قلب الصخر

الحلقة التاسعة

ريم ... اني بحلم لو علم ... الشيخ صار شاعر و يتغزل بكلام ذوبني ... و اكيد هذا دليل حبه ... لا ..ما اعتقد ... شبسرعة حبني ... اني حبيته بسرعة ... اي ...لان اتحدى العالم حتى يوكف بصفي و ما تكتر من شافني اريد المساعدة ... و خاطر بنفسه حتى يرجعلي حگي ... لگيت بعينه الامان ... لگيت بحچايته الدفو ... شلون ما احبه وهو بلا مقابل صنعلي قلعة من الامان و خلاني بيها ملكة ... بعد ما اتغزل بعيوني و باسها و تغزل بشفافي ... وباسها .. استحيت و رفع حنچي بچفة الاسمر و باسه وشم رگبتي اني اتذكرت يوم الي تعرضلي ذاك النذل و نفسي كشت ... وخرت ليغاد و هو تفهم الموضوع ... و صار يقنعني هو ما راح يطالبني بحقوقه الزوجية مثل ما وعدني اول مرة ... الا برضاتي و اني الي ابادر حتى بهذيج الساعه يفتهم انه اني بعد ما اخاف ... كمت وكفت بست راسه .. و دعيت الله يحفظه ... شخص يستحق مني مو بس الاحترام و الحب ... يستحق ان اجله و اعلگه برواز فخر على جدران قلبي ... فتحت العبا بعد ما طخيت بايدي جرحه و تاذة .. و لگيت دم نازف ... شهگت خوف و كتله جرحك ينزف ... گلي مو مهم هسة اغير الضمادة ... رحت ع السريع نزعت البدلة وجيت بسرعة كتله اريد قطن .. شاش .. ومطهر جروح گلي تلگيها بالكنتور لان اليوم اني غيرت الضمادة مرحت للمضمد ... صرت نارر رحت جبتهن ع السريع .. و وكفت كباله ... بحركات سريعه و عصبية نزعته الغتره و العگال و العبا ... وصلت للدشداشة جان اشوفه يباوعلي و بنظرات هايمة و لمعة عيونه و سوالفها خلتني ما اتردد و اني هم اسولفله بعيوني .. سوالف عشگ ... سوالف شوگ صارله سنين مدفون ... شال ايدي و من باطن چفي باسهة و شمها غمض عينه و كالي ... انه هسة ضگت طعم الحياة .. چانوا يكولون حلوة ... بس ما چنت ادري بيها بهيچ حلاة .. باسها مرة ثانية و قربني اله من خصري .. گعدني بحضنه و گلي ارحمي عزيز قومٍ ذل ... اني مستحية بس مكدرت اقبل يگول هالشي ... گتله ما عاش الي يذل حبيبي .... هو ابتسم و وعينه لمعت بالحب گلي عيديها لخاطر نبض بگلبي مشتاگ و عطشان لحچايات ترفة من ل**نچ... كتله شأعيد ... خليني اغيرلك الضمادة شوف ص*رك انملا دم ... گلي خفتي على جرحي الظاهر و ما خفتي على گلبي البيج مريض ... عيدي حجايتج و ما اريدن غير شي .. باوعتله و بطرف عيني مستحية .. كتله .. حبيبي ....صخر ...انه عطشان ... ولهان ... وهي نبع صافي يتدهدر زلال ... من كالت حچايتها خلتني مثل الطير الي رفرف بجناحه اول مرة بعد ما كان محبوس بقفص ..