قلب الصخر

الحلقة الثامنة

ريم ...اني فزيت كتله وانت بهالشكل؟؟؟ كلي اني طالع هسة مد ايده و كلي اسنديني ... سندته و حضني ...و حسين من الجهة الثانية ... گلبي يخفق كلش قريب علية و خشونته حسستني بالامان و فززت كل قطرة انوثة بيه غافية ... حسيت شي يوجعه لان عصر ايدي حييل و رغم هذا مكال ااااخ ..... كتله ليش طلعت مو ميصير ... كلي لازم اتم زواجنا لان راضي ما يكعد راحة ... اجة رفل ع السريع كال وين رايحين هو باوعله كله طالع عندك مانع ...؟صخر ...طلعت من المستشفى على مسؤوليتي ... لان بعده الجرح اخضر ... بس النومه مو الي .. لازم انفذ الي براسي ... قبل ميجبرني احد على واقع ميعجبني ...كتله حسين اخذ السويج و ودينه لبيتي ... وصلت للبيت و نزلوني ريم و حسين طبيت لكيت خال ريم و ابنه الجبير ... خالها ملامحه متغيره ... موش هذاك الانسان الطيب ... الي وافق على كل تصرف انه اتصرفته ... كلي اريد احجي وياك شيخ ... كتله انطيني مهلة اليوم و باجر يصير خير ... كلي لا ما تتحمل حجايتي تبات ... نظرات سامر الي و لريم غريبة حسيت بنيران گلبه لسعتني ... كلي خالها ... خلينه ن*دي اللعب و الزفة شوية نأخرها و اشرلي بعيونه على ريم ... انه افتهمت يريدون يحجون وياي بموضع ريم و نسبها ... كتلهم ثواني ... رحت للغرفة و وياي ريم ... كتلها انت ابقي هنا ... رحت كعدت وياهم و بدوا يتناوبون بالضغط علي ... خالهه كال ريم لازم ترجع ويانه لبغداد و ما اله داعي نكبر الموضع ترجع حياتكم مثل قبل ولا كأنه شفتهة ولا ابد ... سامر أيده و كال اي واني رح افهمها الموضوع و ابوية هم و بطريقة متخليها تنصدم ... و منبقيها هنا ... ناخذها برة لان شسوي بأب ما شافته سنين و ام مريضة عليشة ع المهدئات و حبوب الحالات النفسية ...؟ و شسوي بنسب ما رح يقدملها و لا ياخرلها ....كتله ... يواشك يالمعدل ... لا تلدغ بحجايتك ... ثمن كلامك ... اولاً ريم ابوها جاسم سلمان غانم و غصباً ع اليرضى و الميرضى و ثانياً نسبها رفعة راسها .. وهي بنت شيوخ لازم ترجع لاصلها و هذا ما بي كاف لام ..ثالثاً و الاهم ريم مرتي و ما اطلگها نهائي ... جان عندي قرار ان بعد ما اكمل الفصل و تهدا الطلايب اطلكها و اخلِ سبيلها ... بس انه مرتي ما اتنازل عنها و اليعجبه اهلاً و سهلاً و المايعجبه براحته ... و هذا كلامي الاخير .. وكفت و اباوع عليهم ... و همه يبادلوني النظرات ... وكف سامر و كلي ... لا تشوف نفسك عريس و مصدكها ... زواجك باطل يا شيخ ... كتله و ليش باطل ... اني بحضور والدك عقدت و هو و اخوك شهود ... و برضاة ريم ما غصبناها ..كلي.. طبعاً شتريد دكول ريم ... وافقت لان انت سويت هالحركات كلها علمود تاخذها ...انه شبت النار بيه و صرت بركان على وشك الانفجار ..