البارت الاخير

4718 Words

الحاج احمد اخدهم وروحوا وصلوا البيت وسعاد اخدت ليليان ودخلت اوضه زين ووقفت قدمها بابتسامه : دى اوضة زين ياحبيبتى غيرى هدومك براحتك عبال مااحضر العشا ليليان : طيب هاجى احضر معاكى العشا وبعدين اغير هدومى سعاد طبطبت على كتفها : لا ياحبيبتى ارتاحى انتى شكلك تعبانه انا هحضر الاكل تاكلى وتنامى خرجت سعاد وليليان بصت حوليها ولفت نظرها صوره لزين مع واحده متعلقه فى برواز قربت منها وبصت على ملك : انا حاسه انى شفتها قبل كده والله مانا عارفه مالى لو ماكنتش فاكره بابا وكل حاجه فى حياتى قبل الغيبوبه كنت قولت انى فقدت الذاكره رجعت وقفت قدام السرير واخدت الشنطه الى عم حسن جبهالها معاه وطلعت هدوم ووقفت تغير وتفكرها كله فى زين ********************** سعاد دخلت المطبخ ووقفت تحضر الاكل دخل عليها الحاج احمد:ها ياأم زين خلصتى الاكل سعاد ردت عليه بزعل : اه قربت اخلص احمد استغرب قرب منها وبصوت واطى : مالك ياسعاد بتردى عليا من غير نفس ليه سعاد لفت وبصتله قوى : مش وقته يااحمد الناس بره اطلع للراجل الى قاعد لوحده بره وانا خمس دقايق والاكل هيجهز على السفره احمد بصلها وحاول يفتكر يمكن يكون عمل حاجه زعلتها ولما زهق طلع لعم حسن بعد ساعه كانوا خلصوا اكل وليليان قامت ساعدت سعاد وعملوا الشاى وقاعدوا شويه يرغوا سعاد بصت على ليليان لقتها بتنام على نفسها صعبت عليها دخلتها تنام والحاج احمد دخل عم حسن اوضه ياسين ودخل هو كمان ينام بس معرفش ينام استنى لما سعاد دخلت وقام قعد وبصلها مستنى يعرف مالها بس متكلمتش ودخلت السرير تنام من غير ولا كلمه بصلها قوى : طيب ممكن اعرف انا عملتلك ايه سعاد قامت زى القنبله الى شادو منها الفتيل :مش عارف عملت ايه بقى بعد العمر الى عشته معاك على الحلوه والمره وعمرى ماخبيت عليك اى حاجه حتى لو هايفه تطلع انت الى بتخبى ودارى عليا يااحمد احمد برق من المدفع الى انفجر فيه : اهدى ياحاجه بس وفهمينى انا خبيت عليكى ايه بس سعاد بنرفزه : اعملهم عليا ياخويا واعمل نفسك مش فاهم حاجه وغلبان وانت سوسه احمد: انا سوسه هى وصلت لكده وخبيت عليكى ايه انشاء الله اكنش اتجوزت وانا مش عارف سعاد ض*بت على ص*رها : اهو ده الى ناقص تتجوز عليا مش كفايه خبيت عليا ان زين ابنك بيحب ومن بعدها خبيت عليا انه فى خطر وفى ناس عايزه تموته وانا زى الاطرش فى الزفه احمد فهم هى قالبه بوزها ليه : مين الى قالك الكلام ده سعاد : ياسين وقالى انك كنت عارف احمد فى سره : اه ياياسين يابن الكلب اما اشوفك بتحطنى فى وش القنبله ماشى سعاد بصتله ورفعت حاجبها : انت بتقول ايه احمد : ولا حاجه بقول لا اله الا الله سعاد : محمد رسول الله احمد : والمطلوب منى دلوقت !!! سعاد : انا عايزه افهم كل حاجه مين الى عمل فى ابنى كده وعرف ليليان امتى وازاى وكل حاجه احمد : بس انا عايز انام طيب بصى هحكليلك كل حاجه الصبح سعاد : والله يااحمد لو ماحكتلى دلوقت كل حاجه لاكون سا احمد بسرعه : باااس متكمليش هقولك كل حاجه وامرى لله سعاد انشكحت : سامعنى احمد : الحكايه كلها ان ابنك ......... وبدأ يحكلها كل حاجه من اول مازين بلغ عن معتز لحد لما طلعت ض*به بالنار **************** النهار طلع وليليان صحيت اول واحده قامت غيرت وطلعت مكنش حد صحى فضلت تلف حوالين نفسها كانت هتتجنن وتنزل تروح لزين بس هتعمل ايه الساعه ليه سته والكل نايم شويه ولقت ابوها طلع هو كمان بصلها وابتسم : صباح الخير ياقمرى راحت باست خده : صباح النور يابابا عم حسن : ايه الى مصحيكى بدرى كده مش عادتك يعنى ليليان اتحرجت : مافيش قلقت عم حسن بصلها بنص عين : قلقتى