قلب الصخر

الحلقة العاشرة

ريم...فتحت عيوني و حسيت بالم بمع**ي و اشو هاي الدنية ظلمة هاي شنو ايدي شاديها ... و عيني هم ... صرت اعيط و اريد افتح ايدي و جان ينجر شعري و واحد گلي اشششششش بلا عياط اسكتي ... ترة هذا المسدس افرغه براسج ..افتهمتي ... اني كمت ارجف كتله زين اخوية وووين عفية الله يخليك لا تكتلوا ... انتو تريدون فلوس... ؟ خابروا ابوية ينطيكم والله بس لا تكتلوا .... جان يكول اذا تريدين اخوج يعيش و منكتله اسكتي و لا حرف تنطقين و لا تصرخين افتهمتي ... و عافني و طلع ... و ظليت ابجي ... اني ل**ني ممصدكة انه سامر مو اخوية ... و ابوه مو ابوية ... زاد البجي و ما اعرف على شنو ابجي ... ابجي ع الكذبة الي عشتها ١٨ سنة ... او على حقيقتي اني بنت زنى ... او مصيري ما اعرف شنو بايد هذولة .. ما ادري ... زين صخر ... صخر ... كافي اعيش اوهام ... اني مثل ما كالت ام صخر ما اناسب ابنها ... و اصلاً ما استحق اعيش... بس لييش سوت هيج امي ..؟ ليش اهلها ما خلوهاتسقط حملها ... لو يكتلوها حتى يغسلون عارها و جان ما اجيت اني ... ليش ... ظليت ابجي و ابجي وما حسيت بروحي و نمت ....سامر ...اني ما ادري وين اني ... شادين عيني و ايدي لافيها من ورة بس اسمع صوت رياجيل بعييد ..لازم اخلص روحي و افكر شلون اطلع من هنا حتى اشوف ريم وين ... سمعت الباب انفتح ... و تقرب جسد عليه ... جرني من شعري .. گلي نهايتك على ايدي ... كتله انتو منو ..؟ و شتريدون مني ... وين اختي ...؟ والله لو صار بيها شي ... والله ازوعكم الحليب الي رضعتوا ... جان يض*بني راشدي قوي .. كلي اسكت لك ... حيوان ... و جان يعوفني و يطلع ... و اني ظليت احاول افتح الي بايدي ماكو ... مكدرت ...رقية ....اجة دوري و لو متاخر بس لازم تتعرفون علي ... انه رقية .. عمري ١٩ سنة ... مو طويلة و مو قصيرة ... سمرا و عيوني وساع سوود ... اعيش بالعمارة ... انه القدر لعب بية لعب ... ما نصفني فد يوم ... جنت اعيش وي امي و ابوي و عندي خوان ٢ حالي حال اي بنت اهلها يحبوها و مدلليها ... خواني اكبر مني بچثير ... احنه ناس بسطاء ابوي خلفة و خواني عمال وياه يطلعون الصبح و يرجعون باليل ... قبل خمس سنوات امي وابوي راحوا زيارة لكربلا و انكلبت بيهم السيارة و ماتوا همه و الركاب الوياهم ...و من هالنقطة بدت حياتي تتغير ... خواني الشيطان لعب بعقلهم و عافوا شغل الحلال و بدوا يشتغلون بالحرام ... لو يبيعون م**رات لو بيتنه يجيبون ناس تريد تفعل الموزين و المنكرات و ياخذون فلوس منهم ... جنت زغيرة و ما افهم ... يكولولي ذوله صدكانه و جايينه خطار يباتون و يرحون ثاني يوم ...