليه المقدم حسام و گلي احنه بسيطرة الدخول للديوانية دقايق و نكون يمك ... و طال الوقت و العنوان لسا ما لگيته ... و جان الگي العنوان المنشود ... نزلت من سيارتي و ا****عة وياي و كلنه مسلحين المكان عبارة عن بيت هيكل و گدامه سيارتين حديثة ...وصل المقدم حسام و نزل هو و القوة المساندة الجايبهة وياه ... وهمه صاروا بالمقدمة ... الباب البرة مفتوحة ... دخلنه و انه گلبي صار نارر و حشاي تستعر براكين ... و مية فكرة جت بالي ... والف سؤال يدور بعقلي ... اذا ما لگيت ريم شأسوي ... زين شلون راح ألگاها ... هذوله الچلاب .. الانذال ... شسووا بيها ... البيت فاارغ ... ما بي صوت ...المقدم حسام اشر لرجاله يصعدون فوك و اشرلي انه و الوياي نروح ع الغرف الجوة و الترك الي ورة البيت .. اخذ رجاله وصعدوا .. وانه اخذت الوياي و توزعنه ... طبيت لغرفة وياي زلمتين ... شيء بداخلي رفرف ... هاريم جانت هنا ...بهالغرفة ...روحي استنشقت عطر الخوف الي بثته روحها ... روحي هوت من على سرج القوة الي حصنت نفسي بيها ... البنت ضاعت ... و ضيعتها بيدي ... حسيت بدمعة حرگت جفوني و تيسرت تشابك وجنتي .. و گلبي لوّح بالوداع لطيف من سكنت جوة الاضلاع ... تسودنت من شفت شيلتها بالگاع و بلاية شعور ركضت عليه و صرت اشمنه و اشبگه و طافت صورتها بلحظة عتاب ... تعاتب و تشتكي و دمعتها تدهدرت تطلب نجدتي ...لونج يا شيلة نطقتي و وصفتيلي حال مهرتي ... شلونها ..؟ هم صوفرت خوف و تذكرت حضنتي ..عصرتج من حست بالرعب وبلاي ص*ري غفت وانت الها سندتي ... يا شيلة دليني درب اقصده لراعيتچ .. ونذر علي منچ راية سلام اخيط واعلكنچ .. فوگ گبة عرسي ازيننچ ... و اسولف لربعي عنچ ... و منچ يا شيلة الا اخلي نساوين ديرتي يطلبن مرادهن و ينخنچ ... مسحت دمعه چوت خدي و اطلعت من الغرفة اصرخ الانذااال .. الحقراااء ....والله لا اهد الگاع بيهم ...