البارت التاسع

3152 Words

زين نزل بص يمين وشمال لمحها بتعدى الشارع ناحيه البحر اتن*د براحه ويادوب راح وراها ولسه هيقرب لقى عربيه سودا متڤيمه اسود وقفت قدمها الباب اتفتح وواحد سحب ليليان لجوه بسرعه والعربيه جريت زين كان بيجرى يمكن يلحقها بس للاسف ملحقاش وقف يبص حواليه ويشد فى شعره مش عارف يعمل ايه وفجاه افتكر ان دى نفس العربيه الى خبطت ملك قلبه كان هيقف اتصل على ياسين وهو بينهج : ياسين الحقنى ليليان اتخ*فت !!!!! ياسين كان ماشى بالعربيه فرمل بسرعه لما سمع كلام زين : بتقول ايه اتخ*فت مين الى خ*فها وليه زين عمال يلف حوالين نفسه : مش عارف كنت نازل ورها والعربيه وقفت فجاه قدمها. خ*فوها وجريوا ملحتش الحقها بس العربيه نفس الى خبطت ملك هى العربيه ياسين: انت متاكد انها نفس العربيه زين : اه متاكد حتى بصيت يمكن المح النمر مكنش عليها ياسين بصدمه: كلامك معناه ان الى خ*فها قصدك انت يازين زين : اكيد ابوها راجل غلبان وهى زيه مين ممكن يفكر يخ*فها !! اعمل ايه انا هتجنن ياسين : زين خليك مكانك انا مسافت السكه وهكون عندك اوعى تعمل اى حاجه الى لما اجيلك زين قفل معاه وفضل يفكر عقله وقف مش عارف يعمل ايه فجاه افتكر : معتز مافيش غيره !! الحاج طلعت اكيد عنده اخبار طلع تليفونه واتصل على طلعت : الو ايوا ياحاج طلعت : ازيك يازين يابنى عامل ايه زين : انا كويس قولى ياحاج معتز لسه متكلمش مقالش مين الى مشغله طلعت استغرب : خير يابنى فى حاجه حصلت زين صبره نفز : قولى ياحاج الله يخليك هو ماتكلمش لسه طلعت: والله يازين الى اعرفه انه لحد ما مات ماتكلمش زين بصدمه: ايه ..مات !! ازاى وامتى طلعت : موت نفسه اول امبارح فى الزنزانه زين : انتحر !! طلعت : اه البوليس قال انه انتحر شنق نفسه فى شباك الزنزانه زين : معقول انتحر !!!انا مش مصدق معتز اجبن من انه ينتحر طلعت : انا برده شكيت فى موضوع الانتحار ده شكل الى مشغله هو الى موته علشان مايقولش هو مين زين بتفكير : اكيد هما الى موته بس انت ياحاج مش شاكك فى حد معين انت شغال فى السوق من زمان وليك نظره وممكن تعرف مين شغال فى الشغل الشمال ده طلعت : مالك يابنى عمال تسأل فى الموضوع ده ليه قولى يازين متخبيش عليا انت حصلك حاجه زين : العربيه الى خبطت ملك خ*فت بنت اعرفها طلعت : بنت !! مين دى ويخ*فوها ليه زين : دى بنت راجل معرفه من اسكندريه طلعت استغرب : ويخ*فوها ليه لما انت ملكش علاقه بيها زين : الظاهر انهم افتكروا انها تهمنى علشان كنت بزروها وهى تعبانه فى المستشفى كتير طلعت : وهى متهمكش فى حاجه يازين زين سكت شويه : لا ياحاج متهمنيش فى حاجه كل الحكايه ان ابوها كان صعبان عليا لانه لوحده وهى كانت بتموت طلعت : طيب هتعمل ايه دلوقت زين : مش عارف ياحاج !! بس مقولتليش انت مش شاكك فى حد طلعت بتفكير : والله يابنى انا شاكك فى رشدى الخيام الى كان شريكى هو الوحيد الى ليه مصلحه انى اتأذى بسبب انى فضيت معاه الشراكه علشان شغله مكنش مضبوط وغير ان من ساعت ما إبنوا مات وهو بقى مش طبيعى وبيهبل كتير زين بتفكير : رشدى الخيام !! تمام ياحاج اناهقفل معاك وهبقى اكلمك تانى طلعت : طيب يازين ابقى طمنى زين : ماشى ياحاج سلام