عيوني ما كمت اشوفن بيها ... و جرحي ينبض الم و ما درتله بال ... بكد ما جرح وجولتي هالاعفس ... اندفعت اله و جريته من ياخته و عيني يتطاير منها الشرار ... كتله .. انت لو موش بيتي و ضيفي جان عرفت شاسوي بيك ... هاي الحجاية مرة ثانية كن دكولها افنيك و ما اخليلك حتى اثر ... اذا انت عندك هيج نوايا فمو كل الناس مثل نيتك ... ثار هو هم وجرني من ياختي و صرنا راس براس و عيني و عينه يبثن نيران لو تطلع من عدنه جان حركت البيت كله ... خال ريم يجر بابنه و يكله ابني مو وكتها ... هديت ياخته و حطيت بنظر الاعتبار همه ضيوفي ... كتله انه لخاطر والدك رح اتركك بس الك عندي حساب بس موش هالوكت ... عدل ثيابه وجان يكول .. اني رح اصارح ريم ... و اكوللهة الحقيقة ... وهي بهذاك الوقت تختار مصيرها لانها بالغة سن الرشد ... كتله و اعصابي وصلت ذروتها ... اياااااك ثم ايااااك ... ان سمعتك كايللهة فعقابك على ايدي و الوان ... و بعدين شوف دا اكللك و احذرك ... ريم حرمتي ... و انت ما تحللها ... ما تكعد وياها ابد و ان شفتك تحجي وياها ما تلوم الا نفسك ... و افضل ترجع مين ما اجيت لان سالف*نه انتهت ... خال ريم كال يعني شنو ياالشيخ تطردنه .. كتله انه موش طبعي اطرد ضيفي .. بس ابنك داس بمصاريني و انه ما ارتاح لوجوده ببيتي و مرتي ما يحلله... ويالخال انت على راسي اشيلك ..كلي لا لهنا وبس كافي اهاين ... اني طالع بس قبلها اخذ بنتي ما ابقيها هنا ... وراح للغرفة الي بيها ريم ...ريم ... تمددت جنت تعبانة و غفيت ... و ما احس الا على صوت الباب ينفتح قوي ... و يدخل بابا يعيط امشي ... كومي البس حجابج دنطلع ... و جان يدخل صخر وراه و توجهلي بسرعة و جرني من ايدي .. و وكفني وراه .. اني مدا افهم شنو القصة ... صخر كله محد يدنى من مرتي .. انه زوجها و انه مسؤول عليها .. بابا كام يصيح ... عقدك باطل .. بنتي متريدك ... بنتي انجبرت تقبل ... اني بلا شعور شلت ايدي و اتشبثت بصخر جلبت بذراعه حييل ... حسيييت شعور الامان الي اشوفه بعينه رح يغادرني ... حسيت الحنان الي حاوطني بي و الاهتمام رح يتلاشى ... ما اريد تنفوني عنه ... لا .. صخر هم لزم ايدي و عصرها حييل .. و كأنما سمعت منه اول عبارة كالها الي ...( ريم .. لا تخافين .. انه هنا ..) من اتعدى عليه راضي ... باوعلي بنظرة اول مرة اشوفها بعينه ... نظرة رجاء ... اي صخر الا ميتوسل باحد باوعلي بنظرة يتوسل ما اروح ... ما اعوفه... كتله بابا ما اكدر اجي وياك ... بابا انصدم .. باوعلي ... و باوع لصخر ... كلي انت واعية ... بابا ادري بيج تخافين منه و حجيتي هالكلام ... ريماتي بابا اعقلي و امشي ويانه ... لامج و لبيتج ... جان ابجي كتله ... بابا ما اكدر ... احس روحي تايهة و هنا استقرت ... تشبثت بذراع صخر اكثر و هو مغمض عينه و تنفسه صار سريع ... بس لاحظت شبح ابتسامه انرسمت على شفته ... ابوية صار عصبي كلي لا تعاندين ... امشي وياية انت متعرفين مصلحتج ... كتله لا اول مرة قراري احسه مريحني ... ما اكدر اعوف .... جان اسكت و اباوع لصخر هو فتح عينه و باوعلي يترجى اكمل عبارتي ... واني ما خيبته ظليت اباوعله و عيوننه سافرت سوية و نسينا نفسنه واني و بهالحال عيني شابكة عينه ... و روحي تشم روحه ... نطقت اسمه ..