KINABUKASAN ay taas noo na naglalakad si Sabina sa palapag ng opisina ng Valle Constructions. Hindi niya inalintana ang nagtataka at mga nang-uusig na tingin ng mga tao sa kanya---pamilyar man iyon sa kanya o hindi. Gusto niyang mapataas kilay pero pinigilan niya. Siguro ay ilan sa mga ito ay nakakilala sa kanya at nagulat na ngayon ay naroroon ulit siya. Noong magkarelasyon pa sila ni Grimson ay madalas na isinasama siya nito sa opisina kapag wala naman masyadong ginagawa. Sa mga company parties ay madalas rin siyang kasama nito kaya nakilala na niya ang iba.
Hindi pinansin ni Sabina ang mga kilos. Normal naman na magulat ang mga ito sa pagdating niya. Wala rin na masama sa suot niya na disente naman---summer dress na pinatungan niya ng cardigan at flat shoes. Isa pa, may dahilan kung ba