ااه طيب انا داخل اريح بدال ماحدش صحى ليليان مسكت ايده بسرعه : بابا استنى عم حسن بمكر : فى حاجه يابنتى ليليان بلعت رقيها بالعافيه : انا . .. انا كنت ... انا يعنى كنت عايزه انزل عم حسن : عايزه تنزلى تروحى فين بس يابنتى هو احنا نعرف حد هنا ليليان اتن*دت وقالتلوا بسرعه : عايزه اروح اطمن على زين عم حسن ابتسم : طيب ماتقولى كده على طول بس هتنزلى ازاى دلوقت لوحدك وانتى ماتعرفيش حاجه هنا ومينفعش ننزل من غير مانعرف الناس عيب ليليان مش عارفه هتروح ازاى وعماله تفكر شويه والحاج احمد طلع من اوضته لقاهم قدامه ابتسم : صباح الخير ياجماعه الاتنين ردوا: صباح النور احمد : ايه صحيتوا بدرى ليه كده كنتوا ريحوا شويه لسه بدرى عم حسن : بدرى من عمرك انا متعود بصحى بدرى كده طول عمرى احمد : وانا كمان متعود اصحى بدرى مع انى بنزل شغلى الساعه تسعه (وبص لليليان ) طيب كنتى ريحتى شويه انتى يابنتى شاكلك مانمتيش كويس ليليان : لا ياعمو نمت الحمد لله عم حسن : طيب احنا كنا عايزين نروح نطمن على زين احمد بصلها وابتسم وعرف هيا مانمتش ليه : انا كنت نازل اصلا يالا بينا ليليان : طيب طنط سعاد مش هنقولها سعاد خرجت من الاوضه لبسه : انا اهو ياحبيبتى متحرمش من سؤالك احمد : طيب يالا بينا وناخد فطار نفطرهم معانا ون**ب فيهم ثواب كلهم ضحكوا ونزلوا راحوا على المستشفى ****************** عند زين كان لسه نايم لانه منامش طول الليل من الالم واخد مسكن كذا مره لحد مانام وصلوا كلهم المستشفى ويادوب هيدخلوا لقوا ياسين خارج من الاوضه احمد وقف قصاده : زين عامل ايه يابنى ياسين : كان تعبان قوى بليل ومنامش الا الصبح عم حسن : خلاص ياجماعه بلاش ندخله دلوقت خلوه مرتاح ياسين بص على ليليان الى احبطت لما ابوها قال كده بص لامه وغمزلها عليها سعاد فهمت سعاد : طيب تعالوا ننزل نقعد فى الكافتيريا عبال مايفوق وانت كمان ياياسين تعالا معانا ياسين : بس مقدرش اسيبه لوحده سعاد : بس انت ماكلتش حاجه من امبارح يابنى طيب انزل وحد فينا يقعد جنبه عبال ماتفطر (وبصت لليليان ) معلش ياحبيبتى تخليكى معاه عبال بس ما افطرهم واجيلك ليليان فرحت بس مابينتش : حاضر ياطنط عم حسن بص لسعاد وياسين وفهم ان ده كله فيلم علشان يخلوا ليليان معاه ابتسم ونزل معاهم ليليان دخلت بالراحه على زين وراحت قعدت جنبه وفضلت بصاله كان وحشها قوى فضلت عينها عليه ومن غير ماتحس رفعت ايدها وملست على شعره ونزلت بايدها على خده زين حس بيها وفضل ممثل انه نايم بس مقدرش يمثل كتير لانها كانت وحشاه هى كمان قالها وهو مغمض عنيه بصوت هادى جدا : هو انا وحشك قوى كده ليليان اتحرجت ووشها جاب الوان وقامت وقفت بسرعه زين فتح عنيه بصلها ومد ايده مسك ايديها وشدها بالراحه تقعد تانى : وحشتينى قوى على فكره ليليان ابتسمت وبصت على ايده الى لسه ماسكه ايدها ورجعت بصتله تانى : عامل ايه دلوقت ياسين قال انك كنت تعبان بليل زين بصلها بحب : كنت تعبان شويه بس دلوقت بقيت كويس قوى لما شوفتك ليليان اتحرجت وبدات تتوتر : انا .. انا كنت قلقانه عليك امبارح قوى زين ابتسم : بجد كنتى قلقانه عليا !!! ليليان لسه على احرجها : اه زين : ليه ؟ ليليان : ليه ايه !!! زين بمكر : ليه كنتى قلقانه عليا ليليان اتوترت اكتر : علشان ... علشان انت قصدى يعنى كنت هتموت بسببى فانا كنت يعنى قلقانه عشان كده زين بصلها قوى: يعنى انتى كنتى قلقانه عليا علشان كده بس ليليان سكتت ومردتش زين بوز وبص الجنب التانى رفعت وشها لقيته زعلان ندهت عليه مردش عليها مسكت ايده وكلمته تانى: زين انت زعلت منى زين رد بزعل وهو لسه باصص الجنب التانى : وهزعل ليه ليليان : انا مكنش قصدى والله دانا كنت اموت لو حصلك حاجه زين لف وشه بصلها : كنتى هتزعلى عليا علشان موت بدالك يعنى كتر خيرك والله ليليان هزت راسها بلا : مش علشان كده زين : اومال ليه ليليان بصتله : من يوم مافتحت عنيا من الغيبوبه وشوفتك وانا حاسه انى اعرفك وقلبى كل لما بااشوفك يفضل يدق كانه عارفك وحافظ كل حاجه فيك بس عقلى واقف ومش عايز يقولى اعرفك منين زين مسك ايديها تانى : يبقى تخليكى مع قلبك بدال هو عارفنى وعايزنى زى مانا كمان عايزه وبحبه ليليان : هو انا ممكن اسالك على حاجه زين : اسالى ياحبيبتى ليليان بغيره مش عارفه تدريها : هو انت كنت بتحب مراتك الله يرحمها زين غمض عنيه ورجع بصلها : اه ياليليان كنت بحبها وعمرى ماهنساها ليليان سحبت ايديها وكانت هتقوم زين مسك ايديها تانى وقاعدها : اسمعينى ياليليان انا عشت مع ملك سنه جواز وقبلها كنت اعرفها سنتين كانت اطيب انسانه ممكن تقابيلها كانت بتهتم بيا وبسعاتي اكتر من اى حد فى الدنيا يوم ماماتت كنت حاسس انى موت معاها وسبت البلد كلها علشان افضل على ذكرها بس ربنا كان كتبلى ان اشوفك واحبك ولما حاولت اكدب حبى ليكى تخيلى انها قالتلى انى بحبك وانك انتى الى هتخلينى اعيش تانى ليليان استغربت : قالتلك ازاى !!! زين افتكر الحلم : جاتلى فى الحلم وشاورت عليكى وقالتلى خليك معاها انت بتحبها ليليان سهمت : معقول !! زين : اه والله حتى وهى ميته كل الى همها سعاتى ليليان بصتله بوجع: وهو انت فعلا سعاتك معايا يازين زين قرب ايدها من شفايفه وبسها : انا عمرى ماتخيلت انى ممكن احب حد كده حتى ملك حبى ليها ماكنش كده ليليان : بس انت لسه قايل انك لسه بتحبها زين ابتسم : ابقى قليل الاصل لو نستها واعتبرتها ماحصلتش فى حياتى وساعتها هتقولى عليا مابتطمرش فيا العشره وهتخافى منى ليليان : معاك حق الانسان لازم يحافظ على زكريات الناس الى عاشت معاه وضحت علشانه زين : اد*كى قولتى زكريات محدش يقدر يمحى زكراته بس بنعمل حاضر ومستقبل (وبص فى عنيها )وانتى مستقبلى ومش عايز غيرك ليليان عندها مليون سؤال بس اهم سؤال عندها دلوقت ولازم يرد عليه : عرف*نى ازاى يازين الى فهمته ان بعد مالحقتنى ونقلتنى المستشفى رجعت القاهره ومرجعتش الا بعد ماملك الله يرحمها يبقى ازاى عرفت مكانى زين مش عارف يقولها ايه ومش ضامن رد فعلها لو عرفت الحقيقه فكر فى كذبه يقولها ويخلص من الموضوع ده : انا هحكيلك لما سافرت اسكندريه كنت تعبان جدا ومش عايز اشوف حد نزلت الاول فى فندق وبعدين قررت ااجر شقه وافضل فيها فتره ولحظى اجرت شقتكم واعدت فيها وكنت (وسكت شويه يفكر ) ليليان بصتله ومستنيه يكمل : وبعدين عرف*نى ازاى زين بصلها : كنت بفكر اشترى الشقه وكلمت السمسار الى اجرهالى وادانى رقم عم حسن وطلبت اقا**ه واتكلم معاه وعرفت انه مأجر الشقه لفتره بس وحكالى حكايتك وساعتها انا افتكرتك وعرفت ان انتى الى جبتك المستشفى ومن يومها بقيت كل يوم اروح اقعد مع عم حسن ولقيت نفسى حبيتك بقيتى كل يوم معايا ليليان : معاك فين زين اتوتر: فى الحلم ليليان ساكته بتحاول تستوعب ازاى حبها وهى نايمه لا حاوله لها ولا قوه لما سكوتها طال زين عرف انها مش مصدقاه حاول يشغل تفكيرها بعيد عن الموضوع ده زين رفع ايديها حطها على قلبه بالراحه وبصلها : لى لى قلبى ده بيحبك ازاى وامتى مش مهم المهم انى بحبك ومش عايز منك غير انك تكونى معايا طول عمرى ليليان بصتله قوى معقول عايز يتجوزها زى ماهى فاهمه وقبل ماتكلم قالها : تتجوزينى يالى لى ليليان ساكته ووشها احمر ونقظها دخول سعاد وعم حسن والحاج احمد قامت وقفت محروجه انها كانت قاعده جنبه على السرير