زين قفل معاه وفضل يفكر وفجاه تليفونه رن بص لقاه رقم غريب رد عليه بلهفه : الو مين معايا المتصل : مش مهم تعرف الى عايزك تعرفه ان الامانه بتاعتك معايا زين : الامانه الى معاكم انتوا اخطوها غلط دى مجرد معرفه لا اكتر ولا اقل المتصل : حتى لو معرفه كفايه ان ضميرك هيأنبك عليها لو مانفزتش كلامى ووصلتك جثتها زين بخوف بيحاول يداريه : وايه المطلوب المتصل : اولا ترجع القاهره حالا وهبقى اتصل بيك لما توصل واه نصيحه ليك مدخلش البوليس والا جثتها هتكون فى استقبالك لما توصل وقبل مازين يرد قفل السكه زين اتصل بياسين : ياسين خليك انا الى راجع ياسين : ايه الى حصل زين بيكلمه وهو بيجرى على عربيته وركبها بسرعه وطلع بيها على القاهره :الى خ*فوها كلمونى وعيزنى ارجع القاهره دلوقت وانا راجع حالا ياسين بخوف على اخوه : زين لازم نبلغ البوليس زين بسرعه : اوعى ياياسين هيموتوها لو بلغنا واضح انهم مراقبين كل خطوه ليا انا والى يقربلى متعملش اى حاجه لما نشوف اخرتها ايه ياسين : هما بيجروك مش اكتر يازين واكيد هيخلصوا عليك وعليها لازم نبلغ زين : سيبها على الله ياياسين اهم حاجه ليليان متتأذاش ياسين : زين انت لوجرااك حاجه انا هموت وراك زين : متخفش على اخوك المهم اقفل واول لما اوصل هتصل بيك ياسين : طيب ابوها قولتله !! زين خبط على راسه : عم حسن انا من خوفى نسيته خالص ده لو عرف ممكن يروح فيها اعمل ايه دلوقت ياسين : لازم يعرف يازين عم حسن راجل مؤمن زين : والله مانا عارف اعمل ايه طيب اقفل وهكلمه زين هقفل مع ياسين واتصل على عم حسن عم حسن : الو ايه يابنى لحتها هى معاك زين مش عارف يقوله ايه سكت ومردش عم حسن قلبه اتقبض : زين ساكت ليه بنتى جرلها حاجه زين بسرعه : لا ابدا والله ليليان كويسه بس سكت وعم حسن اتكلم : بس ايه بنتى مالها يازين زين : ليليان اتخ*فت !! عم حسن حط ايده على قلبه : اتخ*فت !! ازاى زين : عم حسن والنبى اهدى ومتخفش الى خ*فوها قصدنى انا مش هيعملوا فيها اى حاجه لانهم عايزنى انا عم حسن مردش الا بكلمتين : رجعلى بنتى يازين زين غمض عنيه بوجع : حاضر والله هترجع وهتكون بخير ده وعد منى انا نزلهم القاهره ومش هرجع الا بيها عم حسن دموعه نزله : ماشى يابنى هستناكم ربنا قادر يحفظكم من كل شر زين قفل معاه وطار بالعربيه على القاهره ***********************" سعيد دخل على الباشا الى قاعد ماسك ورق فى ايد والايد التانيه ماسك بيها كاس خمره سعيد قرب منه: معالى الباشا كله تمام الباشا ساب الورق وبص لسعيد : ودتوها فين سعيد : فى المخزن الشرقى زى ماامرت الباشا شرب الكاس مره واحده ورماه : تمام خلى بالك منها لحد ماتكمل الى قولتلك عليه سعيد : امرك بس ليه نستنى مانخلص على طول الباشا : واريحه بالساهل كده لا مش طبعى لازم اخليه يلف حولين نفسه شويه سعيد : تمام سعادتك اروح انا اشوف اخر الاخبار ولسه هيمشى الباشا نده عليه : سعيد البت حلوه ؟ سعيد : بصرحه قمر خساره فيها الموت الباشا : نبقى نشوف الموضوع ده بعدين سعيد ضحك : ماشى ياباشا سعيد سابه ومشى وهو فضل يفكر هيعمل ايه فى الى جاى لازم يخلص من اى حاجه بتهدده انه يتكشف : هانت واخلص منهم كلهم واسافر اعيش بره كفايه شغل لحد كده _________________________ زين وصل القاهره بعد اقل من ساعتين لانه كان طاير بالعربيه وكان هيتقلب كذا مره بس كان كل الى همه يوصل بسرعه اول لما وصل اتصل على الرقم الى اتصل بيه لاقاه غير متاح كان هيجن اتصل بياسين : انت فين انا وصلت ياسين : انا تحت البيت فى العربيه زين : انا جايلك شكلهم لسه هيلعبوا بيا الاول ياسين : محدش كلمك تانى زين : لا والرقم الى كلمنى غير متاح واكيد رقم ملوش قيمه واترمى مضطر استنى اما يكلمونى ياسين : الصبر يازين المهم نوصل لليليان زين حاسس انه بيتخنق : ياترى عامله ايه دلوقت ولا عملوا فيها ايه انا هموت كل لما افكر ان ممكن يأذوها ياسين : مفتكرش انهم هيأذوها هما عايزينك انت ومش هيستفادوا لو عملوا فيها حاجه زين : انا قدامك اهوا اقفل ياسين نزل من العربيه وراح لزين اخده فى حضنه : اجمد يابطل هانت وكل حاجه هتبقى كويسه زين : ادعيلى ياياسين انا خايف عليها قوى ياسين :انشاء الله خير ربنا عالم ان انت انسان مافيش اطيب منك وعمرك ما أذيت حد اكيد هيبقى جنبك وهينصرك عليهم زين رفع راسه لسما يناجى ربنا : يارب احميها وابعد عنها اى سوء يارب ******************* عند ليليان كانت هتموت من الخوف ومش فاهمه هيا هنا ليه ولا مين الى خ*فوها وعايزين منها ايه من ساعت ماجبوها هنا ربطوها فى الكرسى وسابوها مع واحد زى الطور ليليان بتحاول ماتبينش خوفها نادت على الى واقف يحرسها : بقولك لوسمحت الراجل : عايزه ايه ليليان: هو انتوا خ*فتونى ليه !! الراجل : معرفش ومش عايز اعرف ليليان: طيب انت اسمك ايه الراجل : يهمك فى ايه اسمى ليليان: اهو حتى علشان لما انادى عليك الراجل وهو بيبرقلها : جعفر اسمى جعفر حلو ولا اغيره لسعادتك ليليان خافت : لا ده حلو قوى ولايق عليك قوى جعفر : طيب اخرسى بقى علشان مقومش اجيب اجلك بدرى بدرى ليليان : طيب خلاص هسكت !!طب قولى عندك عيال جعفر : لا معنديش اشمعنى ليليان باستعطاف: يعنى يرضيك لو عندك بنت يتعمل فيها كده جعفر : اه يرضيني بدال الباشا امر بكده يبقى لازم أنفذ ليليان بينها وبين نفسها : يخرب بيتك انت وهو دانت باين عليك صنم قال وانا بقول لنفسى اسجده طلع بجم جعفر بصلها بنص عين : انتى بتقولى ايه يابت ليليان بسرعه : مقولتش حاجه جعفر : طب اخرسى بقى !! ولا اقولك (قام جاب شريط لاصق ولزق بوقها )كده احسن بدال الصداع الى انتى عملاه ليليان حاولت تفك نفسها معرفتش فضلت تعيط فى **ت وتدعى ربنا فى قلبها انه ينجيها ويبعتلها الى ينقذها ****************** زين روح البيت هو وياسين واول لما دخل امه جريت عليه حضنته سعاد بعياط : كده برده يازين تسيب امك كل ده زين حضنها قوى يمكن وجع قلبه يخف : حقك عليا ياماما انا اسف بس والله كان فى موضوع كنت محتاج اخلصه سعاد بعدت وبصتله : وخلصت ولا لسه هتسافر تانى زين مش عارف يقولها ايه ابوه طلع راح عليه حضنه هو كمان احمد : حمد الله على سلامتك يازين زين : الله يسلمك ياحاج عامل ايه واحشنى احمد بص لزين حاس ان فى حاجه حصلت معاه وده الى رجعه : انا كويس الحمد لله المهم انت تبقى كويس زين بص للارض بيهرب من عنين ابوه الى حافظاه : انا تمام ياحاج سعاد : انا هدخل احضر الغدا وانت يازين ادخل ريح شويه زين : حاضر تسلمى ياماما سعاد دخلت المطبخ وزين لسه هيروح على اوضه يهرب من ابوه بس ملحقش: زين تعالا عايزك زين : نعم ياحاج احمد : فى ايه ؟ زين بص لياسين ينقذه ياسين رد: ماله ياحاج ماهو تمام ا ومكملش ابوه بصله قوى: انا مسالتكش انت يامحامى انا بسأله هو ..ايه الى خلاك ترجع فجاه كده ايه الى حصل يازين انا لسه مكلمك الصبح وقولتلى لسه قدامك كام يوم زين مش عايز يقوله حاجه علشان ميقلقش عليه : مافيش ياحاج كل الحكايه وحشتونى قولت ارجع اشوفكم انا غلطان يعنى احمد : بص يازين من يوم ماتولدتوا انت واخوك وانا ابص لوش اى واحد فيكم افهم هو بيقول الحقيقيه ولا مخبى حاجه وانت مخبى حاجه وحاجه كبيره قوى كمان زين قعد وحط راسه بين ايده ابوه قعد جنبه وطبطب على كتفه: قولى يابنى يمكن اقدر اساعدك زين : الناس الى قتلوا ملك خ*فوا بنت الراجل الى كنت ساكن عندهم احمد استغرب : ويخ*فوها ليه هى مالها مالموضوع بتاعك !! مايمكن الى خ*فها مالوش علاقه بيك زين بص لياسين ورجع بص لابوه تانى : لا ليه علاقه لان الى خ*فها كلمنى !! احمد بعصبيه : زين اتكلم على طول وفهمنى مطنقتيش بالكلام زين : طيب اهدى ياحاج وانا هحكيلك على كل حاجه وابتدى يحكيله على ليليان وازاى ظهرتله وياسين اكد كلامه بالى شافه لما سافرله وكمل لحد لما ليليان اتخ*فت زين : بس ياحاج وادينى مستنى حد يكلمنى احمد جايله زهول من الى سمعه وبيحاول يستوعب الى زين قاله : انا مش قادر استوعب يعنى روحها تظهرلك وتفضل معاك تلات شهور ولما تفوق نسياك ..يعنى هى الى خلتك تبقى كويس بالسرعه دى وترجع لطبيعتك تانى حبتها يازين .. زين : ده الى حصل ياحاج انا عارف ان مافيش عقل يصدق الى حصل معايا بس اهو حصل وكل الى يهمنى دلوقت انها ترجع سليمه احمد ،بخوف على ابنه ،: طيب بلغت البوليس؟ زين : لو بلغت هيقتلوها الى كلمنى قالى كده احمد : ازاى يازين هتتصرف لوحدك ازاى هيقتلوك يابنى زين مسك ايد ابوه ،: متخفش ياحاج ربنا معايا والى ربنا معاه عمره مايضر ابدا احمد: ونعمه بالله بس ربنا ماقالش نرمى نفسنا فى التهلكه يابنى زين : وانا استحاله اضحى بليليان ولا بنفسى سيبها على الله وكل حاجه هتبقى كويسه احمد : ربنا ينصرك ويحميك ويبعد عنك اى اذى زين : يارب المهم دلوقت متقولش حاجه قدام ماما انت عارفها ممكن تروح فيها احمد : انا عارف ربنا يسطر سعاد دخلت : يالا ياحبايبى الغدا جاهز قاموا كلهم وزين حاول مايبينش حاجه علشان امه واحمد قاعد هيموت من الخوف والقلق على ابنه ومش عارف يعمل ايه __________________________ تانى يوم عند ليليان كانت خلاص تعبت من القعده وجسمها كله ات**ر ومابطلش عياط شويه وباب المخزن اتفتح ودخل عليها اتنين رجاله ليليان خافت وبتحاول تفك نفسها سعيد قرب عليها : ماتهدى ياحلوه وماتحوليش كتير حتى لو فكيتى نفسك مش هتعرفى تخرجى من هنا الباشا قرب منها وبصلها من فوق لتحت : صدق معاك حق البت صاروخ وخساره فيها الموت سعيد ابتسم : قولتلك ياباشا انها موزه اخر حاجه الباشا قرب مسك شعرها : قولتلى اسمها ايه ياسعيد سعيد : اسمها ليليان ياباشا الباشا قرب منها وهى بتحاول تبعد كانت هتقع بالكرسى وهو لحقها وقرب