صخر ... اي نطقته .. اعترفت اله و للكل اني ما اكدر اعوفه ... عيوني اعترفت و قلبي اله صوت دوى و سمعه ... و تاكد فابتسم و دمعت عينه ... صخر .... من كالت ما اكدر اعوف ... و سكتت .. تمنيتها تنطق و دكول اسمي ... و ترجتها عيني ما تبخل بهالاعتراف ...يعني ريم تحبني مثل ما انه احبنهة ... يعني هي حلالي و مريتي وما يكدر احد يفركنه ... صوت نبضها وصل لاذني و اكدلي احساسي ... ريم تهواني و انه اهواها ... و اثنينه لايكلنه الهوى ... كالت اسمي و قريت بعينها التحدي ... و الحب ... و الشجاعة ... اي شجاعة لان واجهت خالها و كالت انه اريدن صخر .. و هذا عندي ملك الدنيا ردت اشيلها و ازرعها بين ضلوعي و ما اطلعنها بعد .. بس اخاف عليها من نبض گلبي ... خالها بچة و چان يكلها لا تكررين غلطة بحياتنا نتيجتها شقاء .. انه عرفت على يا وتر يدك .. قصد امها فطيم بيوم الي واجهت ابوها و اهلها كلهم من تزوجت عمي جاسم ... انه حسيت بي يريد يكوللها الحقيقة ... كتله رجاءاً ... انت سمعت خيارها و قرارها ... مرة تريد زوجها و لاكية الامان و الراحة وياه ... انت بعد ميحقلك تتدخل بيناتهم ... ما عندي وقت بعد كم ساعة الزفة و ما متحضرين ... حضرتك تحب تبقى اهلاً و سهلاً تريد تطلع الله وياك ... حسيت بريم انقهرت .. و ان**ر كلبها على خالها ... راحت تركض علي و هدت ايدي ... و شبكته و بجت ... كلتله سامحني بابا ... اذا تحبني لا تضغط علية اكثر اني مرتاحة ... هي تحجي وانه گلبي يدگ و بسرعة ... راد يطلع من ص*ري ... انه گلبي هواها لبنت عمي بس انه بالبداية كابرت ... و نسبت شعوري للشهامة و حنين الدم ... بس نبضي اله كلام ثاني ... عيوني الي تدمع من تحجي بعيونها ...هايمة بيها وانه اكول تعاطف و شفقة ... لا يالصخر قلبك لان و تفتت بايد هالغزالة ... انت هويت هالريم و هي هوتك ... خالها حس بالاهانة باسها من راسها و كلها موفقة باباتي ... و جان يباوعلي بنظرة ... كلي لا تكرر اغلاط اسلافك ... البنية امانة عندك واني موافق لانها موافقة و بارادتها راضية ... و خلي بالك اني ما اسكت مثل قبل رح اجي اكلب الدنيا على راسك لو انمست شعرة من بنتي ... كتله لا توصي حريص ... بنتك وياي بامان و محد يجرؤ يمس شعرة منها .. ولا حتى نظرة ينظرلها ... طلع من الغرفة وهي كعدت ع السرير تبجي ... وكفت كبالها وباوعتلها ... كتلها كومي اوكفي ... ما كامت ... جريتها من ذراعها بلطف و وكفتها كبالي ... مسحت دمعاتها و كتلها دمعتج لو طاحت ... ينكص يوم من عمري .. انت راضية اعيش ناگص عمر ... باوعتلي و جان تكول ... ازيده من عمري و لو ردت اخذه كله ... بس كون بخير ... اني وياك احس بامان ... كتلها وانه عمري ازيده لعمرج لو شفتج محتاجة الامان ... حضنتها و بستها من راسها ... و كتلها مريت صخر .. موش ضعيفة و دمعتها غالية ما تنزل على اقل الامور و ابسطها ... انت اختاريتي الصح .. وانه مفصّل عليج ... انت من ضلعي صرتي ... انت حزام سلاح اتباهى بي ... بعدتها عن ص*ري و كتلها رح اخابر حسين يجيب خالتي رباب تشوف احتياجات لليوم ..