سعاد راحت عليه : عامل ايه النهارده ياقلب امك زين مسك ايدها باسها : احسن الحمد لله عم حسن بص لليليان لقاها وشها كله احمر بس لزين وغمزله عليها بمعنى افتكرت حاجه زين شاورله لا واتكلم : عم حسن انا هطلب منك حاجه وعارف ان مش وقتها بس عايز اعرف رأيك عم حسن فاهم : اطلب عنيا يازين ماستخسرهمش فيك ابدا زين : ربنا يخليك ياراجل ياطيب (بص لابوه وامه ) انا عايز اتجوز ليليان سعاد واحمد فرحوا جدا وعم حسن ابتسم : اذا كان عليا مش هلاقى حد احسن منك يحافظ عليها ويكرمها بس المهم رأيها ليليان ساكته وباصه للارض ومش باين على وشها اى رد فعل سعاد راحت عليها لانها بعد مااحمد حكالها عرفت ان ليليان مش فاكره زين ولا الى حصل معاها وحست بيها مشوشه قربت عليها ومسكت ايدها : ليليان حبيبتى ممكن تيجى معايا شويه بره ليليان رفعت وشها بصتلها وشاورت براسها اه خرجوا الاتنين واقعدوا جنب بعد ليليان وشها فى الارض وعماله تفكر ياترى زين فعلا بيحبها ولا عايز واحده تنسيه مراته وخلاص قاطع تفكيرها سعاد : على فكره بيحبك فعلا ليليان بصتلها هى بتقرأ افكارى ولا ايه : هاا هو مين سعاد ضحكت : زين هيكون مين احمد جوزى يعنى ليليان ضحكت وبدأت تفرك ايدها فى بعض من التوتر سعاد مسكت ايدها : بصى ياليليان اناعارفه ان تفكيرك ان زين ممكن يكون الى حاسس بيه نحيتك مش حب ويكون عايز ينسى مراته الى لسه ميته ليليان انتبهت لكلامها وسعاد كملت : زين ابنى مش كده ومش من النوع الى ينسى واحده بواحده ابدا بالع** لما سافر كان حالف ان عمره ماهيعيش بعدها ليليان اضيقت غصب عنها هى عارفه ان ملك ميته بس فكره ان زين بيحبها لدرجه دى ملخبطاها ازاى بيحبها كده ويحب بعدها بسهوله سعاد كملت : ملك كانت طيبه جدا ويتيمه مكنش ليها غيرى. كانت ساكنه جنبنا ولما امها ماتت عرضت على زين يتجوزها كان شايفها طيبه ومحترمه خطبها وقالى انه مش هيتجوزها الا لو حس انه حبها و بعد سنتين كان زين قرب منها وحبها واتجوزوا ويادوب عاشوا مع بعد سنه وربنا افتكرها ومرحتش لوحدها كانت حامل الصدمه كانت كبيره عليه وكنت فاكره انه عمره ماهيرضى يجوز ويعيش حياته تانى بس انتى رجعتيه للدنيا تانى ربنا بعتك ليه رحمه منه على زين صدقينى يابنتى زين بيحبك قوى يمكن اكتر ماحب ملك ...ملك فضل سنتين عبال ماحبها لكن انتى حبك فى كام شهر وحبه باين عليه قوى فكرى كويس ياحبيبتى فكرى بده(وشورت على قلبها) دخلوا تانى وقاعدوا شويه ومحدش حاول يتكلم تانى مع ليليان وزين كان هيجن ويعرف قالت ايه لامه بعد شويه روحوا كلهم وفضل ياسين معاه ياسين شايف زين وحالته قرب قعد جنبه : مالك انت تعبان زين بضيق : لا كويس الحمد لله ياسين : متخفش هتوافق زين بصله : تفتكر ياسين : اكيد ليليان بتحبك وتوافق زين بوجع : مش يمكن اكون كنت فى وهم وماكنتش بتحبنى اصلا ياسين : انت مصدق كلامك ده دى حكايتكم تنفع تبقى اسطوره خرافيه زين : اد*ك قولك خرافيه يعنى فى الاخر مش حقيقه ياسين : زين انت عارف ومتاكد ان كل الى حصل حقيقى ومش علشان هى مش فاكره يبقى كل حاجه راحت اصبر عليها وصدقنى ليليان بتحبك دى كانت هتموت عليك وانت فى العمليات ومارتحتش الا لما فوقت زين : مش يمكن علشان اخدت الرصاصه مكنها فمش عايزه تتحمل زنبى ياسين ضحك : يابنى انت بقيت بتتف*ج على افلام قديمه من وريا ولا ايه زين : ما الى انا فيه فيلم قديم وساقط كمان ياسين ضحك : ياعينى على المنتج خسر فلوسه ومات فى داهيه حد كان يصدق ان الحاج طلعت يطلع هو ورى كل ده زين : اقولك حاجه غريبه ياسين : قول زين : تعرف ان للحظه الراجل ده صعب عليا ياسين تنح : نعم صعب عليك بعد كل الى عمله فيك زين : بقولك للحظه مش اكتر ابنه الوحيد مات وعقله خلاه ينتقم من الناس الغلط وفى الاخر طلع بينتقم من نفسه يالا الله يرحمه ويسامحه بقى ياسين : المهم خف بقى بسرعه عايز اتجوز البت حمضت جنبى زين ضحك : ماتتجوز انا حايشك انت هتتلكك بيا والله انا بدات اشك فى قدراتك ياسين رفع حاجبه : لا والله بقى كده يكون فى علمك انا جامد قوى بس مابحبش اتكلم عن نفسى زين : ماشى ياجامد فضلوا طول الليل يرغوا لحد ماتعبوا وناموا ******************* بعد كام يوم زين جرحه خف وبقى بيقدر يتحرك وليليان كانت بتروح كل يوم تطمن عليه من غير ماتتكلم فى اى حاجه وزين سابها تفكر برحتها بعد ما امه قالتله يسبها تفكر وبعد اسبوع الدكتور كتب خروج لزين ورجع بيته عم حسن استاذنهم يرجع اسكندريه بعد ماخلاص اطمن على زين الى كان جاب اخره من سكوت ليليان كانوا قاعدين كلهم مع بعض فى اخر يوم ليهم قبل مايسفروا زين حس انه مخنوق استاذن وخرج البلكونه ليليان بصتله وهو قايم وبصت لابوها شاورلها بعنيه قامت وراه دخلت البلكونه ووقفت جنبه : المنظر هنا حلو قوى زين بصلها بطرف عينه : اه فعلا النيل منظره بيريح القلب وخصوصا لو موجوع ليليان : زين انا كنت عايزه اقولك حاجه زين لف بصلها : حاجة ايه ليليان ووشها فى الارض : انا .... انا مو افقه زين قلبه دق جامد : موافقه على ايه !!!! ليليان بصتله بغيظ : على الى انت طلبته منى زين بغلاسه : الى هو ايه ليليان اخدت نفسها وقالتله بسرعه : موافقه اتجوزك وجريت على جوه زين حاس ان الدنيا كلها فرحانه معاه وقلبه عمال يدق دخل ورها ووقف قصاد عم حسن : هتجوزنا امتى الكل ضحك وابوه رد عليه: يابنى اهدى على الراجل شويه وبعدين الاصول بتقول نروح نطلبها فى بيتها زين بوز : هو انا لسه هستنى !!! ليليان ابتسمت وحطط وشها الى بقى احمر فى الارض عم حسن اخيرا اتكلم : وانا يااستاذ زين متنازل عن الاصول دى علشان خاطرك زين راح باس دماغه : حبيبى ياحمايا والله انت راجل زى السكر وانا تحت امرك الى تطلبه من عنيا الاتنين عم حسن بص لليليان وعنيه دمعت : مش عايز غير انك تاخد بالك منها وتحافظ عليها وانا واثق انك هتعمل كده زين حضنه هو عارف ليليان بالنسبه ليه ايه : انا ليا طلب عندك واعتبره رجاء عم حسن : عنيا يابنى لو فى ايدى مش هتاخر زين : عايزك تيجى تعيش هنا فى القاهره معانا عم حسن : ازاى يابنى واسيب بيتى وبعدين مينفعش اعيش معاكم مش هعرف زين بيحاول يقنعه : ياعم حسن انت ليك مين هناك وبعدين ياسيدى مش هتعيش معانا انا بيعت شقتى القديمه واشتريت شقه تانيه وعرفت ان فى شقه فى الدور الى فوقى بتتباع ايه رئيك تبيع شقتك هناك وتشتريها ليليان راحت لابوها : والنبى يابابا وافق انا مش هقدر اسيبك لوحدك فى بلد تانيه مش هبقى مرتاحه ابدا عم حسن سكت يفكر هو فعلا مالوش حد هناك ومش هيقدر يبعد عن بنته بص لزين وابتسم: انا موافق يابنى سعاد قامت وقفت وزغرطت زين الفرحه مش سيعاه وليليان اول مره تحس انها فعلا فرحانه وفرحتها ملهاش معنى الا انها بتحبه فعلا ياسين قام معترض : انا كمان عايز اتجوز اشمعنى هو كلهم ضحكوا عليه ابوه رد : ماتتجوز انت مش خلصت الشقه مستنى ايه ياسين بغيظ بس لزين : كنت مستنيه يخف وفى الاخر برده هيجوز قبلى زين قام راحله : طيب ايه رأيك نتجوز سوا ياسين انشكح : بجد ماشى موافق زين ابتسم : خلاص كلم ياسمين واتفق معاها ياسين حضن زين وجرى يكلم ياسمين الى وافقت وكانت فرحانه جدا زين قعد تانى جنب عم حسن : قولى بقى نحدد على امتى الفرح عم حسن بص لليليان : مش عارف يابنى لما نخلص الى ورانا نجهز شقتها. والفرش وجهزها زين بص لليليان : يعنى محتاجه وقت قد ايه