بالبداية صدكتهم ... و جنت اكييف اسويلهم عشا و ا اودي الهم ... بس من كبرت و صار عمري ١٥ بديت افتهم هذوله ناس ميعرفونه و لا نعرفهم ... و شفت كم مرة من يطلعون ينطون لاخوية فلوس ... سالت اخوي كتله هذوله ليش ينطوك فلوس ... و ليش صدكانك يومية يجون ... و هذول هواي صدكان عندك ... گلي هذا الموضوع ما تدخلين بي افتهمتي ... عرفت انه الموضوع الي براسي صح خواني يشتغلون بالحرام و فاتحين بيتنه هيج و هاي الفلوس الي اني اكول الحمدلله الله رزقهم بعد وفاة ابوي و امي .. هاي فلوس حرام ... دارت الايام و انه اشوف اخواني زادت حالتهم كاموا يشتغلون بالخ*ف و يجيبون بالبيت الناس الي خاطفيهم و ياخذون عليهم فلوس .. مكدرت اعترض و احجي لان مرة حجيت وية اخوي الزغير و جان يلزمني يدگني كتل و ما خلة بيه مكان صاحي ... فكرت انهزم و اعوفلهم البيت ... بس وين اولي ما عندي غيرهم بحياتي ... لا خالة و لا عمة و لا كرابه ... لذلك كعدت و سكتت ... انه اعترف بروحي جبانه و انه جبت التعاسة لنفسي ... بس شنو الي بايدي ... ما عندي غير اختيار لازم اظل و اكون طامسة بالحرام وياهم ... قدري هيج شسوي ... قبل ثلاث شهور جانوا جامعين اصدقائهم و مسوين گعدة يشربون السم و جايبين بنات مو زينات و حتى م**رات جايبين ... انه حبست روحي بالغرفة و خفت اطلع ... بيني و بين جهنم بس باب ... صرت الوب بالغرفة بس اريدهم يطلعون ... اسمع ضحكهم و لغوتهم .. و الطرب ... كلت لازم اكولهم باجر بعد ميجيبون شغلهم للبيت ... طبهم مرض اذا راحوا لاي مكان و شربوا لو تعاطوا م**رات بس مو هنا ... ردت اروح للحمام .. ومكدرت ابقة لازم اروح .. طلعت على كيفي و مثل البايكة بوكة حتى لا احد يحس بية و يلمحني ... فتحت باب الحمام وجان اشوف واحد هناك ... ضخم وعينه حمر و مبين سكران و غادي بخته .... گلي وينج تعاي ... انه ردت انهزم مكدرت و جان يسد حلكي و ...... ذ*ح طُهري و عذريتي ... و قتل الانوثة البية ... و هاي انه محد من اخوتي درى بالي صار لان تايهة و ميصدكوني لو كتلهم رح يجذبوني و المن اتهم اكولهم صديقكم الي جان ميندل دربه و شوكت احجي وياهم لا ليللهم ليل و لا نهارهم نهار ... ٢٤ ساعه صاروا مو بوعيهم ... ومستمرين بافعالهم النجسة .... وانه اعرفهم لو كتلهم رح يذ*حوني لان همه براسي شرفاء و ناس عدها ناموس ... بس من يم نفسهم لا همه ديرفهون عن انفسهم و هذا شي عادي ... سكتت و ما كلت لاحد و لا راويتهم نفسي خلال هالايام ... لان حالتي استجد بيها شي .. دورتي الشهرية انقطعت و يمكن انه حملت من هذاك الحيوان ... وانه هسة لازم اشوفلي حل .. لان بطني دتكبر ... و وضيعتي صارت كولش مبينة ... حاولت اذبه منزل ... كمزت و اشيل ثكيل و ما فاد هسة صار اكبر و حايرة بي فكرت اروح جدة و احجيلها و بلكت تذبه بس خفت دكول لاخوتي لان ولدها اصدقاء اخوتي و بنفس الشغل ... و ما عندي لا جيران و لا احد ...احجيله ... وحاولت اموت نفسي و خفت ... كرهت نفسي ... شأسوي ما ادري ...البارحة شفت اخوتي باليل جروا واحد معصب و شادين ايده بس مبين من هندامه هو موش منا ... ويصيح وين اختي و وين اختي ... يا ربي هذوله اخوتي بس لا كتلوا اخته ... ؟ طببوا بالغرفة الي دائماً يدخلون الناس المسلبيهم بيها .. و قفلوها و طلعوا ... فد يوم الله رح يكلب هالبيت على روسنا و نستاهل والله بلكي الله ياخذني اني هم و يمحي سوئتي ....صخر ...