منها قوى يشم ريحتها : خساره تموتى انتى هتكونى ليا بمجرد مااخلص من زين هخدك ونسافر بره وهتعيشى ملكه معايا ليليان سهمت لما سمعت زين وحاول تتكلم وعماله بتهمم علشان يفك اللزق من على بوقها الباشا بصلها وبص لجعفر انت الى لزقتها كده جعفر بخوف : اه ياباشا كانت عماله تتكلم كتير ومش ساكته الباشا شال اللزق : معلش ياقطه اصله حمار مايعرف يتعامل مع الغزلان ليليان بخوف باين عليها : انت مين وعايز منى ايه الباشا : انا مين!! مش مهم تعرفى عايز منك ايه !! بصراحه مكنتش عايز منك انتى اناعايز حبيب القلب ليليان استغربت : حبيب القلب مين انا ماليش اى علاقه بحد صدقنى الباشا : حتى لو انتى مالكيش علاقه بيه هو بيحبك وبدال بيحبك هايعمل علشانك اى حاجه ليليان بزعيق : هو مين ده !!! الباشا قرب منها قوى : زين !!! ايه مش عارفاه ليليان : زين بيحبى انا !!؟انت اكيد فاهم غلط الباشا : لا ياحلوه انا فاهم صح اوى ولما يشرف هتتاكدى ان حبك مولع فى قلبه وفضل يضحك وهى عماله تبصله وعقلها شغال وميت سأل بتساله لنفسها : بيحبنى !! امتى وازاى انا عمرى ماشوفته قبل كده ايه حبنى وانا فى الغيبوبه (غمضت عنيها وقالت بصوت مسموع ) انا مش فاهمه حاجه الباشا سمعها : مش مهم تفهمى المهم انى اخلص من زين ليليان : طيب ليه عملك ايه اذاك فى ايه الباشا بغل : خسرنى فلوس بعمرك وعمره وبسببه لسه بخسر علشان كل الى بره والى هنا خايفين يتعملوا معايا عرفتى خسرنى ايه ليليان برده مش فاهمه : فلوس ايه ويتعملوا معاك فى ايه الباشا : اه مانا مقلتلكيش انا تاجر هيروين ليليان اتصدمت : ايه هيروين !! وهو زين كان شغال معاك الباشا بصلها قوى : لا ياحلوه مكنش شغال معايا بس بلغ عن بضاعه بملايين كانت بتاعتى وسجن اخلص واحد كان شغال معايا ليليان ارتاحت لما عرفت ان زين مش معاه ماتعرفش ليه : وانت عايز تموته علشان نجى شباب كنت هتقضى عليهم بالسم الى هتبيعه ليهم انت ايه ياخى انت والى زيك عايزين تعملوا ايه فى الشباب اكتر من الى هما فيه الباشا بزعيق : انا مابض*بش حد على ايده علشان يجى يشم ليليان: انت والى زيك بتستغلوا ضعفهم وقله حيلتهم كل واحد تعبان نفسيا او عنده مشكله بيجرى يهرب بالم**رات وفاكرها هتحل مشاكله الباشا :اد*كى قولتى هما الى عايزين ليليان : مانتوا الى بتشجعوهم على كده بدال ماتشغلوا فلوسكم فى الارف ده ساعدوهم يشتغلوا انت لو عندك عيال كنت حسيت بوجعهم الباشا قرب منها وبصلها بوجع : كان عندى ليليان : اكيد عرف حقيقتك وهرب منك ومن ق*فك الباشا ض*بها بالقلم ومسك شعرها : اخرسى مش عايز اسمع صوتك سااااامعه ليليان سكتت ودموعها نزله ب**ت الباشا سابها ومشى وسعيد وراه وصل العربيه وقبل مايمشى بص لسعيد : بليل الاقي زين الزفت مربوط جنبها سامعنى سعيد : امرك ياباشا الباشا طلع بالعربيه ووجع الدنيا جوه قلبه وافتكر ابنه وحيده ودموعه غرقت وشه ******************** زين طول الوقت مش عايز يبن حاجه قدام امه ويدوب دخل اوضه قعد على السرير وحط راسه بين اديه وهم الدنيا على كتافه : اعمل ايه يارب انا تعبت ليليان لو جرلها حاجه هموت وراها دى هى الى صبرتنى على موت ملك وخلتنى اعدى قهرتى عليها تقوم هيا كمان تروح منى يارب ساعدنى علشانها هى وابوها مش عشانى ياسين دخل عليه وقعد جنبه : وحد الله يازين انشاء الله خير زين : لا اله الا الله محمد رسول الله ..