ليليان مش عارفه اصلا تعمل ايه هى لوحدها امها ميته وملهاش اصحاب : انا مش عارفه اصلا هو المفروض اجيب ايه او اعمل ايه سعاد بصتلها وصعبت عليها هى عرفت ان امها ميته قامت شدت ايديها وقالتلها : متخافيش انا معاكى هننزل نجهز كل حاجه انتى محتجاها ونخلص كل حاجه لحد فستان الفرح ليليان بصتلها وعنيه دمعت : ربنا يخليكى ليا ياطنط حضرتك بتفكرينى بماما الله يرحمها كانت طيبه زيك كده وجميله زيك سعاد حضنتها : ياحبيبتى يابنتى على العموم من هنا ورايح انا ماما انا ربنا مارزقنيش ببنات بس الحمد لله اهو عودنى ببنوته زى القمر كلهم اتاثروا قوى من الموقف زين حب يقلبها هزار : يعنى ايه انتى فى الاخر هتبقى حماتى مش امى عليه العوض روحت فى ابو بلاش يازين ياغلبان سعاد : اه واعمل حسابك لو زعلتها انا هبقها فوق دماغك احترس بقى زين بيمثل الخوف : لا لا وانا اقدر طيب المهم قدامكم اسبوعين وتكونوا خلاصتوا كل حاجه ليليان تنحت وسعاد برقت : وجاى على نفسك قوى كده ليه ياخويا اسبوعين بحالهم انا بقول كفايه اسبوع زين فرح : بجد طيب تمام يبقى اسبوع اروح اقول لياسين ولسه هيتحرك سعاد صوتت فيه : استنى هنا رايح فين زين : هقول لياسين سعاد بنرفزه : انت ياولا هتشلينى احمد وشوش عم حسن : زين راح خلاص وقع فى بوق الاسد عم حسن ضحك : خلينا نتف*ج من بعيد سعاد كملت : اسبوع ايه الى انت عايز نخلص فيهم كل حاجه ليه بسلوق بيض زين استغرب: مش انتى الى قولتى اسبوع خلاص اسبوعين زى مانا قولت سعاد بعصبية: صدق بالله لولا عامله حساب الناس دى كنت قولتلك كلام مينفعش اقوله زين اتعصب : فى ايه بس ياحاجه سعاد انتى عايزه ايه دلوقت سعاد :قدمنا شهر على الاقل نكون خلاصنا كل حاجه زين برق : شهر ليه هتخترعوا الذره ده يادوب شويه عفش يتفرشوا و شويه هدوم. والفستان يعنى يومين وكل ده يخلص سعاد بغيظ : زين الكلام سهل ياحبيبى هو شهر واحمد ربنا ان مش اكتر زين بيكلم نفسه : لسه هستنى شهر كمان انا قولت هتتحول عليا واهى عاشت فى دور الحما سعاد بصتله بنص عين : بتقول حاجه يازين زين ابتسم بغيظ : لا مابقولش شهر شهر امرى لله عم حسن : كويس شهر خلاص يبقى نسافر النهارده علشان ليليان تجيب حاجتها الى فى البيت وانا اعرض الشقه للبيع زين : طيب هسافر معاكم ليليان بصتله قوى وبدون تفكير ،: تسافر ازاى انت لسه تعبان وممكن تتعب اكتر خليك انت مرتاح زين قرب منها ووشوشها : خايفه عليا يالى لى ليليان اتحرجت ووشها احمر وراحت وقفت جنب ابوها الى ايد كلامها : ليليان معاها حق يازين مش هينفع تسافر وانت تعبان غلط عليك وبعدين هما يومين وهنرجع تكون سالت على الشقه الى قولت عليها زين : ماشى امرى لله بس خلى بالكم من نفسكم وابقى طمنى اول لما توصل عم حسن : انشاء الله خلاص تستأذن احنا علشان نوصل قبل الليل احمد: توصلوا بالسلامه سعاد : ليليان متتاخريش ولو فى حاجه كلمينى وانا برده فى اليومين دول هخلص شويه حاجات فى الشقه ليليان راحت حضنتها ياااه قد ايه مفتقده حنان الام : حاضر ياماما مش هتاخر زين قرب منها وبص على عم حسن الى مشغول بالكلام مع ابوه وامه مسك ايديها وقرب منها قوى : هتوحشينى قوى مش عارف اليومين دول هيعدوا عليا ازاى ليليان سحبت ايديها باحراج : بس يازين بابا واقف وماماتك وباباك كمان عيب كده زين ابتسم : هو انا عملت حاجه انا بقولك هتوحشينى اومال لو بوستك هتعملى ايه (وغمزلها) ليليان برقت : ايه ده انت قليل الادب قوى على فكره عيب تفكر فى الكلام ده هو انا واحده من الشارع وسابته وراحت وقفت جنب ابوها زين فضل واقف متنح ومش مستوعب الى هى قالته : يانهار اسود كل الكلام ده علشان بوسه دى على