“Ang ganda-ganda mo, Ma’am! Ang ganda rin ng suot mong gown! Paniguradong mas lalong ma-i-in love si Sir Avi sa ‘yo niyan!” masayang komento ni Emma kay Piper nang matapos itong makapag-ayos.
Napangiti naman si Piper habang pinagmamasdan ang sarili sa salamin. Magkahalong kaba at excitement ang nararamdama niya ngayong araw ng kasal niya. Alam niyang naikasal na sila ni Avion noon ngunit iba ito kumpara sa nauna. This time, alam nila ang nararamdaman ng isa’t isa na mas nagbigay ng magandang kahulugan sa araw na ito.
“Kinakabahan ako, Emma. Kasal na kami ni Avion at uulitin lang naman namin iyon ngunit hindi ko mapigilang kabahan. Bukod pa roon, hindi ba halatang wala akong maayos na tulog? Hindi kasi ako nakatulog kagabi dahil sa kakaisip ng araw na ito. Hindi na rin ako sanay na hindi