ترجيتها تعيدها حتى اروي البية عطشان ... گلبي و ص*ري ... وحتى روحي ... گالتها بمستحة و استلذيت بيها قربتها مني و بست شفافها ... هالمرة طاوعتني و ما سحبت نفسها ... طولت بضوكي لشفافها ما اريدن انهي حلم و افزن منه ... استحت و جرت نفسها .. مسدت بايدي على شعرها الليل .. و عيني سياج حاوطن عينها .. گالت صخر .. كتلها رياته و نبضه الما سكت من شافج ولا لحظة .. كولي .. كالت اني اتحديت اهلي و اختاريت اكون وياك ... ميزت امان بعينك عن ترباة سنين .. ردت اكون اميرة هنا ... و اشرت على ص*ري ... وتركت مملكة الدلال الي بيها نشأت ... كتلها و بروح اهلكها الشوگ لطعم جديد من شفافها الشهد ... انه مقدر هذا الشي و شايلة بين عيوني ... و اوعدج هلج تشوفيهم ع الدوام و ما اكطعنج من شوفتهم ... بس افض هالطلابة و انه بايدي اخذج لهناك ... و تضيفين يمهم ... باستني بفرحة من وجنتي ... وانه كام يلعب بيه الشوگ ... كتلها انت مسؤولة عن هالحركة السويتيها و غمزتلها بعيني ... استحت و سبلت عينيها و جان تحاوطني بذراعها و حطت راسها على جتفي ... و همست لي بكلمة خلتني اطير ... كالت احبك ... انطيتها الامان و خليتها مرتاحة بنومتها على جتفي و ما بينت نار الجواية و تريد تلهمها لهم ... شالت جفي و حطته على ص*رها و صدى نبضها يداعب مسامي ... كالت صخر ردتك طبيب تطيب جروحي ... و تردلي عافيتي ... بداخلي جرح انثى ما يطيب الا على ايد من نصبته ملك لگلبها ... انه انتبهت لكلامها و عرفت مغزاه .. غزالتي بادرت ... و سلمتني نفسها بارادتها ... و تريد اطيب جروح تنزف من كبرياء انوثتها .... كمت وكفت وبست راسها ... كتلها انه الج طبيب و اطيب الجراح .. و اردلج روح الورد الجان بيج... و بين اضلوعي اغفيج و اصيرن فيصل ... و لكطع الرگاب اوصلها لو واحد نطق اسمچ... ابتسمتْ و هيجت الشوگ النابت بگلبي ... كتلها حطي ايدج على جرحي ...(و شلت ايدها و حطيتها على مكان الجرح ) وهو يبرا ...و انه اكون الج دوة و طبيب ...و راحت جابت القطن و الشاش و نزعتني دشداشتي و بدلت الضمادة ... كملت و اجتي كعدت بصفي و تشبثت بذراعي و كالت ... اني خايفة بس بيك رح الكه الامان ... وجان تسكت ... صخر ... كتلهة عيونه ...كالت انت ما مشمئز مني على الي صار بية..؟تفاجئت لسؤالها و بية النار صارت تلهب ... باوعتلها و كتلها ... انت قطعة عفة و براءة ريم ليش هالسؤال ... لساج ما عرفتي مقدارج عندي ..؟ شلت چفها و بسته و كتلها ما تعيدين هالحجي ابد حتى وية نفسج... صخر عشگ يا ريم ... وانت موش بس مريته ... انت العشگ الجان مدفون ... و رجعتله الحياة هسة ... باوعتلي و چنهة فهمت انه اعترفتلها بحبي و انه اهواها الها و بس... گتلها و حاوطت قرص وجهها بچفي ... ما رح ابخل عليج بچلمة عشگ .. يا بنت الناس انه اعشگنج و اعشگ كل ركن بجسمج ... و اخذتها و بكل هدوء و رحت اطيب جروح الانوثة البيهة ... و اخذت عهد على نفسي ... انا صخر ...بس وياها خاتم بيمناها شتريد و تتمنى يجرالها و ازرع بسمات الفرح فوك شفافها .... و امطر الدنيا سهام لو شفت بيوم دمعاتها ... انه البية موش عشگ شبان ... انه عشكي الها من يوم النبتت برحم والدتها... عشكي. لو حسبناه بالاعمار يطلع عجوز و الشيب تراس راسه ... بس بالفعل هو طشة شبان بروح المراهقة تتوارد ببالهم افكار العشك و اللهفة ...................