دك تليفوني هواية ... كلت خلي افتحن خاف مريتي محتاجة شي ... فتحته و شفت مكالمات منها هواي ... ادك عليها ماكو ... متشيله ... كلت خاف بيدها شغلة و متكدر ... دكيت ورة دقايق ... و ماكو ... بديت احسب غير حساب ... كلت خلي ادك على حسين ... شاله حسين و صوته معجبني ...صخر ... ها حسين شلونكم هلي شلونهم ... حسين ...: شيخ اريدن اكولك شغلة ..صخر و ببال مشغول ...: كول شكو حسين ...حسين ..: حرمتك يا شيخ انهزمت وي ابن خالها ... صخر( و براكين الغضب فاضت بعينه ) ..: شنووووووو ؟ احچي عدل يا الاغم ... وين ريم ..؟حسين ...: شيخي انه شفته اجه ابن خالها و خذاها بسيارته ... و انهزمت وياه حتى اخذتلهم صورة بالموبايل صخر ... ردت افترس الحوالية افتراس ... و اكل اوادم ...هذا يحجي عدل لو يضحك علي ... انه صخر ابن جبار ريم تضحك علي ... لا متسويها ريم باعت اهلها و ناسها ... علمودي ... و اختارتني الي و ضحت بعالمها الي جانت عايشته .. زين چا وينها هسة ... طبكت التليفون من حسين و دكيت على خال ريم ... صخر ..: الو خال ريم ..: نعم تفضل صخر ..: انه ما راح افتعل طلايب و اهدد .. بس رح اكولن شغلة وحدة ... لا تلعب وي صخر انت موش بكدهخال ريم ..: شنو مناسبة هالكلام هذا شتريد ... صخر ..: لا تغشم نفسك يالخال ... ريم وييين اخذتوها ... خال ريم و مفزوع ..: شنووووو ريم وين مو عندك ... بنتي وين ..؟صخر ..: وهو يضحك باستهزاء ... لا تمثل ما يلوكلك احجي ريم وين (بصراخ)خال ريم ..: اني ما اعرف من يوم الرجعت من العمارة الي ادري بي بنت بامانتك ... امنتها يمك و كتلك دير بالك عليها اني اسألك وين بنتي ... اذا صار بيها شي ... ما تلوم الا نفسك ... صخر ..: ابنك الشفية شافوا جاي و ماخذها ... طلعوا حرمتي و لا تدنة مني ترة انه من تطخ بعقلي اكلبها حرب والله و راويني شلون رح تكثل و تعاند ... خال ريم ..؛ انت شنو تهددني فوكاها هم اخذت بنتي و حرمتني منها و هم تاليتها تختفي و تذبها براسنا .. وتهددنا احنه خاطفيها ... صخر اريد بنتي و انت المسؤل اذا صار بيها اي شي ... صخر ..: ابنك وين ... ؟ انطيني سامر احجي وياه ... خال ريم .. سامر بيت جده ببغداد ... صخر ..: اتصل بي و شوفه وين ... و اذا ما لكيته ... هذا تفسيره واحد .. ابنك هو الي اخذ ريم و غافلك و غافلني ... بس ساعتها رح يكون ردي مو كلام ... ردي دمالبارت الثامن عشر #قلب_الصخربقلم الكاتبة دياناصخر ...رجعت للبيت ... وانه بگلبي نار ... هذا سامر الساقط غافلني و اخذ مني الروح .. طبيت و الشياطين تتقافز كدام عيوني ... تلكتني رباب .. كتلها ووووينج شلون خلتي ريم ياخذوها .. انه موش امنتها يمج .. كالت .. انه مجنت بالبيت جنت يم ام محسن و امك كالت طلعت برجليها محد اجة خذاها ... انه افتر راسي ... شنو هالحجي ... معقولة ريم قبل كم يوم جانت حمامة بيضة بحجري .. و اليوم تختفي .. لا اكو سر ... اجة حسين و جان يكلي شيخ حمدلله ع السلامة ... كتله و انه نيران جواية بدت تلسعني و تلسع الحواليه ... لا سلمك الله يا الاغم و جان الزمه من ياخته و ردت اكله .. هزيته