Ikawalo na ng umaga buhat ng magising si Alexandra sa mahimbing niyang pagkakatulog. Dahil sa nakararamdam na ng gutom si Alexandra mabilis siyang bumangon sa kaniyang higaan matapos niyang mag-inat habang nababakas ang matamis na ngiti sa kaniyang labi. Kasabay naman nito ay mabilis na nagtungo ang dalaga sa banyo upang makapanligo na para makakain na siya ng umagahan. Bagamat nagtataka si Alexandra dahil hindi man lang siya ginising ni Cameron hindi na lamang niya ito pinansin at nagpatuloy na lamang sa kaniyang panliligo. Hindi pa nagtagal ay natapos na ang panliligo ni Alexandra ngunit hindi pa rin mawala sa dalaga ang pagtataka lalo na’t hindi pa rin nangungulit sa kaniya si Cameron. Sa pag-aakala na tulog pa ang binata walang sinayang na oras si Alexandra at mabilis na nagbihis bago