نرجس ......انه موش نرجس يا صخر ابن جبار اذا ما حرمت هالدخيلة من شمت الهوا .... وهسة تشوف تاليها ...شالت التليفون و جان دكول حسين تعال اريدنك...اجه حسين و طبت للغرفه وياه ...نرجس ...: حسين انه ما مشت علي كذبة صخر هاي مريته وراها سرحسين ... : عمتي ... انه ما عندي علم بامور الشيخ الشخصيةنرجس ...: شوف يا حسين ... انت صح ابن اخوي ... و زلمة ابني صخر ... بس هذا ما يمنع اطشر لمتك و اكعدك بالسجن سنين .... حسين و بخوف و تردد ...؛ عمة انه .... ما اعرف الشيخ شنو اسراره نرجس ...: لا تخاف انه اريدن اعرف بس ... و ما رح اسوي شي انت بس گول و ما رح انفذ الي ببالي حسين...: عمة هاي البنت .. تصير ....بنت جاسم ..من فطيم نرجس ...: يااااااااهووووو ولك انه متاكدة فطيم ما عندها ظنه ... سقطت بهذاك اليوم حسين ... : صبرية اعترفت للشيخ قبل سنتين و كلتله انه ما سقطت طفل فطيم ... عمة لا تكولين للشيخ انه سولفتلج بالسر و الله يعلگني بالتيل ...نرجس و هي مصدومة ..: حسين اطلع منا لا انه اعلكك بالتيل و خليني وحدي ...طلع حسين و هو خايف .... وكعدت نرجس تدبر حل للتخلص من بنت غريمتها الي ياما حاولت و نفذت ان تتخلص منها قبل لكن ما فاد ... مكتوب الها تعيش و ترجع لاصلها ............الكاتبة دياناالبارت السادس عشر وصل قلبي يتألم البارت صعب جداً اعذروني ع الاحداث #قلب_الصخر البارت السادس عشر لا احلل النقل ابدا الكاتبة ديانا ريم ... حسيت اني طايرة على غيمة ... و عطر طيب سكن رياتي و هدأني و خلاني ابتسم ... فتحت عيني ... و لگيتني نايمة على ص*ر صخر ... و عطره الرجولي ميهلني اگوم ... محاوطني بذراعه و نبضه لحن هادي استلذيت بسمعي اله ... و انتظام تنفسه مثل موج البحر بليلة ربيع تبث الحياة و ترطب قلب ميؤوس بامل و فرحة ...ظليت اباوع على ملامحه و هو نايم ... و ابتسمت لاني صرت مرته فعلياً ... و حبيت اسلوبه المتفاهم البارحة .. و شلون خلاني اني اطلب منه يطيب جروحي و بهداوة حط عليها مثل الحمامة الي تحاوط صغارها ... فتح عينه و تململ بنومته .. جان يباوعلي و ابتسم .. بس ابتسامة غير عن كل المرات و نصه على جبيني وباسه و طال ببوسته ... وحضني حيييل ... گلي ااااااااخ ... ريم حوريتي ... صباح الخير و العافية ... صباحي نوّر بطلتج ... حمامة و رفرفت بسماي ... عشگتج موش حچاية تنكال .. عشگتج حياة وبيها ألفه ... ضحكت كتله انت شاعر ..؟ گلي البارحة صرت شاعر ... انه ما شاعر و لا حاس بحياتي بمرة غيرج .. والبارحة حسيتج و شعرت بحبج بذر و نبت بحشاي و ما ممكن ينقلع فد يوم ... كتله كلامك يدوووخ خاف هذا بس حچي ..؟ ( اني مصدكة بي بس حبيت الاطفه ..) كلي. انه ما اغتريت فد يوم و تباهبت بصفة عندي ... بس من اليوم انه بيج مغرور ... و كبرياء و انفة ... انت وسام و على ص*ري اتزين بعشگج و لو رايدة هسة اصرخ گدام هلي و قريتي و كل عشيرتي و اگولن احبنهة يا ناس انه عاشگ هالبنية و سودني حبها ... كتله هههه صدگت و الله و ترة اني مصدگتك من البداية بس حبيت اشوف بعيني .. كتله صخر ... كلي روحه و عقله و گلبه گولي بعد كل هلي ... كتله اوعدني متفارگني ... گلي شلج بهالحچي يا جمارة الگلب ... كتله اوعدني و طمني ... جان يبوس شافافي وكلي و حگ من جمع راسي و راسچ بالحلال و خله نيران گلبي بماي شفافج تطفى .. ما اعوفنچ لو على گطع النفس ...، بسته من ص*ره و حضنته حيييل ... ورة دقايق و احنه طايرين بسما العشگ... گلي گومي نسلم على الناس الي بالبيت و ندخل نسلم على امي .. ريم غزالتي ... امي ترة رح تشد وياج شوي .. اتحمليها لاجلي .. و لخاطري .. هزيت راسي و كتله اي ... تؤمر ... گلي شحلاتها بحلگج ... و باسني و كمت لبست و تعطرت و هو رايح جاي يباوعلي و عينه تبث حب ... و مبتسم ... اخذت المشط و صرت امشط ب*عري جان يجي و كلي انطيني مشطتج ... كتله ليش ..؟ گلي جيبي ... انطيتهيا و فرد شعري على چتوفي و صار يبتسم اكثر و حط المشط و بهداوة و تناغم صار يمشط شعري و يتغزل بي .. كلي هذا ليلي ما اريد فد يوم تكصينه ابد ... ابتسمتله كتله بعيني ... اني مشدوهة بحنيته و باهتمامه بتفاصيلي كله ... نساني كل ايام عمري و صفر العداد و بده بي من البارحة ... اخذت المشط منه و حضنته حييل .. كتله الله لا يفاركنه ... تبسم و ردني ان شاءالله ..طلعنه برة و لگينا نسوان خواله و خالاته و بناتهم و چناينهم و جهال كوومة ... عرفني عليهم و سلمت ... بيهم الحبتني رأساً و بيهم الغارت من عيون صخر من يباوعلي ... و بيهم الي حسدتني على اهتمامه ... و اخيرا. كملنا و دخلنا لام صخر ... جانت كاعدة و متچية ايدها على عوچية خشب ... دارت وجهها لغير ناحية .. و كالت شجابك يا صخر انه موش كايلة ما اريدن اشوفك و اخذ هالبنت و اطلع... هو اشرلي بعيونه حتى اطلع برة ... واني هزيت راسي و طلعت ...صخر ... طلعت ريم حتى اتفاهم وية امي كتلها .. حجية ترة ما عندي غير رضاج بالدنية ... و انه و ريم جينه نسلم عليج و نطلب رضاج وكافي تدللين عليه وهذا راسج و بسته و جان اصيح ريم و كتلها هاي ريم چنتج رح تحبيها لان هي بنت على سجيتها و على نيتها ... و تحبني و رح تحب ناسي ... نصت ريم و باست راس امي ... و امي مثل الوافقت عليها جان تبچي و كالت انه فرحانه لان ابني تزوج ابني فكت عيني ... بس ظروف زواجه صدمتني انه شعندي غيره ... هو و خوانه ... باوعتلي ريم و دمعت عينها فرحت لان امي رضت عليه و رحبت بيها ... طلعنه من يم امي كتلها اجتني دعوة لمؤتمر شيوخ العشائر و لازم اروح باليل و ارجع بعد ٣ ايام .. انه ادري انت عروس و هاي اخلى ايامج و ميصير اعوفنج بس هذا المؤتمر منتظرة صارلي سنة ولازم اروح اشارك حتى ادعم قراراته و باكي يسمعونه ... وانه امنت هسة عليج لان امي رحبت بالفكرة ... و ما اعتقد رح تسوي شي بغيابي لان موش وحدج وياها بالبيت و هسة فوتي حضري غريضاتي و هندامي وانه رح اجي حتى احلي و غمزتلها ....