"Hayop ka talaga! Akala mo ba mapapalayo mo kami ng anak ko?!"
"Tumahimik ka! Kahit kailan ikaw ang malaking hadlang sa buhay ko!"
Napadilat ang mata ni Blaise nang marinig niya ang mga nagtataasang boses na yon. Napalingon siya. Iwan niya kung panaginip lang ba yon, naalimpungatan lang siya o hindi kaya'y totoong pangyayari. Para kasing totoo. Pero wala naman siyang narinig pang ingay. Tahimik ang buong paligid.
"Nasaan ako?!"
Napalingon siya at sinipat-sipat ang buong silid. Hula niya ay nasa building pa rin siya , nasa ibang kwarto lang.
Tumungo siya sa pinto, pero duon lang niya napansin na nakakadena pala siya. Nanlaki ang kanyang mata, ngayon lang niya napansin na siya'y nakatali na pala. Tama, naalala niyang may pumukpok sa kanyang ulo nang dinadala na sana niya ang vault palab