خايف قوى ياياسين خايف عليها وعلى عم حسن يجراله حاجه علشانها ياسين : طيب هنعمل ايه مافيش قدمنا غير الانتظار و قاطع كلامه صوت تليفون زين لاقاه رقم رد بسرعه : الو سعيد: ها ياحلو روحت وريحت وودعت اهلك خلاص زين : عايز اسمع صوت ليليان قبل اى حاجه سعيد : انت هتتشرط عليا يالا ولا ايه زين : انت سامعنى كويس اطمن انها بخير وهعملك الى انت عايزه سعيد : ماشى ياحبيب ثوانى سعيد راح لليليان عطاها التليفون: الو زين قلبه كان هيقف : انا زين انتى كويسه ليليان بعياط : اه كويسه بس خايفه بابا معاك زين غمض عنيه بوجع: لا عم حسن فى اسكندريه متخافيش عليه المهم حد عمل فيكى حاجه ليليان نوعا ما اطمنت: لا بس انا كنت عايزه اعرف هما ل سعيد اخد منها التليفون : كفايه عليك كده اطمنت بما فيه الكفايه اسمعنى بقى كويس نص ساعه والقيك واقف على الطريق وتستنى وقبل مازين يتكلم قفل ياسين بصله : قالك ايه زين بتفكير : عايزنى استنى على الطريق .!! اسمعنى كويس ياياسين ونفز الى هقولك عليه بالحرف ياسين : قول وانا هعمل الى هتقول عليه ✨بعد نص ساعه كان زين واقف مكان ماطلب منه سعيد وشويه عدت عربيه وفى ثانيه كان زين راكبها وحطوا على وشها قناع اسود!! بعد ماوصلوا للمخزن زين كان ماشى معاهم مش شايف اى حاجه بس سامع صوت عياط وعرف انها ليليان قعدوه على الكرسى وربطوه وشالوا من على وشه القناع زين فتح عنيه بيدور عليها لحد ماشافها مربوطه جنبه رجع بص قدامه كان فى اتنين واقفين سعيد بصله وضحك باستهزاء : اهى حبيبت القلب جنبك اطمنت عليها بنفسك ابقى ودعها بالمره بقى وبص لجعفر :عينك عليهم لحد لما ارجع جعفر : امرك يابيه سعيد مشى وجعفر فضل واقف عنيه عليهم زين بص لليليان ومش متحمل منظرها : انتى كويسه ليليان بصتله وسالت نفسها معقول يكون فعلا بيحبنى وخايف عليا لدرجه انوا يجلهم برجله : جيت ليه يازين هيقتلوك زين : انا مش مهم المهم انتى تبقى كويسه حد عمل فيكى حاجه ليليان قلبها عمال يدق : لا بس معتقدش انهم هيسبونى يازين بيضحكوا عليك زين ابتسم : وانا لو اخر نفس ليا مش هخلى حد يلمس شعره منك ليليان عقلها عمال يلف ويفكر : ليه يازين اشمعنى انا !! انا لحد دلوقت مش عارفه انا اعرفك منين بس حاسه انى اعرفك كويس زين : بعدين يالى لى هقولك على كل حاجه بس نخلص من الهم ده ليليان : وهنخلص ازاى يازين منهم هنهرب زين بص لجعفر : معتقدش ان الطور ده لوحده هنا ليليان ضحكت زين بصلها : بتضحكى ليه ليليان : اصل ده رأى فيه انه طور شكلنا بنفكر زى بعض قالت الكلمه من غير تفكير فات**فت وبصت للارض زين فضل باصصلها : اوعدك ان كل حاجه هتبقى كويسه وهرجعك لعم حسن بالسلامه بس فتره وهخدك تانى منه ليليان بصتله مش فاهمه : تاخدنى !!! ليه زين لسه هيكلم الباب اتفتح ودخل سعيد ووراه الباشا زين بصله مش مستوعب الى شايفه قدامه الباشا قرب من زين : زين باشا اخيرا شرفت زين بصدمه : انت !!!!!!

Free reading for new users

Scan code to download app

App Store Google Play

Facebookexpand_more