بعد ثلاثة ايام ...........ريم ....ما اعرف شلون فاتت هاليومين بس اريد صخر يرجع ... امه تتحجج بس تريد تلزم عليه الزلة ...طبيت للغرفة حتى اخابر صخر اتاكد منه يجي اليوم حتى اتحضر و اسويله مفاجئة ... احتفال صغير بجيته ...ادك وهو ميشيله ... يا ربِ شلووون ... كلت خاف يمه ناس ... خلي اعوف بلكي هو من يفرغ يشوف المكالمات و يتصل ...بهالاثناء دك سامر علية ... و بدون سلام گلي ريم ... انت وين ... كتله بيت اهل صخر ليييش. سامر شكو ... گلي اني جاي هسة و اتحاشي تحجين ويه احد ... اني مفتهمت كام يكطع الخط و راح ... ادك عليه طلع مقفل ... ذبيت التليفون و بدا الفار يلعب بعبي ... شنو السالفة ليش حجة هيج ... ظليت بالغرفة قريب الساعة و نص ... بعدين انفتحت الباب و جان اخترع ام صخر واكفة و مستندة على عوچيتها ... ض*بت بالعوچية بالكاع و چان دكول ... انه ما اغير رأي انت ما تناسبين ابني ... معقولة ابني الشيخ يركض ورة بنت زنى ......؟؟اني تخبلت و اعصابي انفلتت و اض*بت حجي صخر بعرض الحايط ... كتلها شنوووو شتحجين انت ...؟؟ كالت انت ما تستحقين الحياة ... انت جان المفروض تموتين حتى نغسل العار ... اني روحي تلوب الكاع ما سايعتني ... بالكوة واكفة كمت ارجف و اعيط بلا شعور ... كتلها استحي ... عيب هالحجي انت مرة جبيرة ... شلون تتهميني وانت متعرفيني اصلاً ...؟كالت انت متعرفين انت منو ... انت ريم بنت فطيم ... من شفتج وانه حسيت دمج نجس و انت نطفة زنى ... و ابني يعرف انت بنت فطيم بس يغشم نفسه يكولي بنت عمي جاسم ...كتلها منو هذولة كالت عمتج ... الي مقشمريج يكولولج هذه عمتج ... المسودنة ... هذه امج وحان تشيل العوجية و تاشر عليه ... كالت امج باعت شرفها و خانت زوجها عم صخر ويه واحد عربنجي ... وسخ ... قذر ... و صرتي انت ... حاولت تطمطم فعلتها و تذبج براسنه بس مكدرت الحق سنه و الف سنه و يظهر ... و ظهرت الحقيقة و عرفنا هي مين حامل ... موش من زوجها يعني انت مو بنت حلال انت بنت حرام ... و اهلها طمطموا سالفتها خوفاً من سلمان جد صخر عليج وسجلوج باسم ابراهيم اخو فطيم ... اني صرت ارجف حيييل و بس اريد اطلع من البيت اني منو ... معقولة اني هذولة مو اهلي و اني بنت حرام ،،؟ معقولة هاي تحجي صدك ... كتلها انت تجذبين ... ماكو هيج حجي ... كالت ما اكذب و انه شفت امج فطيم وي غالب و ابراهيم يدري سألي الي كلتيلي بوية ١٨ سنه موش ابوج ... انت ابوج غالب العربنجي و امج فطيم المسودنه ... انت موش بنت ابراهيم تكررت جملتها الاخيرة براسي و جلدي كزبر من الحجته ... اني مو بنت حلال ... اني بنت حرام ... ليش هيج انداريت و اني منهارة و جريت الشال و مباوعت بعيني كلشي سودت الدنية مخنوكة اريد ابجي و مدا اكدر ... ركضت دا اطلع و جان تسد الباب بالعوجية و كلتلي ... عرفتي هسة ليش ما تناسبين شيخ صخر يا نطفة السوء .....