البارت الرابع عشر #قلب_الصخربقلم الكاتبة ديانا لا احلل النقل ابداًريم ... اني خطيت خطوة كلش جبيرة بحياتي ... و ما حسبت حساب احد ... بس حسبت حساب گلبي الي هوى شخص بفترة زمنية قليلة و اصعبها بحياتي ... بس شكد ردت اقنع نفسي هذا مو حب ... هذا اعجاب لشهامته و مواقفه و رجولته ... لكن ما فاد ... گلبي جان اله رد ثاني ... روحي الي هي اسيرته ..الها رد ثاني .. عيوني الي تترجم لغة عيونه جان الها رد ثاني ... ثارت عليه حواسي و دواخلي لما حاولت انفي هذا الاحساس واكول مو حب ... الجموني و خلوني اعترف وبصوت عالي اني اريده ... حتى ابوية الي رباني و تعب عليه مختاريته ... كفة صخر و نبضي اله هي الي دكت بميزان اختياري ... و ابوية نسيت زيناته بلحظة عشگ ... يجوز اني غلطانه... لا بل اكيد ... لكن اكو شي يشدني بصخر .. عيونه ... لا ... گلبه ... لا بعدني متكشفت على مشاعره ... حنيته ... يمكن ... اي يجوز حنيته الي خلتني ذايبة بين ايده و ناسية كل خلق الله حتى ابوية ... و اخوتي و امي كمت من مكاني الوب و بية غصة طويلة و خانكتني العبرة ... صورة ابوية وهو يودعني مدتروح بالي ... جتني رباب و شايلة كيس چبير و علاليك وياه و ضحكتها شكبرها ... انسانه وديعة و بسيطة كل همهة تخدم ابن اختها الشيخ و رضاه عندها بالدنية كلها .... كلتلي ياله عروستنه اشو انت ممتحمسة ... تعاي اراويج شجبت وياي ...صخر بنفسه اختارلج هالفستان اني وحسين رحنا و جبت ثلاث و من بينهم اختار هذا ... فتحته و اني انصدمت ع الجمال الي حمله ... الص*ر و الردان شفاف و منثور عليه كرستال ناعم و التنورة الجوة منفوشة و طبقات من التول هواااية وهم منثور كرستال ... صراحة هذا نفنوف الاحلام ... بس ما ادري ليش مفرحانة گلبي عاصرني ... ابتسمت غصباً عني افرح هالمسكينه الي واكفة تنتظر اشارة مني او اي مشاعر ... بعدين طلعت تكرمون الحذاء ... جميييل بمعنى الكلمة ابيض و نزاكة مابي اي ا**سوار لكن حلو ... و بقية العلاليك ملابس و عطورات و مكياجات مهتميت الها ... و بعدين طلعتلي علبة قطيفة چبيرة حمرا و فتحتها جان بي گلادة قاردول لف و بتوت سته و محابس ٢ و تراچي .. كالت الشيخ صديقه صايغ و هذا نيشانج ... كتلها هذا هواية ... كالت اكيد انتو مسويتوا عرس ببغداد.. من تزوجتوا العام .. افرحوا هنا و بلمتنه و فرحتنه بيكم يصير عرس احلى الاعراس لاحلى عروسين ... و جان تبوسني ... گلتلي اني فرحانه لصخر .. يستاهل كل خير ... عوضي تعبه و نسي مسؤوليات السنين ... انه ما احب اتدخل بس ترة صخر مو بالهين محافظ ع لقب الشيخ .. صخر كل دقيقة من حياته هي مو اله ... هي منذورة للحواليه و لهله و لافراد عشيرته ... تعبان يريد يخلي الكل مرتاح