SUNSET
Paglabas na paglabas ni Ryker ay matapang kong hinarap si Lorrie. Nasa harap kami ng professor at classmates namin kanina kaya hindi ako nag-react at inisip ko na lang na kasama ‘yon sa acting niya. Pero ngayong wala nang makakakita sa ‘min ay hindi ako papayag na hindi marinig ang dahilan niya kung bakit wala akong kaalam-alam na may gano'n pala siyang plano sa eksena.
Siya lang talaga ang nakakaalam ng eksenang iyon dahil tinanong ko si Karen at ang mga kasama ko sa grupo kung kinausap ba sila ni Lorrie tungkol sa sampalan na magaganap. Katulad ko ay wala rin silang ideya sa ginawa ni Lorrie. Pare-pareho kaming nagulat dahil wala kaming kamalay-malay na gagawin pala ni Lorrie iyon. Kaya nandito ako ngayon sa harap niya para komprontahin siya.
“May galit ka ba sa ‘kin, Lorrie?
