Halos mag-iisang lingo na rin simula ng may mangyari sa kanila ni Lucas. Palagi itong nagtetext sa kanya sa umaga, o bago siya umuwi sa hapon.
Wala naman siyang nakikitang masama sa pagkamusta nito sa kanya kaya nirereplyan naman niya ito kahit papaano.
Pero ngayong araw ay iba ang ibinungad na text nito sa kanya.
Lucas: Hi, good morning. Maxine, can I invite you for a dinner?”
Medyo nasamid pa siya sa kapeng iniinom niya ng mabasa ang text nito sa kanya.
Muli, napaisip na naman siya. Okay lang naman siguro kung pagbibigyan niya ito. Dinner lang naman, hindi ba?
Hindi agad siya nagreplay at tinimbang pa niya ang sasabihin niya dito, ng bigla ay tumunog naman ang cellphone niya.
Lucas: Please…
Doon na siya tuluyang nawalan ng sasabihin at nireplayan na lang niya ito ng isang simplen
