SUNSET
Pagkatapos maging tampulan ng tukso ay tumahimik na ako. Hindi ko na rin nagawang tapunan ng tingin si Ryker na abala ng nakikipag-kwentuhan sa mga kaklase ko na parang wala itong sinabi na nagpa-kabog sa dibdib ko.
Nanatili pa kami sa bahay ni Rain ng ilang minuto. Hiningi naman ni Karen, leader ng grupo ang mga social media account ng iba na hindi pa niya kaibigan sa account niya para gumawa ng group chat. Ire-recall niya sa group chat ang mga eksena namin. Hindi na kasi magpa-praktis sa Linggo dahil may tiwala siya na magagawa namin ng maayos ang eksena sa Lunes.
Pagkatapos niya kaming ma-add isa-isa sa group chat ay pinasya naming maghiwa-hiwalay na. Nang lumabas kami ay kaagad na nakaagaw sa amin ng pansin ang itim na magarang sasakyan. Ito marahil ang sinasabing Lamborghin
