SEIS
Pagkatapos nang ginawa nilang pamamasyal ay napagkasunduan nilang mag-hiking. May nakapagsabi sa kanila na may gaganaping event sa kalapit na bayan. Pagkauwi nila sa bahay-bakasyunan nina Ashley ay agad nilang inayos ang mga dadalhin, napagkasunduan nila na mag-camping na rin doon at bukas na umuwi.
“Zev ready ka na?” tanong sa kanya ni Maddie na bigla na lang sumulpot sa pinto ng kuwarto niya.
Tumango siya. “Oo, isang gabi lang naman tayo doon kaya okay na ‘to,” sabi niya sabay sara ng hindi kalakihang backpack.
“Marami daw tao doon mamaya dahil may dadalong sikat na banda, kaya kung ako sa'yo magpapaganda ako,” nakangiting wika pa nito na lumapit sa kanya.
Tumawa siya ng mahina. “Hindi ko naman na kailangan pang magpaganda,” pabiro niyang tugon dito.
“Hmph! Ikaw na ang magand
