"Hindi kayo matatalo dahil nandiyan ka, Cipher, at ang batang nagtataglay ng kapangyarihan na bumuo ng mga bagay," makahulugang sambit ni Arin, "Magtiwala ka lang sa iyong sarili at kayo ang magwawagi sa digmaang ito."
Batang may kapangyarihan na bumuo ng mga bagay?
Creation magic?
Si Erol ba ang tinutukoy niya?
"S-S-Si Erol?" pabulong na sambit ko, "Pero nakuha siya ng mga kalaban..."
Ngumiti si Arin at pinagdaop ang kamay na akala mo nanalangin. "Huwag kang mag-alala dahil ginagabayan ng Maykapal ang kanyang mga pinili. Hindi nila kayo pinabayaan dahil lahat ng nangyayari ngayon ay nakatadhana na mangyari."
Napalunok ako at makikita sa aking mukha ang hindi pagiging kumbinsido sa kanyang sinabi. Anumang isipin ang gawin ko ay dehado ang aming panig. Pero alam ko na hindi ko mapipil
