Kaagad akong pumunta sa nasabing ospital. Hinanap ko ang kinaroroonan nilang silid at nakita ko nga roon si Tito Maurice. May mga kausap siyang ibang tauhan nila at nang matapos sa pagbibigay ng instruksyon ay kaagad niya itong pinaalis. Mukhang nagsisimula na sila sa paghahanap kay Maui.
“Dad…” Kaagad ko siyang nilapitan nang maging bakante siya upang malaman ang detalye. Mabigat ang aking paghinga dahil sa pagmamadali ko kanina makarating lang dito.
“Ang sabi nina Noah at Gilbert sa akin ay papunta si Maui sa Lucena kaninang umaga. Dalawang sasakyan ang dala. Ang isa ay kung saan nakasakay si Maui at ang pangalawang sasakyan ay mga tauhan upang mag-escort sa kanya. Nang makarating sila sa medyo liblib na daan ay may humarang sa kanila. Nang una ang sabi ay checkpoint. Kinatok ang binta