و كتله والله يا حسين ريم اذا صار بيها شي او ما لكيتها ما تلوم الا نفسك ... صار يتبلعم و ما يعرف شينطق يعرفني ما اتعنطز و اخلف بوعد كلته على ل**ني ... گلي هدني شيخ و انه رح اراويك الدليل ... ظليت اباوعله و عيوني يطير منها شرار حرگة گلبي ... و انفاسي السريعة حرگت وجهة .... دفعته و انه صرت الوب ... لو كلام حسين صح ... شنو الممكن اسوي ... مرت صخر تنهزم من بيته ... لا وسفة ... انه الامنت بيها معقولة .. و بهالاثناء وانه ثاير و عقلي بده يجمع الخيوط ... حسين فتح موبايله و راوالي صورة .... لا يا ربي هي و سامر يم سيارته و لازم ايدها ... شلت الموبايل و شمرته ع الحايط و صرت بدل البركان عشرة ... و جان تجي امي .. كالت ها يا ابن بطني ... صدكت امك يا صخر .. العرق دساس يا ابن جبار ... حاولت افهمك و ما فهمت الا من وگع فاسك براسك ... صرت نار و براكين ثايرة ... مو وكته هذا ... لازم تلحك و تغسل عارك ... مريتك سرة بدمها ماضي امها و كررت فعايل امها ... لا تسكت يا ولد جبار انت شيخ و الك هيبة ... و عيبة بين الناس و عشيرتك تعوف وحدة تلاعبت بشرفك و جابتلك الاهانة ... انت صخر ... يهابك القاصي و الداني ... والك وزن ثجيل بين الناس ...رح تعوف عرضك بيد وحدة عاهر ... انه احترگت بنارين نار ريم و الي سوته و نار امي و تهايمها لريم ... المن اصدك اصدك گلبي معصور عصر و يرفرف يريد يطلع من ص*ري حتى يدورها ... لو يصدك حسين و دليله و امي و تهايمها .... ما جاوبت امي لدقايق جان دكول تدورها انت و تغسل عارك لو تعوف الموضوع علي و انه اتصرف ... باوعتلها و بصراخ كتلها انت طلعي منها و خليني انه اتصرف و اتاكد من الموضوع ......رقية ... سمعت اخوتي يحجون بيناتهم ع الولد الجابوا البارحة... واحد كال نكتله ..؟ رده اللخ گله لا خلي ينطونه خبر ... بعد محد نطاني خبر عوفه هسة بين ما يخابروني و يگلولي .... انه تخبلت ... هذا الولد اكيد هسة اهله خايفين عليه.. شسوي ... يا رب ... انه عندي نسخة من مفاتيح الغرفة الي هو بيها... اخذتها و رحت على كيفي فتحتها و دخلت بعد ما تاكدت اخوتي مو هنا ... كعدت گباله و كتله محتاج شي ... اجيبلك ماي ... لو جوعان ... گلي انت منو ..؟ كتله مو مهم بس انت من البارحة العصر انت هنا ما جعت ...؟ گلي اريد مي ... كتله .. هسة اروح اجيبلك .. رحت جبت ماي وجيت دا اشربه گلي فكي ايدي والله تعبت ... كتله ما اكدر اخوتي والله يجون يدمروني ... گال ما اروح لاي مكان انت وصليني للحمام و رجعيني واكعد هنا ما انهزم والله .. اترددت بالبداية بس قهرني صارله ليلة كامله على هالوضع ...