كده هتبلغ عنى بوليس الاداب ليلية دخلتنا بقى ******************* عدى الشهر عليهم بسرعه بين تجهيزات الشقه والفرح وشقه عم حسن وياسمين كانت معاهم بتفنش شقتها ونزلت هى وليليان اشتروا فساتنهم ومحسوش بالايام من كتر ماهما مشغولين محدش حس ان الشهر ده تقيل الا زين الى كان بيعد الايام لحد ماالشهر خلص واجى اليوم الى مستنيه هو وياسين الى كان طاير من الفرحه هو كمان وصلوا الاتنين عند البيوتى سنتر الى فيه ليليان وياسمين كل واحد دخل ياخد عرسته ياسين دخل لياسمين قرب منها وهو متنح من جمالها : والنبى قوليلى انى مش بحلم ولا اقولك اقرصينى ياسمين قربت منه وباسته فى خده : مش بتحلم ياحبيبى ياسين حضنها قوى وقرب من ودنها: انا بحبك قوى ياسمين قربت هى كمان من ودنه : وانا كمان بموت فيك اما عند زين دخل فى الاوضه التانيه كانت ليليان واقفه شبه الملايكه فى فستانها الابيض وشعرها الى لون العسل قرب عليها ومسك ايديها الاتنين حطهم على ص*ره وفضل ماسكهم وباصص لعنيها : اخيرا هتبقى مراتى انا كنت فقدت الامل ليليان متوتره لدرجه ان جسمها كله بيترعش وزين لاحظ ده ومحبش يوترها اكتر اخدها ونزل ركب العربيه ووراهم ياسين وياسمين فى عربيتهم وصلوا القاعه وكانت تحفه دخلوا على صوت الموسيقى وكل واحد راح قعد مكانه وبدات الحفله شويه والدى جى طلب منهم يبداو الحفله بالرقصه السلو ياسين اخد ياسمين فى حضنه واستعد للرقصه اما زين وقف قصدها ولف ايده حواليها وهى ايديها على ص*ره وعنيه على عنيها وبدات الاغنيه بحلم بيك (لسامو زين ) طول الاغنيه زين عنيه عليها وحاسس ان قلبه هيقف من الفرحه اما ليليان مكنتش اقل منه حست بفرحه عمرها ماحستها فى حياتها خلصت الاغنيه وزين راح نحيه المؤذون علشان يكتب كتابه على ليليان وبدا المؤذون يكلم وزين يقول وراه وعم حسن نفس الكلام لحد ماقال جملته الشهيره (بارك الله لكما وبارك عليكما وجمعا بينكم فى خير ) سعاد زغرطت وكانت فرحانه جدا ان ربنا عوض زين وفرح قلبه الكل كان فرحان وبيهيس لحد لما الفرح خلص وكل واحد اخد مراته وروح بيته ياسين دخل البيت شايل ياسمين نزلها وهى اول لما نزلها بصت على الارض ياسين حس بيها خايفه حب يغلس عليها قرب منها وشوشها : ياسمين هو فى حاجه واقعه منك على الارض ياسمين اتغاظت منه ونسيت خوفها : والله انت غلس انا داخله أنام ولسه هتتحرك مسكها وهو بيضحك : والله ابدا دانا اصور قتيل النهارده قال تنامى قالى بقولك ايه قدامك عشر دقايق تروحى تتوضى وترجعى واوعى شوفى اوعى تغيرى فستانك ياسمين استغربت : اشمعنى يعنى هفضل بالفستان ليه ياسين : ياحبيبتى الفستان ده حلم حياتى !! بصى روحى بس وانا هشرحلك بعدين دخلت اتوضت ورجعتله صلوا ركعتين وفضلوا يدعوا مع بعض شويه وبعد ماخلصوا ياسمين حاولت تهرب منه : انا هدخل اغير هدومى ياسين مسكها : استنى عندك انا هدخلك مش هتعرفى تدخلى لوحدك ياسمين : ليه ياعنى مانا لسه كنت جوه ياسين وطى شالها وقالها : تعالى بس وانا هفهمك جوه كل حاجه انتى عايزه تفهاميها اخدها ودخل اوضتهم وفهمها كل حاجه هى مش فاهمها نسيبهم بقى يفهموا مع نفسهم ونروح لزين الى وصل بيتهم بس ليليان مردتش تخليه يشلها ابدا و**مت تدخل هى زين دخل ورها : ليه مش عايزانى اشيلك ياحبيبتى ليليان : يازين انت حرجك لسه مابقلوش كتير وانت طول الفتره الى فاتت مرتحتش وكمان عايز تشلينى ممكن تتعب زين قرب منها وابتسم : خايفه عليا قوى كده ليليان اتحرجت وبصت على الارض زين قرب اكتر ورفع وشها وبص لعنيها : مش مصدق ان حلمى اخيرا اتحقق وبقيتى مراتى ليليان بهزار : انت حلمت بيا كام مره زبن ابتسم : من يوم ماروحت اسكندريه