و على حساب راحته ... هي تحجي واني اسرحت بيوم الي ساعدني و جان الي منقذ و لوما هو جان اني انتحرت بعد الي جان راضي ناوي يسوي ... كتلها اي بس امه ما فرحانة اله و هذا رح يتعبه بالزايد ... كالت ام صخر صح صعبة بس ترة تهاب صخر كولش و تحسبله حساب ثكيل .... ويجي اليوم الي تقتنع و ترضى .. انت لا تشيلين هم .. كتلها الله يحنن گلبها عليه .. كالت امين ... كومي ياله شوفي نواقصج جان تغمزلي .. كتلها اي نواقص قصدج كل هذا الي دازه الي صخر و بعد اكو نواقص ..؟ جان تضحك .. كالت انه صح موش متزوجة بس ترة يمكن افهم اكثر منج ... ؟ كالت ياله انه رح اعوفنج تخلصين كل اموراتج وهم غمزت و اروح ارجع للبيت يحتاجوني ... علمود ورة متكملين اخذج للصالون نروح نزينج ... كتلها لا حبيبتي ميحتاج اني اسوي هالشغلات ... كالت تعرفييينكتلها اي اعرف شوية اسوي شعري و احط مكياج خفيف ... شكرا الج حبيبتي تعبتج ... باستني و هم وصتني على صخر و طلعت ... اني ظليت كاعدة مكابلة الغراض و صافنه ... معقولة رح اصير عروس والبس هالفستان ... بس استاهل اكون عروس،؟ و يفرح بيه زوجي .. واني اتعرضت لمحاولة تدنيس برائتي و انوثتي .. على ايد نجسة ... و جماله العريس هو نفسه الي شهد لهالكابوس و يعرفه كامل .. رح يعجبه يباوعلي لو هم رح يشمئز مني مثل ما اني مشمئزة و ق*فانه من روحي .. واني و دا افكر و بدت تنزل دموعي دك موبايلي برقم ... شلته و مصحت الو بس اسمع ... تمنيت لو المتصل امي .. اشكيلها .. اصارحها .. تمسح على چتفي بحنيتها .. تصبرني ... ترفع من معنوياتي ... تنفض ذرات الخوف الي سيطرت عليه ... لكن خاب مناي و الصوت رجولي ... هذا صخر ... صخر ... انه هملت المي و الجرح الي بچتفي ينزف بس قليل ... و مدرت بال اله ... التهيت بامور الزفة و عندي كم شغلة بالبيت سويتها ... جتي رباب و كلتلي شيخ ريم انطيتها الغراض كلهن مثل ما ردت .. كتلها و شلونها جانت .. كالت والله معجبتني لونها مخطوف وقهرتني مالها احد وبهاليوم تحتاج البنت ام لو اخت يمها ... كتله رباب اريدنج ما تعوفيها و ظلي يمها عوفي البيت بي ناس هواي غيرج يكملون شغلج وانت ابقي يمها ... للعصر حتى ادز حسين وياج و جيبوها لهنا لان ما انزف ببيتي الا هنا ..كالت اي ان شاءالله .. طلعت التليفون و دكيت رقمها الي جبته من مرت اخوي .. شالته و ما حجت بس انفاسها اسمعها و جانت انفاس بچي .. كتلها ريم تسمعيني .. كامت تبجي اكثر .. كتلها .. انه مو اتفقت وياج دموعج غالية علية بغلاة عمري .. ليش تأذيني ... انه ادري انت تحولت حياتج بيوم و ليلة ... بس انت بايد صخر بايد الي يبيع عمره و يحميج .. مسحي دموعج ... و لا تخليني اجي هسة و انه امسحهن .. احجي ولو چلمة ... صوتج الدافي وينه ... غزالتي ... ترة صخر موش سهلة عليه يظل يتوسل .. وهذه احد عجائب الدنيا..ياله طمنيني بحچاية حتى اروح اكمل شغلي و فد ساعتين و ادزلج حسين و رباب يجيبوج... جان تنطق و اخيراً كالت وهي تبچي .. صخر اني خايفة ...