فتحت الع***ة الي على عينه و ظل مغمض ثواني و بعدين فتحها ... گلي الله يخليج فتحي ايدي ... كتله بس ما تنهزم ... كلي لا ... هو جان وضعه يقهر و محتاج يغسل لان اخوتي حابسي بغرفه ما بيها لا مروحة و لا حتى شباك ... فليت ايده ... و هو صار يفركها .. گلي مين الحمام .. اخذته و كتله منا بس ع السريع عفية لا تتاخر حتى ارجعك ... كلي اي ما اطول .. دخل للحمام و انه صرت بنار .. شلون خاف يجي واحد من خواني و يدري بيه ساعدت هالولد ... شلون ... طول بالحمام ... شلون .. سمعت سيارة بالباب .. گلت عزة اجوي ... دكيت باب الحمام .. ماكو .. مرة .. مرتين ... ثلاث .. گلت خلي افتحها ... فتحتها وًجان الحمام فارغ و الولد ماكو ... اباوع وجان الگه شاك السيم من الشباك و فالت عزة بعينج يا رقية ... اليوم موتج محتوم ... طلعت من الحمام و جان اسمع طلق ناري برة عزة بعيني .. طبيت غرفتي و ع السريع قفلتهة و كعدت بالزاوية ... مفزوعة ومرتقبة اكيد كظوا الولد ... عزة بس لا كتلوا .... شلووون ...و جان اسمع واحد من خواني يفوت و يعيط ولج رقية ... ووووينج يا صلفة ... وجان يجي ع الباب و يدكها حييييل ... طلعي حقيرة ... تعاي الا اربيج من جديد تدخلين بشغلنا ... مفتحت الباب .. و ظليت ارجف لان ادري هسة اذا افتحله الباب و الله هسة يشبعني كتل و حتى يدميني ... اسمعهم جابوا الولد الي انهزم و ظاهر مصوب و دخلوا للغرفة ... عزة .... يا رب شلون كله من وراية ... اجة اخوية عليه ... وجان يكلي .. من ورة الباب .. باعي لج ... احنه طالعين عدنه شغلة بس و الله اذا تقربتي من هذيج الغرفة متلومين الا نفسج ... افتهمتي ... انه ما جاوبت... خليته يروح و يسد الباب و اطلع بسرعه من الغرفة و رحت يم الغرفة الي بيها الولد .. اسمعه يون ... كلت اي بي حياة .. فتحت الباب و طبيت لگيته مصوب بايده و سابح بدمه و يباوعلي يستنجد و يون ... جيت عليه وانه ابجي كتله لييش ؟ ليش انهزمت خواني ما يرحمون ...رحت جبت ماي و قطعة قماش شربته ماي و لفيت جرحه و هو يون ... گلي اخوتج اخذوا اختي و ما ادري بيها وين و اني جنت رايد اروح اخلصها ..گلي متعرفين وين اخذوها ... گتله لا والله ما ادري ... بس بلكي اعرف ميخالف ... بس انت بعد لا تخاطر هيج مخاطرة .. باوعلي بنظرة قهرني ... خايف على اخته ... كتله انه رح اطلع لان اخوتي على وصول واخاف يشوفوني هنا ... گلي اطلب منج طلب ... گتله گول ... گلي بس روحي لسيارتي موجودة بالباب ... و فتحيها ممقفولة لان م**ورة الجامة ... و جيبي موبايلي ... كتله اذا كدرت ... و بهالاثناء جان تنفتح باب البيت و يدخل اخوية جان يصيح ولج رعنة ... رقية مو كلت متجين لهنا ... تعاي شوفي شلون رح اادبچ يالساقطة ...و جان يجرني من شعري و يض*بني ض*ب .. ما صاير .. راشديات و كفخات انه من الوجع مدريت بنفسي وكعت بالكاع و جان يسحلني وشال راسي ض*به بالحايط و جان يدفعني و وكعني بالكاع و اجة ض*ب ضهري برجله ... الولد جان يصيح عليه ...كااافي حيوان .. جان يعوفني و اجة ع الولد و نطاه راشدي و گله اسكت انت لا تدخل حسابك بعده مخلصان ...جرني واني على نومتي و الدم ما ادري من يطلع خشمي و حلكي و طلعني من الغرفه ... وقفلها ... و گلي وين النسخة الثانية للمفتاح كام يصرخ انطينياه ... دفرني برجله على وجهي .. و جان ااشرله ع مكانه راح اخذه و طلع ... سامر ....