[LUTHAN]
Tatlong araw na ang nakalipas. Balik-trabaho na naman ako. Minsan nga gusto ko nang umalis sa trabaho ko, kasi parang wala na rin namang silbi itong ginagawa ko.
Tutal nakuha ko na rin naman ang liwanag ni Ma'am Ella. Kaya sa totoo lang wala na akong dahilan para mag-model pa. Ang kaso naman, wala naman akong ibang mapupuntahan. Hindi naman ako pwedeng bumalik kay Franceli.
Hay, si Franceli.
Kumusta na kaya siya?
Sana maayos lang siya.
Ang sabi naman ni Steph, okay naman daw siya. Nakipagkita kasi ako kanina kay Steph. Siya kasi ang nagbabalita sa akin sa mga nangyayari. Dapat kasama niya naman talaga si Franceli kanina para personal niyang ibalita ang nangyayari kina Xander at Lacie. Kaso hindi nga siya sumama.
Naisip ko nga baka nagtatampo. Sana naman mapatawad niya na a
