Sa kwarto kung saan namamalagi si Zachna nagkalat ang mga basag na bubog, habang nangangalingasaw ang amoy ng alak na bumabalot sa loob ng silid ng dalaga. Samantalang daig pa ni Zachna ang nakipagsabunutan dahil sa gulo-gulo na rin ang buhok niya. Bagamat napupuno na ng kalat ang loob ng kaniyang kwarto hindi na ito ininda pa ng dalaga, lalo na't nababalot ng galit ang kaniyang puso dahil sa palpak ang plano niya. Bukod dito, hindi rin akalain ni Zachna na mapapaikot siya sa kamay ni Cameron, sapagkat ang buong akala niya ay sumasang-ayon lamang sa kaniya ang tadhana pero nagkamali pala siya. Kaya naman hindi mawala-wala ang inis na bumabalot sa puso ni Zachna dahil sa nangyari. Hindi rin niya lubos maisip na makikialam din ang pinsan ni Cameron na siyang dahilan bakit pumalpak ang pinag-