حسيت بالذنب ... البنية كالتلي و مصدكتها اخوها كتلها كتل ... خلاها تنزف و اخر شي شمرها برة و طلع ... اني الطلقة بعدها بايدي ... والالم ديموتني ... زحفت للباب ... ردت اسمعها بعدها برة .. حطيت اذني ع الباب وجان اسمعها تون ... زين هاي شلون اصيحها حتى اسمها ما اعرفه... دكيت الباب على كيفي .. مرتين ... تانيت جواب ماكو .. كتلها يا بنية ... انت زينة .. ؟ جاوبتني بونة كالت لا مو زينه .. سمعتها سحبت نفسها و انتجت ع الباب ... كتلها اني اعتذر من ورايه صار الي صار ..كالت .. لا اني متعودة .. و صارت تبجي ... كالت اني اتمنيته يكتلني و بعد ازيد ..اني اتفاجئت هي صدگ ما ابدت اي دفاع على نفسها سواء بقول او فعل ... كتلها ليييش...؟ كالت ... انه بيه ثمرة فساد عمل خواني ... و اريد اموتن قبل ميكتشفون الحقيقة ..كتلها شتقصدين ..؟كالت ... مو مهم القصد ... المهم انه لازم اموت حتى يموت السر وياي ... حتى بعد هالكتل هذا شوفني ما نزل من عندي و خلصت ... ربك رايده يموت وياي نندفن سوا على ايد خواني ... زاد بچيها واني افتهمت هي حامل و ميدرون ... كتلها انت اذا عندج هيج اخوان شلون نفسج هوت الغلط ... بچت اكثر و كالت انه ما هويت بحياتي كلشي حتى روحي ما احبنها تريد اهوى الحرام ... خواني الي ذ*حوني ... واحد من شلتهم الي چان يتسامر وياهم هو القتل بيه الحياة ... شكد استنجدت بهذيج الحاله بيهم بس اخوتي ما سمعوني لانهم لاهين بالحرام ... وهاي انه اتمنى الموت قبل ميكشفوني و همه السبب بلي انه بي ... بس ميرحموني يقتلوني بشربة ماي .. و لا يتندمون ..... اني صدك انشليت و نسيت المي ... هاي البنية شحامله هموم .. كتلها انت شسمج ... گالت ليش ..؟كتلها باعي ... انت تريدين تبقين هنا .. يم اخوتتج المجرمين .. لو تنهزمين ؟ كالت وين اروح ... ؟ ما عندي احد ...كتلها اني اساعدج وانت ساعديني ... كالت انه بعد ما اكدر اساعدك لان انت تتاذة .. انه ما ادبر شي خواني يلزموني و يلزموك و يكتلونه بليلة غبرة ....سمعتها كامت و هي تون .. كتلها كوليلي اسمچ .. كالت رقية ... و مشت ... صخر ...حچاية ابو ريم و روحته لبغداد يدور ابنه خلتني اض*ب اخماس باسداس ... وين ابنه ،، و ين راح بريم ... لازم يروح لبغداد لو ماخذها .. خاف سافر بيها .. لا ... ريم ما جانت رايدة تسافر ... انه لازم اعرف الي صار كله .. ناديت حسين كتله تعال وراية ... گال وين شيخ ... كتله امشي و انت ساكت يالاغم ... صعدت للسيارة وهو گاعد گلي بخوف وين شيخ وين رايحين ... ما جاوبته وصلت للسيطرة مال المنطقة و سألتهم كتلهم سيارة كذا رقمها بغداد البارحة العصر فاتت منا ... گال واحد منهم اي و توجهت هيج ... رحت بالمكان الي اشروا عليه مشيت و جان الكه واحد يبيع بانزين و نفس السؤال .. ضحك كال عمي انه يومية اشوفن سيارات و ارقام كومة و اشكال و الوان ... كتله بسسسسك خريط شفت لو لا ... گال لا .. بس البارحة صار تسليب هنا و رجعت للبيت من وكت انت تسأل بيا وكت ... كتله تسليبيش الصار ..؟كال سيارة وكفتلها سيارات ٢ و ض*بوا عليهم و اخذوهم ... كتله همه شگد البسيارة كال ما شفت ..... گلتله شكراً و طلعت گبل ...