LUMIPAS ang isang linggo. Nang Sabado ay pumasok ulit si Sabina sa klase, magandang-maganda ang ngiti. Naging maganda kasi ang nangyari sa weekdays niya. Dahil nagresign na sa trabaho para maka-focus sa career na talagang gusto niyang gawin ay libre na ang mga araw niya. Sa nakalipas na mga araw ay nakatapos siya ng nobela at may malaking pakiramdam siya na papasa iyon. Feel na feel kasi niya ang sinusulat niya. Nang ikuwento niya iyon kay Celine ay sinabihan siya nito na inspired raw siya. At tama naman ito.
Grimson inspired her.
Na-excite si Sabina na makita ulit si Grimson dahil alam na niya ang mangyayari. Ma-i-inspire na naman siya. Gusto niyang makita ito. Hindi naman siya nito binigo. Pumasok ito sa fire exit ng lunch time. Sa pagkakataong iyon, lunch box na ang dala nito at hindi