سامر .....اني من اجاني تليفون من حسين زلمة صخر و كلي ترة ريم تعبانه كلش و لازم تجي تاخذهة اني تخبلت لان ادري بصخر مو بالعمارة ... ركبت سيارتي و طلعت وخابرتها متطلع ابد ... و لا تحجي وية احد لان ادري ام صخر ما حابتها ابد ... هذا الشيخ المطركع شلون عاف ريم وحدها هناك ... ما ادري وصلت للقرية و اتوجهت لبيت اهل صخر و جان اتفاجىء بريم تركض و تبجي بفرع بيت عيالها ... و حالتها حالة بطرك الدشداشة ... اني اتخبلت نزلت من السيارة و جيت ركض عليها و لزمتها من ايدها ... وهي تبجي عينها جامدات و دموعها انهار ... كتلها ريم شبيج ... احجي تباوع علية و تهز براسها كالتلي اني منو سامر ... اني انهاريت ... لا يا الله بس لا ريم عرفت ... كتلها شنو تقصدين ريم ... مجاوبت دتركض و اني جريتها من ايدها و هي وكعت بالكاع و ظلت كاعدة تبجي و تشيل تراب و تذبه على راسها و تلطم ... و تبحي و تصرخ لييييييش ... جريتها من ذواعها و صعدتها بالسيارة و ع السريع انطلقت متوجه لبغداد وهي ما سكتت سامر اني مو بنت حلال .. سديت حلكها بكفي و كتلها لا ... اسكتي ريم الحجالج كذاب ... باوعتلي و سكتت بس مفزوعه جان دكولي ... انت تعرف ... ؟ اني صرت اباوع ع الطريق و اعصابي نار ... جان تعيط كالت انت تعررررف .. اني مو اختك ..؟باوعتلها و بعيني دمعة ... و درت وجهي و ض*بت الاستيرن حييل وهي دكول نزلني هنا ... اني ما اعرفكم انتو منو ... اتهسرت ما اعرف شلون اسكتها... وعلى غفلة ظهرت سيارة و ع**ت علية و ض*بتني ... مدرت بال وصرت اتحاشى اصير بصفها و دا اطلعها و جان تطلع سيار ثانية و توكف بالعرض شحطت السيارة و وكفتها مظطر نزلوا مسلحين منها ٣ ... اني قفلت السيارة ومن ارتباكي حضنت ريم و غطيت عيونها ...حسيت هاي النهايةگلبي راد يوكف مو على نفسي خايف ... طز بيه ... هالبنية فوك صدمتها يطلعلنا سلابة هنا ... دك الجامة احدهم و كلي انزل ... اني ظليت كاعد و مشدوه ما اكدر افتح الباب و لا اكدر لا اكدر اعاندهم ... ها هي سامر قربت نهايتك و هالبنية المسكينة ...من شافوني اعاند واحد منهم ض*ب طلقة ع البنيد .... الثاني رزله وجوههم مو مكشوفة لابسين غتر و لافيها ... تقدم هذا الواكف يمي و جان باخمص الرشاشة **ر الجامة ...و ريم صارت تعيط اكثر فتح الباب و الثاني هم فتح باب ريم و نزلونه اني صرت اتلاوى وياهم ... صيحت و عيطت ما فاد ريم تعيط و تض*بهم بايدها ورجلها ... اثنين جروني كتلهم شرايدين فلوس والله انطيكم بس هدوا اختي ....محجوا ولا كلمة جروني و حطوني بسيارة بعد ما لفوا ايدي و غطوا عيني ... صيحت رررريم لا تاخذون رررريم ... اخذوني الي و عوفوا ريييم اسمع صوت ريم ابتعد و حركت بينه السيارة ........