غمضت عيني حيييل و روحي شاغت من حجايتها .. كتلها (بس مغصوب مو من كل گلبي) هسة اخرب كلشي و ارجعج لهلج لو موش رايدة نكمل .. سكتت و انه انتظر جوابها على نار .. جنت خايف تهون .. و حنت لاهلهة و تريد ترجع .. طولت الثواني و ماردت جواب ... وانه مثل الطفل اتلهفت لجوابها ... كالت لا ...انه اتن*دت براحة كتلها لعد من شنو خايفة ... كالت ... اني خايفة من فكرة اكون عروسة ... انه صدك ضحكت ... هذه طفلة ..؟ معقولة تصارحني الي بهالفكرة .. ؟ كالت اشو تضحك ...؟ كتلها اولاً انه ما راح اكلج ... يجوز اشمنج و اغفيج بين ضلوعي و .... سكتت حتى اتلاعب باعصابها ...جان دكول بصوت ناصي و خايفة ... اي وبعد ...؟ هم ضحكت كتلها تريدين تعرفين بعد ... انتظري فد ساعتين و انت حتعرفين شرح اسوي بعد ... جان يجيني صوت ...طوووووووط طبكت التليفون غزالتي ... خايفة بعد روحي و ما عدها احد تشكيله انه كل ناسها .. تبسمت و حطيت چفي على ص*ري اهدي گلبي الي جان ينبض بجنون ... بعد الزفة الكبيرة و الحدث الي جان شاغل القرية كلها و حضور الاعداد الكبيرة من سكانها و تعبيرهم بالافراح و المسرات لشيخ الشباب شيخهم المقدام صخر ...صار وقت انتهاء الحفل و توديعهم اياه متمنين له زيجة العمر ومنه المال و من عروسه العيال.... دخل العروسان لغرفتهم ....ريم ..طببتني خالته رباب للغرفة و وياها بنات ام محسن يهلهلون و يكولون عبارات مال عرس واني ارجف هو جان برة كتلها رباب رح تعوفيني ؟؟؟ كالت چا شلون ابقى؟؟؟ ... وكاموا يضحكون ... و كلتلي لا تخافين ترة انتو متزوجين قبل لا تعيشين اللقطة ... و خلتهم يضحكون و طلعوا ... ظليت كاعدة افرك بيدي و اتمنى ميجي .. الغرفة جانت تخبل بكل تفاصيلها اثاثها و ستائرها الوانها بالوان الزولية و الحيطان مصبوغة كريمي ... وحاطين بالكاع دوشك ... ابو نفر .. مهتميت عفته و صينية عشه مشاوي و كاسة طرشي و تمن وعليه شعرية و فوكاه لحم ... و زلاطة و لبن و خبز .. ويمه علبة حلويات و ماعون كرزات و عصاير .. اني اباوع ع الصينية و نفسي لعبانه ... صخر ما رح يعدي اليوم چنه على خير .. اشو سواها صدك ... هذا و محضر كلشي ... و جان تنفتح الباب ... و يدخل هو ... اني عصرت ايدي و غمضت حيييل ... سد الباب و ظل واكف ... جنت منتظرة يهجم عليه ... هيج خليت ببالي ... لان عليش الدور كولش بدلة و مزايق و ناس ركصت علما كالت بس و هلاهل و فرشة و عشا شبقة ....؟ فتحت عيني و انتبهت من ورة البرقع بعدة واكف و يباوعلي ... لابس دشداشة بيضا و غترة بيضة و عگال و عباية على جتفه و ساعة ذهبية بايده اليسرة و محبس باصبعه الزغير .... كل تفاصيله شفتها و حفظتها و بالاخص عطره الي ملأ الغرفه و صار بدل او**جيني ... حفظته بين ضلوعي ... اجة تقدم ببطيء و كل ميخطو خطوة گلبي يخفق اكثر و روحي تشتاگ اكثر ... خايفة و مو خايفة .... خايفة و هذا شعور الخوف الي ينتاب اي بنية بليلة مثل هذه ... و مو خايفة ... لاني وجدت الامان بشخصه و چفه ....