Nagulat na lang ako nang bigla akong itulak sa loob ng isang sasakyan ni Tito Aidan. Dahil doon ay sumalpak pa aking mukha sa bintana bago siya mabilis na umikot at sumakay sa driver seat.
Kumabog ang aking dibdib ng simulan buksan ni Tito Aidan ang sasakyan. Napalibot pa ako ng tingin sa paligid at umaasa na may taong darating para sagipin ako. Ngunit bigla na lamang ako mahigpit na napakapit sa upuan ng mabilis na patakbuhin ni Tito Aidan ang sinasakyan namin.
Ilang ulit ako napamura sa sobrang takot. Mukhang totohanin yata ni Tito Aidan ang kanyang banta na dadalhin niya ako sa impyerno.
Huhuhu! Alam ko na mainit ang dugo niya sa akin pero sana hindi naman sa ganitong paraan niya ako papatayin.
"Wear your seatbelt," seryosong utos sa akin ni Tito Aidan, "Full speed na ang gagawin