وانتى كل يوم كنتى معايا فيه ليليان استغربت : معاك ازاى زين قرب من شفايفها قوى : فى الحلم ومره واحده باسها بكل الشوق الى فى قلبه ليها ليليان حست فجاه ان الدنيا لفت بيها وافتكرت كل حاجه من اول ظهورها لزين والدجالين الى جابهم يسرفوها لحد ماباسها وهى بتموت وبعدها فاقت من الغيبوبه بعد شويه زين بعد عنها ياخد نفسه بصلها لقها بتبصله قوى مسك وشها : مالك ياحبيبتى ليليان رفعت ايديها لمست وشه : ده مكانش حلم يازين صح انا كنت معاك بروحى وانا فى الغيبوبه زين فرح ومبقاش مصدق نفسه ,:لا ياقلبى ماكنش حلم كان حقيقه وقرب منها تانى وباسها بس المرادى لقاها متجوبه معاه بعد عنها شويه بصتله قوى : انا بحبك قوى يازين انا مش مصدقه انى فوقت وكمان بقيت مراتك ليه مقولتليش علشان افتكر زين سند على جبنها وغمض عنيه : كنت عايزك تفتكرى لوحدك كنت خايف متصدقيش كان كل همى انك تفضلى معايا وفى حضنى ليليان : انا عمرى ماهبعد عنك ابدا انت الحاجه الوحيده فى الدنيا الى اتمنتها من ربنا طول ماكنت فى الغيبوبه كنت بص عايزه افوق علشانك زين حضنها قوى : انتى نعمة ربنا ليا القدر بعتنى ليكى اول مره وبعتك ليا تانى مره علشان احنا مكتبين لبعض ليليان بعدت شويه وبصتله بعتاب : زين انت اخدت الرصاصه مكانى كنت هتموت علشان انا اعيش زين : مكنتش هقدر اعيش لحظه لو كان جرالك حاجه ليليان سكتت مش عارفه تقوله ايه وملقتش غير كلمه واحده تقولهاله : بحبك قوى يازين زين رد عليها بشفايفه ومقدرش يبعد عنها تانى لحد مابقت مراته اسما وفعلا ♥️♥️♥️?‍❤️‍?‍??‍❤️‍?‍? ******************" بعد مرور سنه صوت ليليان وهى بتصرخ من الوجع جوه اوضه العمليات وزين واقف بره على اعصابه قرب منه ياسين :اهدى شويه يازين انشاء الله هتقوم بالسلامه زين : يارب يارب شكلها تعبانه قوى (وبص لامه ) هو كده حاجه طبعيه ياماما سعاد قربت منه وطبطب على كتفه: اه ياحبيبى وجع الولاده مافيش اسوأ منه بس خير هانت خلاص عم حسن قاعد ماسك المصحف وبيقرا فيه وبيدعى ربنا تقوم بالسلامه والحاج احمد جنبه نفس الحكايه ياسين راح لياسمين الى قاعده على اعصابها : انا قولتلك خليكى فى البيت **متى تيجى ياسمين الخوف باين عليها : يعنى اسبها فى وقت زى ده ياياسين ياسين بنرفزه : مانتى واقفه مرعوبه وهتولدى وانتى واقفه مع ان لسه قدامك شهرين ياسمين عنيها دمعت : مانا كويسه اهو هو انا اتكلمت ياسين قرب منها لما شاف دموعها وحضنها : ياحبيبتى انا مش عايزك تقلقى وتخافى كده انا معاكى ومش هسيبك ابدا شويه وسمعه صوت البيبى ولحظات والممرضه خرجت بيه : الف مب**ك ولد زى القمر زين جرى عليها : مراتى عامله ايه الممرضه : الحمد لله كويسه دقايق وهتخرج زين اخد منها الولد وبصله كان جميل وكل حاجه فيه صغيره سعاد قربت منه : الف مب**ك ياحبيبى يتربى فى عزك كلهم قربه منه وبركوله بعد شويه الكل اتجمع حولين ليليان الى شايله ابنها وزين قاعد جنبها زين باسها من خدها : الف مب**ك ياحبيبتى ليليان ابتسمت : الله يبارك فيك شوفت حلو زيك ازاى زين : ده طالع قمر شبهك ها هتسميه ايه ليليان بصت لابنها : هنسميه زى ماكنت عايز جاسر زين ابتسم وبص لابوه وعم حسن : جاسر زين احمد ***** * ******النهايه******** انتهت حكايتنا بامل جديد ساعات بنخسر حاجات وبنحس انها نهايه الدنيا بس ربنا بيعوضنا بالى يفرح قلوبنا وينسينا اى عذاب شفناه فى حياتنا !!!

Great novels start here

Download by scanning the QR code to get countless free stories and daily updated books

Free reading for new users

Scan code to download app

App Store Google Play

Facebookexpand_more