مد ايده و گلي انطيني ايدج ... ترددت بالبداية لكن قربه الي خلاني امسح هالتردد من اركان روحي بكل رضا سلمته ايدي ... شلت راسي و باوعته و ع السريع دنكت ... جرني من ايدي و وكفت ... شال البرگع و ظل يباوعلي ... اني جنت حاطة مكياج خفيف و سرحت شعري و هديته ... فضلت ع الطبيعة اكون ... گلي ... سبحان الرسمج لوحة ...انت اية وانه ارتلچ ... ماكو غيري اليعرف تفسيرچ ... انت نجمة وانه بس الوحج .. وبس الي يسطع ضواج ... انت نبض بگلبي سكن من سنين ... انت زهرة بضلوعي زرعتج ... اني استحيت يا ربي شنو هالكلاااام ...جان ينصي و يبوسني من راسي ... گلي من اليوم انت حرمة صخر .. صخر الي يفديج مو بس بالمال ... بروحه و براحته ... واذا شفت دمعة تدهدرت من هالعين .. انگلب ذيب و اكل البچاج ... ضحكت جان يكولي و بصوت حنين اعجبنج من اگلب النبض چلمات ... انه انشيء لغة واخليها بأسمچ ... كتله كافي خجلت ... جان يشيل البركع و رجعة عليه و علي وصرنا اثنيننا جواه و نصى و باس عيني گلي اذوبن بخجل هالعيون ... ضحكت جان ينصي و باس شفتي تفاجئت بس بوسة زغيرة گلي اطيرن و بلاية جنحان من تنرسم بسمة على هالشفايف ... نزلت راسي وجان يرفعه من حنجي و باس حنجي ونزل على ركبتي و شمها ... اني بعد ما كدرت وخرت ليغاد .. و هو راسا وكف و ابتعد .. شافني ارتبكت .. وكمت افرك بايدي ... هو صح نساني ... الي مريت بي بكلماته الحلوة .. بس ما اعرف شجاني و تذكرت هذاك اليوم ... صخر ... بعد ما مليتها حنان و حب نابع من اعتق نهر بگلبي الي جان مهجور و هي الحورية الوحيدة الي سكنته ... شفتها ارتبكت و وخرت غاد ... انه راسةً تذكرت لازم اراعيها و امهدلها ... واذا شفتها ما تريد نهائي ما اقرب الها ... الى ان تنسى و تتحسن ... مديت ايدي و بلطف على ايديناتها الي من الارتباك و الخوف صارت تفرك بيهن ... لزمتها و جانت باردة ... كعدت ع السرير و كعدتها بصفي ... صرت اسمع نبضها ... و نفسها المرتعب ... حطيت ايدها على ص*ري و كتلها موش وحدج احاسيسج ثايرة ... انه جواية زلازل و بركان ... كتلها شوفي يالغزالة ... انه صح يهابني كل الناس و يرتعب مني الجبير قبل الزغير ... بس ترة انه وي هذا و اشرتلها على كلبها ... اصيرن خاتم اهنا وجان ااشر على اصبعها ... و انه عد وعدي ... اي حقوق زوجية منج ما رايدها الا برضاج ... و ما راح اتكلم بيها نهائي ... و محاللج و واهبج الى ان انت تبادرين ... اطمأنت و رفعت راسها و انفاسها انتظمت .... كالت يعني انت ما راح .... وجان تسكت ... كتلها اي ما راح اتدنى الج الا برضاج ... موافقة ..؟ وهسة گومي جيبلي عشة لان جوعان ... كامت وكفت و جان تنصي على راسي وباسته ... كالت الله يحفظك ... و يعافيك و جان تلزم صفحة چتفي المصاب وانعصرت كتلها لا لا تلزمي يأذيني ... وخرت العبا و جان تشوفه ينزف ... اندهشت وكالت صخر انت تنزف ..............