Pagkarating ko sa condo ko ay nagpahinga muna ako. Nakakapagod iyong byahe kahit na nakaupo lamang naman ako sa ilang oras na byahe ko. Iniisip ko na hindi naman ito iyong pisikal na pagod. Siguro ay dala ng pagod sa pag-iisip dahil sa mga bagay-bagay kaya ako ganito.
Naalala ko iyong iniisip ko kanina. Na hindi nga pala ako dinadatnan ng halos dalawang buwan. Kaagad akong napabangon sa aking pagkakahiga at nagdesisyon na lumabas muna ng unit ko. Wala sina Noah dahil may iniutos ako sa kanilang kunin sa bahay namin dito sa Manila.
Pumunta ako sa Watsons dahil mayroon nito sa supermarket sa baba ng aming condo. Bumili ako ng pregnancy test kit. Ilan din iyon para kung sakali ay hindi lang isang take ko magawa. Gusto kong makasigurado kahit na hindi naman imposible.
Sa tuwing may nangyaya
